Qoǵam • 20 Qarasha, 2019

Urlyq jasaý aýyr qylmys sanatyna kóshedi

94 retkórsetildi

Urlyqqa qatysty áreketter aýyr qylmystar sanatyna kóshedi. Bul týraly Parlament Májilisiniń jalpy otyrysynda málim boldy.

«Izgilendirý alǵashqy ret qoǵamǵa, azamattarymyzǵa onsha qaýip tóndirmeıtin aýyr emes qylmystarǵa ǵana qatysty. Olarǵa túzetilý úshin múmkindik berý kerek. Al júıeli túrde qylmysty kásipke aınaldyrǵan adamdarǵa jaza aýyr bolýy tıis. Bularǵa memlekettiń barlyq repressıvtik kúshi jumsalady. Ásirese, qasaqana adam óltirgenderge, pedofılderge, ekstremısterge, esirtki satýshylarǵa, brakonerlerge, janýarlar dúnıesine qol suqqandar men uıymdasqan qylmysqa barǵan adamdarǵa. Memleket basshysy Qasym-Jomart Toqaev óz Joldaýynda osyndaı qylmystar úshin jaýaptylyqty qataıtý týraly tapsyrma berdi» dedi Bas prokýrordyń orynbasary Marat Ahmetjanov.

Osy oraıda birqatar qasaqana qylmys úshin jaýaptylyqty kúsheıtý eskerilgen.

«Bul túzetýlerdiń bir bóligi menshikke qarsy qylmystarǵa qatysty. Aldymen urlyq, tonaý jáne qaraqshylyq maqsatynda úı-jaıǵa, qoımaǵa, kólik quralyna zańsyz buzyp kirýmen jasalǵan qylmystar úshin jaýaptylyq kúsheımek. Urlyqqa qatysty áreketter aýyr qylmystar sanatyna kóshedi. Demek, tatýlasý bolmaıdy. Tipti, zalal ornyn toltyrsa da, keshirim berse de qylmystylyq jaýaptylyqtan bosatylmaıdy» dedi M.Ahmetjanov. 

Aıta keteıik, búgin jalpy otyrysta «Qazaqstan Respýblıkasynyń keıbir zańnamalyq aktilerine qylmystyq jáne qylmystyq-prosestik zańnamany jetildirý máseleleri boıynsha ózgerister men tolyqtyrýlar engizý týraly» zań jobasy talqylanyp jatyr.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar