100 • 21 Qarasha, 2019

«Egemende» eńbek etken jyldaryńyz nesimen este qaldy?

30 retkórsetildi

Árıne bir jerde kóp jumys isteý aıryqsha atap aıtatyn da nárse emes shyǵar. Eń bastysy – onda jaqsy jumys isteý. Men «Egemende» uzyn – yrǵasy 47 jyldaı eńbek etippin. Stýdent kezimde, osy redaksııada tájirıbeden ótip, ujymǵa baýyr basyp kettik. Tipti biraz ýaqyt basqa jerlerde jumys isteýge týra kelgende de kóńilimiz bul gazetten ajyramaǵan. Biraz ýaqyt Semeıde menshikti tilshi boldyq, redaksııada biraz bólimderdi basqaryp, jaýapty hatshy, fılıal jetekshisi qyzmetterin de atqardyq. Zeınetkerlikke 75 jastan asqanda shyqqanbyz. Sodan da men bul gazetti óz ómirimnen bólip qaraı almaımyn. Qýanyshymyzdy da, ómirde kezdesken keıbir qıyndyqty da ujymmen birge bólistik. Gazetke baılanysty barlyq nárseler men úshin aıryqsha qymbat.

Eń aldymen osy jerde birge qyzmet etken adamdardyń orny erekshe. Kezinde aǵaılarym men apaılarym maǵan qamqor bolsa, keıin ózimizdiń jasymyz ulǵaıǵanda kóńilimiz jastarǵa qamqor bolýǵa burylyp turady. Týysqannan da jaqyn bolyp ketken jandardyń beıneleri kóz aldymda. Biz munda kimdermen istes bolmadyq! Basshylar ǵana emes, qarapaıym qyzmettegi adamdar ónegesin qaıtip umytarsyń.

Bir ǵasyrlyq tarıhy bar «Egemenniń» sońǵy alpys jyldyq tarıhyna tikeleı kýálik ete alady ekenbiz. Bul tarıh – halyqqa qyzmet etýdiń jarqyn úlgisi der edim. Ol basylymdy elimizdiń, halqymyzdyń ómirinen bólip qaraı almaısyń. Ol sonysymen de erekshelenedi, sonysymen de tarıhta qalady.

Dál osy kúnderde kóńilge kóp jaılar oralady. Osy gazette qyzmet etken talaı jaısańdardyń isi alda jalǵasatyny, jalǵastyratyn urpaqtyń barlyǵy qýantady.

Júz jasaǵan gazettiń merekesi – halyqtyń merekesi. Táýelsizdigimizdiń jarshysy, uranshysy bolǵan gazetimiz halqymyzben birge jasaı beredi.

 

Mamadııar JAQYP,

«Egemen Qazaqstannyń» ardageri

 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar