Qos komanda arasyndaǵy matchtyń shymyldyǵy Mıhaıl Kýkýshkın men Botık van de Zandshýlp arasyndaǵy básekemen ashyldy. Álemniń 67 raketkasy ATR tiziminde 200 orynǵa turaqtaǵan qarsylasynyń osal tusyn ońaı tapty – 6:2, 6:2.
Kelesi kezdesýde úzdikter reıtınginde 57 orynǵa jaıǵasqan Aleksandr Býblık ózinen 167 saty tómen turǵan Robın Hasege ese jiberdi – 5:7, 6:3, 6:7.
Esesine sheshýshi synda jerlesterimiz keremet óner kórsetti. Juptyq saıysta Mıhaıl Kýkýshkın men Aleksandr Býblık Jan-Jıýlen Roıer men Robına Hastan aılasyn asyrdy – 6:4, 7:6.
Endi Qazaqstannyń tennısshileri áıgili Endı Marreı bastaǵan Ulybrıtanııa quramasymen kúsh synasady. Bul kezdesý erteń Nur-Sultan ýaqyty boıynsha saǵat 16:00-de bastalady.
