Qoǵam • 20 Qarasha, 2019

Sabaq bolmaıtyny týraly aqparatty qaıdan alýǵa bolady?

40 retkórsetildi

Aýa raıynyń nasharlaýyna baılanysty elorda mektepterinde keıbir synyptar úshin sabaqtar toqtatyldy. Sabaq bolmaıtyndyǵy jaıly aqparat birinshi kezekte Nur-Sultan qalasy ákimdigi men Bilim basqarmasynyń resmı derekkózderinde jarııalanady dep habarlaıdy qala ákimdiginiń resmı saıty.

Sabaqty toqtatý jóninde sheshim qabyldanǵan jaǵdaıda jaýapty qyzmetker osy aqparatty Nur-Sultan qalasynyń Tótenshe jaǵdaılar departamentiniń dıspetcherlik qyzmetine, qala boıynsha jedel áreket etý ortalyǵynyń operatoryna (109 qyzmet kórsetý júıesine) habarlaıdy.

Aqparat tómendegi derekkózder arqyly taratylady:

1) Nur-Sultan qalasy Tótenshe jaǵdaılar departamenti qyzmetinen kelip túsken sms-habarlama;

2) iKOMEK109 qalalyq ortalyǵy (109 nómirine qońyraý soǵý, nemese mobıldi qosymsha men chattaryna tirkelip, habarlama alý);

3) Nur-Sultan qalasy Bilim basqarmasynyń resmı ınternet-resýrsy (http://bilim.astana.kz);

4) Nur-Sultan qalasy Bilim basqarmasynyń resmı Facebook paraqshasy (https://www.facebook.com/bilimastana/);

5) Nur-Sultan qalasy ákimdiginiń resmı ınternet-resýrsy (http://astana.gov.kz/); 6) Smart Astana qosymshasy (mobıldi qosymshasyna tirkelip, habarlama alý).

Birinshi aýysym úshin saǵat 6.00-den, al ekinshi aýysym úshin saǵat 12.00-den bastap berilgen aqparat qala turǵyndary men qonaqtaryn habardar etý úshin, Nur-Sultan qalasy Bilim basqarmasynyń resmı ınternet-resýrsynda jáne Facebook paraqshasynda jarııalanyp, bilim mekemeleriniń basshylary men buqaralyq aqparat quraldaryna beriledi. Oqýshylar sabaqqa kelgen jaǵdaıda, mektep basshylyǵy ádettegi sabaq kestesine saı (baqylaý jumystary men pánder boıynsha jańa taqyryptardy ıgerýdi qospaǵanda) tolyq oqý kúnin qamtamasyz etedi, sabaq aıaqtalǵan soń, balalardy mektepten alyp qaıtý ata-analarmen nemese zańdy ókilderimen qamtamasyz etiledi.

Aýa raıynyń qolaısyzdyǵy kezinde keleńsiz jaǵdaılardy boldyrmaý úshin bilim berý uıymdarynda kúndizgi jáne túngi kezekshilik uıymdastyrylady. Ata-analarǵa aýa raıy týraly derekterdi anyqtaý maqsatynda ınternet-qosymshalar men basqa da rastalmaǵan derekkózderdi paıdalaný usynylmaıtyndyǵyn aıta ketken jón.


Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar