Aımaqtar • 20 Qarasha, 2019

Qaraýyltóbege tabıǵı gaz jetti

14 retkórsetildi

Qyzylorda qalasyna qarasty Qaraýyltóbe aýyly tabıǵı gazǵa qosyldy. «QazTransGazAımaq» aksıonerlik qoǵamynyń 33 mln teńge bolatyn ınvestısııalyq jobasynyń nátıjesinde aýyldaǵy 300 úı kógildir otyn ıgiligin kóre bastaıdy.

Osyǵan oraı ótkizilgen saltanatty sharada qala ákimi Nurlybek Nálibaev pen «QazTransGazAımaq» aksıo­nerlik qoǵam ókilderi  turǵyn­dardy kópten kútken jobanyń sátti júzege asýymen quttyqtady.

Jalpy, qala aýmaǵyndaǵy eldi mekenderge aýyz sý jetkizý, gaz tartý, jol salý sekildi má­seleler kezeń-kezeńimen she­shi­min taýyp keledi. Onyń ishinde eldi mekenderdi gazdandyrý baǵytyndaǵy bastamalar ná­tıjesi qýantarlyqtaı.

Búginde Qyzylorda qalasyna qarasty  2 kent jáne 3 aýyl tolyq gazben qamtylǵan. Qalǵan 4 aýylǵa aldaǵy ýaqytta gaz qubyry tartylady.

Osydan tórt jyl buryn Tasbóget kenti men Qyzyljarma aýyldyq okrýginde 5 myńnan asa turǵyn úı, áleýmettik jáne kásipkerlik nysan kógildir otynǵa qosylsa, 2016 jyly mun­daı ıgilik Talsýat aýyldyq okrýgine jetti. Al eki jyl buryn Belkól kenti turǵyndary gazben qamtyldy. Bul jobalardy júzege asyrýǵa 3 mlrd teńgege jýyq qarjy tartylǵan. Osynyń nátıjesinde qazir qalany gazdandyrý kórsetkishi 95 paıyzǵa jetti.

Keler jyly Aqsýat aýyldyq okrýgine de gaz qubyry tartylady. Osy maqsatta bıyl oblystyq bıýdjetten bólingen 100 mln teńgege jobalyq-smetalyq qu­jattar ázirlenip, memlekettik saraptamanyń qorytyndysy alyndy.

 

QYZYLORDA

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar