Prezıdent • 20 Qarasha, 2019

Qasym-Jomart Toqaev: Qazaqstannyń maqsaty – álemdik úrdisten qalyp qoımaý

56 retkórsetildi

Qasym-Jomart Toqaev «Alem» baǵdarlamalaý mektebine, Halyqaralyq «Astana hub» IT-startaptar tehnoparkine jáne «Astana IT University» aqparattyq tehnologııalar ýnıversıtetine bardy. Bul nysandardyń bári «Astana EKSPO-2017» aýmaǵynda ornalasqan. Bul týraly Aqorda habarlady. 

Qazaqstan Prezıdenti «Alem» mektebiniń oqytý baǵdarlamasymen tanysty. Oqýshylarmen áńgimelesý barysynda ol álemde IT salasynyń ózektiligi men suranysqa ıe ekenin atap ótti.

– Qazaqstannyń maqsaty – álemdik úrdisten qalyp qoımaý. Eń bastysy, zaman aǵymymen júrip otyrýymyz kerek, áıtpese biz álemdik damý úderisinen syrt qalamyz. Biz jastardy osyndaı daǵdylarǵa baýlyp, atalǵan salaǵa kóptep tartýymyz kerek. Bilim alýǵa umtylatyn óte qabiletti jastarymyz jetkilikti, – dedi Qasym-Jomart Toqaev.

Oqýshylar Memleket basshysyna leksııalardy, baǵa qoıý ádisin jáne basqa da dástúrli bilim berý elementterin muǵalimsiz baǵdarlamalaýdy qalaı úırený kerektigin aıtty.

Sodan keıin Memleket basshysy Halyqaralyq «Astana hub» IT-startaptar tehnoparkine bardy. Qasym-Jomart Toqaevqa tehnopark bazasynda júzege asyrylyp jatqan matchmeıkıngke arnalǵan kıbersport platformasy men avtomattandyrylǵan «INUI Software» saýda alańy, «Tastamat» mobıldi postamattary, «Clockster» dep atalatyn qyzmetkerlerdiń jumysqa kelip-ketýin tirkeıtin bıometrııalyq júıe jáne basqa da startap-jobalar tanystyryldy.

«Astana IT University» aqparattyq tehnologııalar ýnıversıtetinde Memleket basshysyna joǵary oqý ornynyń negizgi baǵyttary týraly málimet berilip, oqý kabınetteri men zerthanalary kórsetildi.

Qasym-Jomart Toqaev stýdentterdi sapaly bilim alyp, elimizdiń ıgiligi úshin  jumys isteýge shaqyrdy.

– Ýnıversıtet Elbasy Nursultan Nazarbaevtyń tikeleı bastamasymen ashylǵan. Bilim berý turǵysynan bul ýnıversıtet bedeldi ári bilikti mamandar daıarlaıtyn, bedeldi oqý ornyna aınalatynyna eshqandaı kúmánim joq. Neǵurlym jaqsy bilim alsańyzdar, myna qıyn da almaǵaıyp ómirden alar enshilerińiz soǵurlym kóp bolady, – dedi Prezıdent.

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar