100 • 21 Qarasha, 2019

7 Olımpıadaǵa, 5 álem chempıonatyna, 5 Azııa oıyndaryna kýá boldym

146 retkórsetildi

«Egemende» attaı 24 jyl taban aýdarmaı eńbek etippin. Sheraǵańnan bastap, Saýytbek Abdrahmanovqa deıin 7-8 gazet basshysymen qoıan-qoltyq jumys istedim. El gazetinde ótken shırek ǵasyr ýaqyt meniń qanatymdy qataıtyp, tynysymdy keńeıtip, qaıratkerlik bolmysymdy qalyptastyryp, elge tanytty. Eńbegim elenip, orden-medaldarmen marapattaldym, 20 kitabym jaryq kórdi. Osy jyldar ishinde qýanyshty da qaıǵyly da sátterdi san márte bastan ótkerdik.

1990 jyldyń 14 maýsymynda keshkilik temirjolshylardyń Máde­nıet saraıynda ekologııaǵa arnalǵan mıtıngtiń bastalǵany sol edi, Jer-ana kúńirenip, týlap sala berdi. Ta­rıhta Zaısan zilzalasy dep qaraly áriptermen jazylǵan myńdaǵan adam­dardyń júregine syzat qaldyrǵan tabıǵat apatynan Birjan esimdi sábı qaıtys bolyp, ondaǵan myń adam úısiz-kúısiz qaldy. Sol kezde elimizdiń bas basylymynda tórt jyl boıy zilzala taqyryby gazet betterinen túspedi. Qurastyrmaly aǵash úıler men kirpish urlaǵandardy syn tezine alyp, san ret syn maqalalar da jazdyq. 1990 jyldyń 12 qyrkúıeginde О́skemendegi Úlbi metallýrgııa zaýytynda berılıı sehy jarylyp, apatty jaǵdaı týdy. 1993 jyldyń kúzinde búkil eldi shýlatqan qandy oqıǵanyń kýási boldyq. Tórt birdeı órimdeı jas jigitti О́skemendegi cheshenderdiń aıýandyqpen óltirgeni myńdaǵan jandardy ashyndyrdy. Sondaı syn sátterde de gazet betinde maqalalar jazyp, halyqty sabyrǵa shaqyrdyq.

Sport – máńgilik hobbıim. Mine, 50 jyldan asty, sport taqyrybyna qalam siltep kelemin. 1998 jyly Parıjde ótken Álem kýbogy jarysyna súıikti (ol kezde bas redaktor Ýálıhan Qalıjan) gazetim saparǵa jiberdi. Al 2000 jyly Sıdneıde ótken Jazǵy Olımpııa oıyndaryna gazet tórt birdeı tilshisin (Erkin Qydyr, Ǵalym Súleımen, Rysbek Sársenbaıuly jáne men) aıshylyq alystaǵy altynshy qurlyqtan reportajdar jazýǵa attandyryp saldy. Budan keıin Afına men Týrındegi Olımpıada oıyndary jáne Koreıa men Japonııada ótken fýtboldan álem chempıonatyna qatysýym gazettiń bedeli bolsa kerek. Al Beıjińdegi Jaz­ǵy Olımpııa oıyndarynan súıikti gazetimizge sport dese ishken asyn jer­­ge qoıatyn tilshiler Kósemáli Sát­tibaı, Baqtııar Taıjan úsheýmiz jedel reportajdar jóneltip turdyq. Jalpy, «Egemende» eńbek etken jyldary 7 Olımpıada jáne 5  álem chempıonaty, 5 Azııa jáne Ýnıversıada oıyndaryna barý mańdaıyma jazylypty.

Sóz sońynda júz jyldyq mereıtoıyn atap ótkeli otyrǵan gazet basshylyǵyn, tilshiler korpýsyn, basylymnyń turaqty oqyrmandaryn mereıli mezetpen shyn júrekten quttyqtaǵym keledi. «Egemen» dáıim eldiń alǵysyna bólene bersin!

 

Ońdasyn ELÝBAI,

gazet ardageri, «Qurmet» ordeniniń ıegeri, Qazaqstannyń Qurmetti sport qaıratkeri

 

О́SKEMEN

 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar