Úkimet • 21 Qarasha, 2019

Eýroodaq Elshileri Qazaqstanmen saıası jáne ekonomıkalyq yntymaqtystyqtyń keleshegin joǵary baǵalaıdy

31 retkórsetildi

Qazaqstan Resprýblıkasy jáne Eýropalyq Odaq arasyndaǵy ekijaqty jáne kópjaqty ózara árekettesý máseleleriniń keń aýqymy búgin Qazaqstan Respýblıkasy Syrtqy ister mınıstri Muhtar Tileýberdiniń Qazaqstan Respýblıkasyndaǵy EO dıplomatııalyq ókildikteriniń basshylarymen kezdesýi barysynda qarastyryldy. Bul týraly Syrtqy ister mınıstrliginiń baspasóz qyzmeti habarlady.

Syrtqysaıası vedomstvosynyń basshysy Qazaqstan Eýropalyq Odaqpen qalyptasqan belsendi saıası dıalogpen, taýar aınalymy jáne tikeleı ınvestısııalardyń joǵary serpinimen sıpattalatyn dostyq qatynastardy erekshe baǵalaıtynyn atap ótti.

Mınıstr jaqyn ýaqytta EO-nyń barlyq 28 múshe-memleketterimen ratıfıkasııalanǵan Qazaqstan Respýblıkasy men Eýropalyq Odaq arasyndaǵy keńeıtilgen áriptestik pen yntymaqtastyq týraly Kelisimdi (KÁYK) jáne ú.j. maýsymda qabyldanǵan Ortalyq Azııa elderimen ózara qarym-qatynastary boıynsha EO-nyń jańa Strategııasyna oń baǵa berdi.

Eýropalyq dıplomattar Qazaqstan Respýblıkasynda júrip jatqan saıası, ekonomıkalyq jáne áleýmettik reformalarǵa joǵary baǵa berip, Prezıdent Qasym-Jomart Toqaevtyń Qazaqstan halqyna arnaǵan joldaýynda aıqyndalǵan bastamalarynyń alǵa basýshylyǵyn atap ótti. 

Dıplomattar atalǵan strategııalyq mańyzdy qujattardyń júzege asyrylýynyń ınstıtýsıonaldyq jáne qarjylyq aspektilerin, sondaı-aq EO-Ortalyq Azııa baǵyty boıynsha yntymaqtastyqtyń perspektıvalyq salalarynyń damý joldaryn talqylady. Qazirgi tańda Qazaqstan tarapynyń KÁYK-tyń áleýetin ashýǵa baǵyttalǵan «jol kartasyn» pysyqtaý jumysy atalyp ótildi.

Ú.j. mamyr aıynda Eýropalyq Keńes Prezıdenti Donald Týsktyń Nur-Sultanǵa resmı sapary boıynsha nátıjeleriniń júzege asyrylýyna, sonyń ishinde Tuńǵysh Prezıdent -­ Elbasy N.Nazarbaevpen jáne Prezıdent Q.Toqaevpen ekijaqty kelisimderine bólek nazar aýdaryldy. 

Kópjaqty yntymaqtastyqtyń kún tártibi barysynda birqatar máseleler qarastyryldy, atap aıtqanda, klımattyń ózgerýi, halyqaralyq qaýipsizdik jáne EEO, EQYU, EEYDU jáne t.b. sekildi halyqaralyq uıymdar sheńberindegi ózara árekettesý máseleleri talqylandy. EO Elshileri Qazaqstan Prezıdentiniń ú.j. qyrkúıekte BUU Bas Assambleıasynda baıandaǵan halyqaralyq kún tártibi boıynsha usynystaryn joǵary baǵalady. Sonymen qatar, halyqaralyq deńgeıde elimizdi kórnekti «oıynshyǵa» aınaldyrǵan jáne barlyq jahandyq áriptestermen syndarly qarym-qatynasty saqtaýǵa múmkindik bergen Qazaqstannyń belsendi syrtqy saıasaty Elshiler tarapynan jeke atalyp ótti. Atap aıtqanda, Qazaqstannyń jahandyq jáne aımaqtyq qaýipsizdikti qoldaýǵa baǵyttalǵan basty róli, sonyń ishinde Qazaqstan Respýblıkasynyń ıadrolyq qarýdy taratpaý, gýmanıtarlyq operasııalar júrgizý, Aýǵanstanǵa kómek kórsetý salalaryndaǵy úlesi erekshe atalyp ótti.

Syrtqysaıası vedomstvo basshysy saýda, aýyl sharýashylyǵy, kólik, logıstıka, qorshaǵan orta, bilim berý, quqyqtyq reformalar, shaǵyn jáne orta bıznesti qoldaý salalaryndaǵy jan-jaqty baılanystardyń tereńdetýge baǵyttalǵan bastamalarǵa Qazaqstan qyzyǵýshylyq bildiretinin atap ótip, bul baǵyttar boıynsha eýropalyq áriptesterdi QR-men belsendi yntymaqtastyqqa shaqyrdy. 

Saýda-ekonomıkalyq jáne ınvestısııalyq yntymaqtastyqty, sondaı-aq mádenıet, toleranttyq dástúr jáne ózara túsinýshilik baılanystardy arttyrýǵa septigin tıgizetin EO-men vızalyq rejımdi jeńildetý - kelissózderdiń basty taqyryby boldy. 

Kezdesýdiń qorytyndysy boıynsha Qazaqstandaǵy EO-nyń Elshisi Sven-Olov Karlsson Premer-Mınıstr Asqar Mamınniń tóraǵalyǵymen eýropalyq dıplomattarmen saýda-ekonomıkalyq yntymaqtastyǵy boıynsha salalyq kezdesýlerdiń uıymdastyrylýy týraly qazaqstandyq taraptyń jańa bastamalaryn joǵary baǵalady. Onyń aıtýynsha, atalǵan is-sharalar «oı-pikirlermen almasýǵa», sondaı-aq eki taraptyń maqsattaryn túsinýge, eldegi iskerlik klımattyń odan ári jaqsarýyna ózara tıimdi sheshimderdi pysyqtaýǵa jáne ekonomıkalyq yntymaqtastyqtyń perspektıvti baǵyttaryn aıqyndaýǵa múmkindik beretinin atap ótti. 

Taraptar Syrtqy ister mınıstriniń qatysýymen EO men Qazaqstan Respýblıka arasyndaǵy yntymaqtastyq áleýetin iske asyrý maqsatynda osy formattaǵy turaqty jumys baılanystaryn jalǵastyrýǵa kelisti. 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar