Aımaqtar • 21 Qarasha, 2019

Investısııa – damý dańǵyly

9 retkórsetildi

Prezıdent janyndaǵy Ortalyq kommýnıkasııalar qyzmetinde Almaty oblysynyń ákimi Amandyq Batalovtyń qatysýymen aımaqtyń áleýmettik-ekonomıkalyq damýy máselesine qatysty baspasóz máslıhaty ótti.

Oblys ákimi Prezıdent Qasym-Jo­mart Toqaevtyń Qazaqstan halqyna Jol­daýyn júzege asyrý aıasynda atalǵan aı­maq­taǵy basty jetistikterge toqta­lyp, osy jyldyń keıingi 10 aıyn qorytyn­dy­lady.

– Jalpy, ótken 10 aıda ekonomıkanyń barlyq salasynda ósim bar. Ásirese ın­ves­tısııa tartýdaǵy jetistikterdi atap ótýge bolady. Oblysta ótken «Jetisý INVEST – 2019: «Qarjy quı. О́mir súr. Saıahatta» atty Halyqaralyq  ınves­tısııalyq forým nətıjesinde jalpy quny 860 mln dollardy quraıtyn 13 memorandýmǵa qol qoıyldy. Oǵan qosa forýmnan keıin «KUSTO GROUP» kompanııalar tobynyń jobalary daıyndala bastady. Qazir olar oblystyń basym baǵyttarynyń biri bolyp belgilengen keshendi ekojúıe men proteındik strategııa tujyrymdamasy  negizinde jumys isteýde, – dedi Amandyq Batalov.

О́ńir basshysynyń aıtýynsha, «KUSTO GROUP» ekojúıesiniń taǵy bir mejesi – bordaqylaý alańdaryn salý bolmaq. Oblysta bir mezgilde 100 myń bas iri qarany bordaqylaı alatyn 10 mal bordaqylaý alańyn ashý josparlanǵan.

Oblys basshysy respýblıkadaǵy 19 transulttyq kompanııanyń toǵyzy oblysqa tartylǵanyn tilge tıek etti. Sonyń ishinde, ótken jyly «WILO» atty nemis kompanııasynyń sorǵy quraldaryn óndirý zaýyty men qazaqstandyq unnan eksportqa baǵyttalǵan azyq-túliktiń 30 túrin óndiretin «Mareven Fýd» zaýyty iske qosyldy. Qyrkúıekte qýaty 100 myń tonnalyq reseılik «Lýkoıl» kompanııasynyń maılaý materıaldaryn shyǵaratyn zaýyty iske qosyldy. 36 mlrd teńge ınvestısııa tartylyp, 225 jumys orny ashyldy.

Spıker óz baıandamasynda agroóner­kásiptik keshenniń aımaqty damytýdaǵy róline de toqtaldy. Máselen, eńbek ónim­diligi bıyl ótken jylmen salystyrǵanda 4% ósimmen 2 mln 150 myń teńgege, al óń­delgen ónim eksportynyń kólemi 5,5% ósim­men 85 mln dollarǵa jetedi dep jos­par­lanýda. Oblystyń aýyl sharýa­shylyǵy óniminiń úlesi 17%-dy qurap, respýblıka aýmaǵy boıynsha birinshi orynǵa turaqtady. Aýyl sharýashylyǵy daqylda­ry­nyń egistigi 7 myń gektarǵa keńeı­tilip, 961 myń gektardan asty. Onyń 465 myń gektary – sýarmaly jer. Qant qyzylshasynyń alqaby 14 myń gek­tarǵa, júgeri 82 myń gektarǵa jetkizildi.

Oblysta mal sharýashylyǵy da órkendep keledi. Jyl ótken saıyn shaǵyn jáne orta bıznes nysandarynyń sany artýda. Búginde shaǵyn jáne orta bızneste 252 myń adam jumys isteıdi. Olar shyǵaratyn ónimder men kórsetetin qyzmetter kólemi bıyl 1,4 trln-ǵa jetedi dep kútilýde.

Oblys basshysy aımaqtyń basym baǵyttarynyń biri – týrızmdi damytý isine de aıryqsha toqtaldy.

– Jetisý aýmaǵynda týrıstik turǵyda qyzyǵýshylyq týdyratyn 162 oryn bar. Olarǵa bıyl eki mıllıonnan astam týrıst keldi. Bizdiń «Infraqurylym-Investısııalar-Marketıng» atty tabys formýlamyz sońǵy bes jylda týrıster legi ósimin 2,5 esege, aqyly qyzmetter kólemin 3,5 esege, ornalastyrý nysandaryn 1,5 esege ósirýdi qamtamasyz etti.
40 mlrd teńge kóleminde jeke ınvestısııa tartyldy, – dedi Amandyq Batalov.

Nátıjesinde, aldaǵy alty jylda Jetisý óńirine taban tireıtin týrıster sany 4 mln-ǵa jetedi degen boljam bar. Josparlanǵan ınvestısııa kólemi shama­men 1 mlrd dollardy qurap, óz keze­ginde 22 myń jańa jumys ornyn qurýǵa múmkindik beredi.

Oblysta turmysy tómen jáne kóp balaly otbasylardy qoldaýǵa kóp kóńil bólinýde. Osy maqsatta Áleýmettik karta ázirlenip, ony iske asyrýǵa jergilikti bıýdjetten 3,4 mlrd teńge bólindi. Az qamtylǵan otbasydan shyqqan 58 myń bala Áleýmettik karta sheńberinde balabaqshalar men mektepterde tegin ystyq tamaqpen qamtyldy. Taldyqorǵan qalasynda 42 myń oqýshy men stýdentke jáne úsh qalada 8 myń kóp balaly anaǵa tegin jol júrý quqyǵy berilgen. Az qamtylǵan otbasynan shyqqan balalarǵa joǵary oqý oryndaryna túsý úshin 100 grant bólindi. 2277 otbasy gazǵa tegin qosyldy.

Turǵyn úı máselesi de sheshimin tabýda. Jyl basynan beri 743 myń sharshy metr turǵyn úı paıdalanýǵa berilip, jyldyq jospar 95%-ǵa oryndaldy. Búginde turǵyn úı alý kezeginde 51 myń adam tur. Onyń 6039-y – kóp balaly otbasylar. Osy jyly 1447 kóp balaly otbasyn turǵyn úımen qamtý josparlanyp otyr. Olardyń 1093-ine baspana berildi.

Baıandama sońynda oblys ákimi aımaqtaǵy ınfraqurylym, balalardy mektepke deıingi bilimmen qamtý, medısınalyq kómektiń sapasy men onyń qoljetimdiligin arttyrý, mindetti medısınalyq saqtandyrý máselelerine toqtalyp, BAQ ókilderiniń saýaldaryna jaýap berdi.

 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar