Qazaqstan • 21 Qarasha, 2019

Qorǵanys mınıstrliginde keńeıtilgen alqa otyrysy ótti

59 retkórsetildi

Alqa otyrysyna Qorǵanys mınıstrligi men Bas shtab basshylyǵy, departamentter men bas basqarmalar bastyqtary, ásker túrleri bas qolbasshylarynyń orynbasarlary, óńirlik qolbasshylyqtar men ásker tekteri áskerleriniń qolbasshylary, brıgadalardyń, polkterdiń, avıasııalyq bazalardyń, saqtaý qoımalarynyń, oqý ortalyqtarynyń komandırleri, áskerı oqý oryndarynyń, áskerı polısııa organdarynyń bastyqtary, serjanttar quramy, Qazaqstan Respýblıkasy QM vedomstvolyq baǵynysty uıymdarynyń basshylary qatysty. Bul týraly Qorǵanys mınıstrliginiń baspasóz qyzmeti habarlady.

Kún tártibinde 2019 oqý jylyndaǵy Qarýly Kúshter qyzmetiniń qorytyndylary qaraldy. Mınıstrge áskerlerdiń jaýyngerlik jáne jumyldyrý ázirligin, jedel, jaýyngerlik jáne jumyldyrý daıyndyǵyn, sondaı-aq Qarýly Kúshterdi damytýdyń jaı-kúıin taldaý nátıjelerin baıandady. Qorǵanys mınıstriniń birinshi orynbasary – Qazaqstan Respýblıkasynyń QK Bas shtab bastyǵy general-maıor Murat Bektanov jáne Qorǵanys mınıstriniń orynbasary Baýyrjan Tortaev baıandama jasady.

General-maıor Murat Bektanovtyń aıtýynsha 2019 jyly Qarýly Kúshterde josparlanǵan barlyq is-shara tolyq deńgeıde oryndaldy. Jyl boıy bólimsheler 20-dan astam halyqaralyq, 2 túraralyq oqý-jattyǵýǵa qatysty. Qurlyq áskerlerinde jaýyngerlia daıarlyqqa qatysty 7000-nan astam oqý-jattyǵý ótkizildi. Bul oqý-jattyǵýlar ár eldiń ásker toptarynyń ózara is-qımylynyń joǵarǵy deńgeıge jetýi men jeke quramnyń jaýyngerlik daıarlyǵynyń artýyna yqpal etti.

Qurylymdyq bólimshelerge jaýaptylar ásker qyzmetiniń jaı-kúıine jáne áskerı bólimder men mekemelerdiń dıversııaǵa qarsy qaýipsizdigine, sondaı-aq áskerı tártipke taldaýdy tanystyrdy. Talqylaý barysynda áskerı qyzmetshilerdiń otbasymen jumys isteý jáne jastardy áskerı-patrıottyq tárbıeleý salasyndaǵy qyzmetter nazardan tys qalmady. Aldaǵy oqý jylynda jańa geosaıası jaǵdaılarda qaýipsizdikke tónetin qaýip-qaterlerdiń kórsetilýin kepildikpen qamtamasyz etetin Qarýly Kúshterdiń beınesin jetildirý jónindegi jumys jalǵastyrylatyn bolady. Mınıstr jeke ásker túrin damytý, sondaı-aq áskerdi keshendi qaıta jaraqtandyrý qajettiligin atap ótti. Keńeıtilgen alqa otyrysy sońynda 2019 jylǵy jaýyngerlik saıystardyń jeńimpazdary marapattaldy. Ásker túri arasynan – Qurlyq áskeri, óńirlik qolbasshylyqtar men ásker tekteri arasynda «Ońtústik» jáne «Shyǵys» óńirlik qolbasshylyqtary, Desantty-shabýyldaýshy áskerleri úzdikter qatarynan kórindi.


Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar