Qoǵam • 20 Qarasha, 2019

Nur-Sultanda gaz baǵasy qansha bolady?

73 retkórsetildi

Úkimettiń baspasóz ortalyǵynda ótken baspasóz konferensııasynda Energetıka vıse-mınıstri Murat Júrebekov Nur-Sultan qalasyn gazdandyrýdyń birinshi kezeńi aıasynda gaz baǵasyn belgileý týraly aıtyp berdi. Bul týraly primeminister.kz habarlady.  

M. Júrebekov habarlaǵandaı, tutynýshylar úshin túpki baǵa astanada úsh negizgi faktorǵa baılanysty túziledi. Birinshisi – jer qoınaýyn paıdalanýshylardan satyp alý baǵasy, ol boıynsha batys ken oryndarynan, Teńiz gazdan gaz alý josparlanǵan, sondaı-aq Aqtóbe ken orny toptamasy. Baǵasyn Energetıka mınıstrligi Ulttyq ekonomıka mınıstrliginiń Tabıǵı monopolııalardy retteý komıtetimen birlesip retteıtin bolady. 

«Ekinshi bóligi – gaz tasymaldaý. Gaz “Beıneý – Bozoı – Shymkent” gaz qubyry arqyl tasymaldanatyn bolady. Onda bizdiń tarıf anyqtalǵan jáne odan joǵary jańa gaz qubyry boıynsha joǵary kóteriledi. Baǵaǵa áser etetin úshinshi faktor, gaz taratý jelilerin jumsalatyn shyǵyndar. Olar bıýdjetten qarjylandyrylady. Sondyqtan yqpaly az bolady. Tek, jelilerge qyzmet kórsetý tarıfi bolady. Baǵaǵa yqpal etetin negizgi faktor – 267 mlrd teńge qarjy jumsalǵan jańa gaz qubyrynyń tarıfi», — dedi Energetıka vıse-mınıstri.

M. Júrebekovtyń aıtýynsha, paıdalanýǵa bergen soń qurylys uıymy gaz qubyryn ári qaraı paıdalaný úshin «Intergaz Ortalyq Azııa»-nyń basqarýyna tapsyrady, bul kompanııa «QazTransGaz» ulttyq operatorynyń enshiles qurylymy. 

«Odan soń kompanııa Ulttyq ekonomıka mınıstrliginde tarıfin qorǵaıtyn bolady. Tarıf bekitilgen soń elordadaǵy kóterme baǵasy anyqtalady, sony eskerýmen tutynýshy úshin bólshek baǵasy esepteledi. Bizdiń gaz qubyry paıdalanýǵa beriletin kúndi kútpeıtinimizdi aıtqym keledi. 13 qarasha kúni QR Premer-Mınıstriniń tóraǵalyǵymen keńes ótti. Jumys toby quryldy, aı sońyna deıin gaz baǵasy boıynsha nusqalar usynylatyn bolady», — dedi ol.

M. Júrebekovtyń aıtýynsha, quny kómirden arzan bolmaıdy, degenmen, gaz elorda men basqa oblystarda energııanyń dızel, mazýt degen sııaqty basqa balamaly kózderine qaraǵanda, arzan bolady. 

«Bizde deldal joq, baǵany jer qoınaýyn paıdalanýshylardan “QazTransGaz” AQ ulttyq operatory satyp alyp, halyqqa jetkizedi. Biz qazirdiń ózinde tutynýshyǵa osy baǵany anyqtaý úshin sharalar qabyldap jatyrmyz. Búgin bizde baǵanyń kóptegen nusqalary bar. Aıta keterligi, eń tómengi baǵa nusqasy tańdalady, bul bizdiń maqsatymyz – baǵany halyq úshin qoljetimdi jáne arzanyraq etý», — dep qorytyndylady Energetıka vıse-mınıstri.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar