Qoǵam • 20 Qarasha, 2019

Worldskills kazakhstan 2019: Eń úzdik kásiptik mamandar anyqtaldy

18 retkórsetildi

Elordada «WorldSkills Kazakhstan 2019» respýblıkalyq kásibı sheberlik chempıonaty ótti. Bilim jáne ǵylym mınıstrligi men «Kásipqor» holdıngi» kommersııalyq emes aksıonerlik qoǵamy birlesip bıyl besinshi ret uıymdastyrǵan dodaǵa elimizdiń 17 óńirinen kelgen úzdikter qatysty.

Bir aptaǵa jalǵasqan jarys­tyń apta basyndaǵy ashylýynda sóz alǵan Bilim jáne ǵylym mınıstri Ashat Aımaǵambetov chem­pıonattyń el ekonomıkasy úshin mańyzy zor ekenin atap ótti. «Bul elimiz úshin óte ma­ńyzdy is-shara. Prezıdent Qasym-Jomart Toqaev bilim salasyna óte úlken kóńil bóledi. Qa­byldaýy kezinde Memleket bas­shysy tehnıkalyq jáne ká­sip­tik bilim salasyn damytý bo­ıynsha naqty tapsyrmalar ber­di. Sonyń ishinde WorldSkills qozǵalysyn damytý máselesin de kóterdi. WorldSkills mamandyǵyn bilim baǵdarlamalaryna engizý máselesi – bizdiń aldymyzda turǵan basty maqsat», dedi mınıstr.

Konkýrsqa qatysýshylar «Kir­­pish qalaý», «Plıtkamen qap­taý», «Qurǵaq qurylys jáne sylaq jumystary», «Syrlaý jáne sándik jumystary», «San­­­tehnıka jáne jylytý», «Elek­tromontaj jumystary», «Aǵash isi», «Dánekerleý tehno­logııasy», «Elektronıka», «San­dyq baǵdarlamalyq basqa­rýy bar stanoktar tokarlyq ju­­mys­tary», «Kórneki merchen­daızıng jáne vıtrınıstıka», «Jeńil avtomobılderdi jón­deý jáne qyzmet kór­setý»,­ «Ký­zovty jóndeý», «Pro­totıp­teý», «Shatyr jumys­tary», «Me­ha­tronıka», «Zerthanalyq jáne hımııalyq saraptaý», «Veb dızaın jáne ázirleý», «Grafıkalyq dızaın», «Jelilik jáne júıelik basqarý», «CAD ınjenerlik gra­fı­kasy», «Bızneske arnal­ǵan IT sheshimder», «Uıaly robo­t­tehnıka», «Aqparattyq-kabel­dik jeliler», «Internet zattar», «О́ndiristik avtomatıka», «Ush­­qyshsyz ushý apparattaryn­ basqarý», «Meıramhanalyq qyz­met kórsetý», «Kondıterlik isi», «Aspaz isi», «Naýbaıhana isi», «Qonaqúıdi basqarý», «Me­dı­sınalyq jáne áleýmettik kútim», «Shashtaraz óneri», «Sán teh­nologııasy», «Mektepke deıin­gi oqytý», «Bastaýysh synyptar­da oqytý», «Florıstıka» sııaqty kásiptik mamandyqtar boıynsha saıysqa tústi.

Jas mamandardy ekonomıka­nyń óndiristik sektoryna tartýǵa, eldegi tehnıkalyq jáne kásiptik bilim berýdi damytýǵa yqpal etýdi maqsat tutqan jarysqa 18 ben 22 jas aralyǵyndaǵy kolledj jáne joǵary oqý oryndarynyń stý­dentteri, kásiporyndardyń jas qyzmetkerleri qatysyp, olar­dyń jumystaryn 500-ge jýyq sarapshy baǵalady. «Jas­tar sheberlikterin jaqsy kór­setti. Bizdiń kolledj úsh jyl­dan beri qatysyp keledi. Qatysý­shylarymyz ár jyly júl­deli bolady. Osy joly úsh stýdentimiz jarystyń CAD ın­jenerlik grafıkasy, jeńil avtomobılderdi jóndeý jáne qyzmet kórsetý, kýzovty jóndeý sııaqty túri boıynsha baq synady. Bul jarys bilikti mamandardy daıarlaýǵa, jańa ıdeıalar men trendter jasaýǵa, kásibı bilim sapasyn arttyrýǵa múmkindik beredi, sondaı-aq kási­bı sheberlik daǵdylaryn jetil­diretin alańǵa aınalady», deıdi Shymkent qalasy Jol-kólik kolledji dırektorynyń oqý isi jónindegi orynbasary Ábdimútálip Aqmoldaev.

WorldSkills dúnıejúzilik qozǵalysy 1946 jyly Ispanııada qurylǵan. Búginde álemniń 82 eli osy uıymǵa múshe. «2014 jyly Qazaqstan WorldSkills International (WSI) tolyq quqyly múshesi boldy. Osydan soń WSI «Kásipqor» holdıngi» kommersııalyq emes aksıonerlik qoǵamyn WorldSkills Kazakhstan qozǵalysyn damytý boıynsha qyzmetti júzege asyratyn múshe uıym retinde qabyldady. Soǵan saı holdıng pen WSI arasynda seriktestik kelisim bar. 2015 jyldan bastap ınjenerlik, tehnıkalyq jáne jumysshy mamandyqtarynyń mártebesin arttyrýǵa baǵyt­tal­ǵan WorldSkills chempıonat­tary aımaq­tyq jáne respýb­lı­kalyq deńgeıde ótkizilip keledi. Eń alǵashynda 7 kásiptik maman­dyqtyń túrimen bastalǵan sa­ıys bıyl 38 mamandyq boıynsha kil júırikterden shyn júırikti anyqtady. Respýblıkalyq jarys­tyń jeńimpazdary halyqaralyq chempıonattarǵa jiberiledi. Qa­­zir­ge deıin olar Brazılııa, Shve­­­­sııa, BAÁ, Vengrııa, Reseı sııaq­ty elderde ótken konkýrsqa qa­tysyp, baǵyn synady. Mysaly, soń­ǵy ret Qazan qalasynda ótken jarys­ta ushqyshsyz ushý apparattaryn basqarý túri boıynsha bizdiń elden qatysqan Álı Áskerhanov 3-oryndy ıelendi. Iаǵnı, qatysýshylardyń kásibı sheberligi jyl saıyn artyp, shyńdalyp keledi. Al álemdik 45 chempıonatqa qatysqan elimizdiń mehatronıka mamandary kásibı sheberlik boıynsha arnaıy me­daldi enshiledi. Bul biz úshin úlken jeńis. О́ıtkeni onda bizdiń qatysýshylar Germanııa, Ispanııa, Reseı sııaqty eń myqty degen elderdiń kásiptik mamandarymen taıtalasqa túsip otyr.

Demek WorldSkills-ti jumys berýshi men bilim salasy­nyń ara­syndaǵy kópir deý­ge bola­dy. Osylaısha jastar kásip­tik mamandyqqa degen qyzyǵý­shylyǵyn arttyryp, biliktigin shyńdasa, jumys berýshi de ózi­ne qajetti mamandy tabady. О́ıtkeni bul joǵary standart­tarǵa saı jumys isteýge jeteleı­di. Máselen, bizde tokarlar maı-maı bolyp stanoktarda turady de­gen uǵym qalyptasqan. Al qazir­gi tokarlyq alańdarda adam­­dar jabyq nysanda aq halat­­pen jumys isteıdi», deıdi «Kásip­qor» holdıngi» KEAQ WorldSkills qozǵalysyn damytý departamentiniń dırektory Sanjar Tátibekov.

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar