Rýhanııat • 20 Qarasha, 2019

Úkasha ata kesenesi janynan mýzeı ashyldy

43 retkórsetildi

Túrkistan oblysynda Úkasha ata kesenesi janynan mýzeı ashyldy. «Áziret Sultan» memlekettik tarıhı-mádenı qoryq-mýzeıiniń quramyna dinı-rýhanı eskertkish retinde tizimge alynǵan kesenedegi «Úkasha ata tarıhy» mýzeıine Quran kitaptar men ataǵa qatysty ańyz-áńgimeler, sýretter, VII-IH ǵasyrlarǵa tán qumyralar, dıirmen, XIX-XX ǵasyrlarǵa jatatyn mys qumǵan syndy jádigerler qoıylǵan.

 

– Tuńǵysh Prezıdentimiz –Elbasy Nursultan Nazarbaev «Mýzeı eksponattary dáýirlerdiń qandaı da bir kezeńindegi ártúrli sharýashylyq salalarynyń damý úderisin kórsetedi» degen bolatyn. Úkasha ata mýzeıi de elimizde ıslam dininiń taralý kezeńinen ún qatady. «Áziret Sultan» qo­ryq-mýzeıiniń alǵa qoıǵan maq­satynyń biri – kesenede mýzeı ashyp, tól jádigerler men tarıhty tereńinen nasıhattaý edi. Búgin mine sol nıet oryndalyp otyr, – dedi ashylý saltanatynda «Áziret Sultan» qoryq-mýzeıi dırektorynyń orynbasary Murat Tastanbekov.

Shara barysynda kesene­ shy­­raqshysy Shámshıddın Zá­kı­rov Úkasha atanyń sońǵy paı­ǵambarymyz Muhammedtiń (s.ǵ.s.) sahabalarynyń biri bolǵanyn jáne Alla elshisiniń arqasyndaǵy mórin kórgen jalǵyz sahaba ekenin aıtyp, ózge de ańyzdar jaıynan syr shertti. Tarıhı-mádenı eskertkish retinde memleket qaraýyna alynǵan keremetke toly qudyq pen sahabanyń qabiri jatqan kesene jaıly ańyz-áfsana, jyr-dastandar kóp. El arasynda ańyz tulǵa retinde tanymal ata jóninde arnaıy jazylǵan tarıhı zertteý eńbegi joq. Ańyz bo­ıynsha Muhammed paıǵambardyń (s.ǵ.s) sahabasy Úkasha atany jaý jeńe almaǵan, eshbir pendeniń oǵy ótpeıdi, qy­lyshy kespeıdi. Tek tań namazyn oqyǵan kezde qorǵansyz bolady eken. Ony bil­gen din dushpandary Úkasha ata tań namazyn oqyp otyrǵan kezde kelip, basyn qylyshpen shaýypty. Jansyz basty perishteler doma­latyp qyrdyń etegine jet­kizipti. Sol jer qaq aıyrylyp qudyq bolyp Úkasha ata basy oǵan túsip jerasty ózen arqyly Mu­hammed paıǵambarǵa (s.ǵ.s) jetipti. Sahabanyń qany tamǵan jerdiń betine sazdan uzyndyǵy 21 metr belgi soǵylǵan. Zııarat­qa barǵandarǵa áýlıeniń shyraq­shylary Úkasha atanyń basy domalap túsken qudyqty, ata­nyń túıesiniń izi qalǵan tasty kór­setedi. Zııaratshylar qudyqqa kezek­pen shelek salyp sý alýǵa áre­ket etedi.

Túrkistan óńiriniń tarıhyn­ jáne mýzeı isin keńinen nasıhat­taý maq­satynda ashylǵan mýzeı­di sharaǵa qatysýshylardan bólek, Aqtaý, Almaty, Qostanaı óńi­ri­nen kelgen zııaratshylar da ta­mashalady. Mýzeıge kese­ne­ni qalpyna keltirip, aınalasyn abattandyrǵan alǵashqy shy­raqshy Kámil qary men onyń járdemshisi Atajannyń sýret­teri, ólkeniń tarıhynan syr shertetin arheologııalyq já­diger­ler men mýzeı janashyr­larynyń syıǵa tartqan kóne áshekeı buıymdary, tarıhı kitaptar da qoıylǵan. «Kámil qary men Atajan atamyz osy jerge túnep, molanyń ústine asarmen úlken kesene turǵyzǵan. Ol 1947 jyldyń basy bolatyn. Biz de kómek berip, atalarymyzǵa qolǵabys jasaǵanymyz esimde. Járdemge kóp adamdar keldi. Attyly-jaıaý adamdar qona jatyp, kómektesip ári zııarat jasaıtyn»,  deıdi Kámil qarynyń urpaǵy Tolqyn Qudaıbergenuly.

Aıta ketelik, sońǵy jyldary Túrkistan qalasynan 40-50 shaqyrymdyq jerde ornalasqan Úkasha ata kesenesine kelýshiler sany da eselep artqan. Elimizdiń túkpir-túkpirinen arnaıy kelip, zııarat etip ketetinderden bólek О́zbekstan, Qyrǵyzstan, Reseı syndy kórshiles elderden arnaıy keletinder de kóp.

 

Túrkistan oblysy

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar