Qoǵam • 21 Qarasha, 2019

Yntymaqtastyq máseleleri qaraldy

29 retkórsetildi

Qalmuhanbet Qasymov TMD múshe-memleketteri qaýipsizdik keńesteri hatshylarynyń 7-otyrysyna qatysty.

Keshe Máskeý qalasynda Qa­zaq­stan Respýblıkasy Pre­zıden­ti­niń kómekshisi – Qaýip­siz­dik Ke­ńesiniń Hatshysy Qal­mu­­hanbet Qasymov Táýelsiz Mem­leketter Dostastyǵynyń múshe-memleketteri qaýipsizdik keńesteri hatshylarynyń 7-otyrysyna qatysty. Jıyn barysynda TMD keńis­ti­ginde qaýip­sizdikke jáne turaq­tylyqqa baǵyt­talǵan qazirgi syn-tegeýrin men qaýip-qater­ler jaǵdaı­yn­daǵy óńirlik ynty­maq­tastyqtyń ózekti máseleleri qaraldy.

Sonyń ishinde sheteldik lań­kesterden tónetin qaýip-qater­lerdi beıtaraptaý baǵyttardy arttyrýdy jáne olardy TMD elderiniń aýmaǵyna kirgizbeý jónindegi yntymaqtastyqtyń qajetti sharalary talqylandy. Hımııalyq jáne bıologııalyq qaýipter, Aýǵanstandaǵy ahýal, kıberqaýipsizdik salasyndaǵy qazirgi tendensııalar boıynsha pikir almasty.

Q.Qasymov Sırııa men Aý­ǵan­standaǵy ahýaldyń shıe­lenisýine baılanysty birlesken áre­ket­terdi, dinı-ekstremıstik jáne ter­rorıstik uıymdardyń yq­pa­ly kúsheıgenin atap ótip, «TMD keńistiginde syrtqy qaýip-qa­ter­lerdi baǵalaý týraly» baıandama jasady.

Qalmuhanbet Qasymov sha­ra barysynda Belarýs Respýb­lıkasy Qaýipsizdik Keńesiniń Mem­le­kettik hatshysy S.Zas­pen, Aýǵanstan Islam Respýblı­kasy Prezıdentiniń ulttyq qaýip­sizdik boıynsha keńesshisi H.Mo­hıb­pen, О́zbekstan Prezıdenti janyndaǵy Qaýipsizdik Keńesiniń hatshysy V.Mahmýdovpen já­ne Armenııa Respýblıkasy Qa­ýip­sizdik Keńesiniń hatshysy A.Grıgorıanmen ekijaqty kezdesýler ótkizdi.

Taraptar óńirlik jáne álem­dik qaýipsizdiktiń negizgi máse­leleri boıynsha pikir almasyp, atalǵan baǵytta yntymaqtastyq ornatý barysyn talqylady. Sondaı-aq yntymaqtastyq bo­ıynsha birqatar qujattarǵa qol qoıdy.

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar