Qazaqstan • 21 Qarasha, 2019

Erjan Maksımge qalaı daýys berýge bolady

103 retkórsetildi

Polshada «Junior Eurovision 2019» baıqaýy bastalady. Osynaý halyqaralyq án dodasynda elimizdiń namysyn jas ánshimiz Erjan Maksım qorǵaıdy.



Siz qaı jerde júrseńiz de qarashanyń 22-sinen 23-ine qaraǵan túngi saǵat 01,00-den bastap junioreurovision.tv saıtynda jas órenimizge daýys bere alasyz. Ol úshin tizimnen Erjanmen qatar taǵy 2 qatysýshyny tańdap, «Daýysty qabyldaý»/ «Daýys berý» túımeshegin basýyńyz qajet. Daýys berý 24 qarasha kúni saǵat 21-00-de shoý bastalmaı turyp ýaqytsha jabylady.

Al odan keıin qaıtadan 15 mınýtqa ashylyp, sizde taǵy bir márte daýys berý múmkindigińiz bolady. Osy jeksenbide «Habar» telearnasynda tikeleı efırden saǵat 21-00-de Junior Eurovision Song Contest baıqaýyn kórsetedi. Sonymen Erjanǵa 2 ret daýys berýge bolady. Birinshi daýys berý 23 qarasha saǵat 01:00-den baıqaý bastalǵansha jalǵasady. Al ekinshisi konsert aıaqtalǵan soń 15 mınýtqa qaıta ashylady. Baıqaý boıynsha jáne daýys berý erejesi boıynsha tolyǵyraq tómendegi siltemeden bilýge bolady: https://jevision.khabar.kz/ru/ Anyqtama úshin: Eresekter «Evrovıdenıesinen» aıyrmashylyǵy kelesi baıqaýdy uıymdastyrý quqy jeńimpazǵa berilmeıdi. Eresekter «Evrovıdenıesinen» taǵy bir aıyrmashylyǵy, balalar konkýrsyna qatysýshy elderdiń oryndaýshylaryna óz elderiniń ókilderin qoldaýǵa ruqsattary bar.

Ol úshin (junioreurovision.tv) resmı saıtynda daýys berýge bolady. Onlaın daýys berýdiń birinshi satysy 23 qarasha kúni Nur-Sultan qalasynyń ýaqyty boıynsha saǵat 01.00-den bastap 24 qarasha kúni saǵat 20.59-ǵa deıin jalǵasady. Onlaın daýys berýdiń ekinshi satysy án oryndalǵannan keıin bastalady jáne 15 mınýtqa ǵana sozylady. Qazaqstan 2019 jyldyń 24 qarashasynda Glıvıse qalasy, Polshada ótetin halyqaralyq «Junior Eurovision Song Contest» án baıqaýyna ekinshi ret qatysady. 9 jastan bastap 14 jasqa deıingi oryndaýshylar qatysatyn «Eurovision» analogynda elimizdi Erjan Maksım tanystyrady. Qazaqstannyń aýmaǵynda baıqaýdy «Habar» telearnasy translıasııalaıtyn bolady. «Habar» agenttigi 2016 jylǵy 1 qańtardan bastap is-sharany uıymdastyratyn Eýropalyq habar taratý odaǵynyń (EBU) qaýymdasqan múshesi bolyp tabylady, bul múshelik atalǵan baıqaýǵa qatysý úshin elden úmitker usynýǵa múmkindik berdi. Byltyr Qazaqstandy án baıqaýda Danelııa Týleshova tanystyrdy. Kórermenderdiń daýys berý nátıjesi boıynsha, ol úshinshi orynǵa ıe boldy. Kórermender men tóreshilerdiń daýys berý nátıjesi boıynsha jas ánshi altynshy oryndy ıemdendi. Junior Eurovision baıqaýynyń sharty boıynsha, fınalda qatysýshylar esh jerde jarııalanbaǵan uzaqtyǵy 2 mınýt 45 sekýndtan 3 mınýtqa deıingi kompozısııany tabıǵı daýysta oryndaýy qajet. Jeńimpaz qazylar alqasy men qatysýshy memleketterdiń daýys berýi arqyly anyqtalady. Qazylar alqasyna 5 adam kiredi – 3 eresek jáne 2 bala.

Eresekter «Evrovıdenıesinen» aıyrmashylyǵy kelesi baıqaýdy uıymdastyrý quqy jeńimpazǵa berilmeıdi, bul jas oryndaýshylarǵa artyq qysym bolmaýy úshin istelgen shara. Baıqaý uıymdastyrýshylaryn aldyn ala Eýropalyq habar taratý odaǵy (EBU) anyqtaıdy. Alǵash ret «Junior Eurovision Song Contest» 2003 jyly Kopengagen (Danııa) qalasynda 16 memlekettiń qatysýymen ótken bolatyn. Al telekórermenderdiń jáne qazylar alqasynyń ortaq sheshimimen jeńimpazdy anyqtaý 2008 jyldan bastap múmkin boldy, oǵan deıin daýys berý kórsetilim kezinde kórermendermen júzege asqan edi. 2007 jáne 2008 jyldardaǵy daýys berýden túsken paıda «UNICEF» joldandy». 10 qazan kúni Erjan Maksımniń «Armannan qalma!» («Don’t forsake your dream») dep atalatyn ániniń tusaýkeseri ótti. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov. Sondaı-aq

dál osy kúni konkýrstyq ánge taspalanǵan beınebaıanynyń da resmı tusaýkeseri boldy. Beınebaıannyń rejısseri – Aleksandr Flomboım, prodıýseri – Sergıı Rýskıı. Túsirilim jumystary Almaty qalasynda júrgizilgen.

 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar