Aımaqtar • 22 Qarasha, 2019

Sybaılas jemqorlyqqa qarsy is-qımyl ortalyǵy ashyldy

47 retkórsetildi

Soltústik Qazaqstan oblysyna keshe jumys saparymen Sybaılas jemqorlyqqa qarsy is-qımyl agenttiginiń tóraǵasy Alık Shpekbaev keldi. Oblys ákimi Qumar Aqsaqalovpen birge ol Petropavldaǵy «Antikor ortalygy» servıs ortalyǵynyń ashylý saltanatyna qatysty.

Ortalyqty ashý saltanatynda Agenttiktiń aýmaqtyq departamentiniń basshysy Ernar Baıanǵazın sybaılas jemqorlyqqa qarsy is-qımyl vedomstvosy osy ortalyqtyń arqasynda uıym óz isterindegi ashyqtyq pen móldirlikke qaraı taǵy bir qadam jasady dep atap ótti.

Bul ortalyq ózine qaıyrylǵan azamattarǵa eshqandaı kedergisiz, barynsha joǵary dárejedegi qyzmetter kórsetýdi maqsat etken. Ol turǵyndarǵa qyzmet kórsetýde móldirlikti barynsha qamtamasyz etip, sybaılas jemqorlyq táýekelderiniń aldyn alady dep kútilýde. 2018 jyldyń jeltoqsan aıynda Elbasy N.Nazarbaev «Qyzyljar – adaldyq alańy» degen atpen jobalyq ofıs ashqan bolatyn. Al Prezıdent Q.Toqaev óziniń ústimizdegi jylǵy Joldaýynda halyqtyń barlyq konstrýktıvti suranystaryna «Qulaq asatyn memleket» tujyrymyn iske asyrý mindetin alǵa qoıdy. Atalmysh ortalyqtyń ashylýy osy jobalardy is júzine asyrý aıasynda jasalyp jatqan iri sharanyń biri.

Ortalyq ǵımarattyń eki qabatyna ornalasyp, «Open space» formaty boıynsha jumys isteıdi. Munda azamattar úshin elektrondy kezek qarastyrylǵan. Adamdar zańgerlik keńester alýǵa, basshylardyń qabyldaýyna jazylýǵa osynda kezekke turady. Al kásipkerler úshin «Protecting business and investments» jobasy boıynsha front keńse ashylǵanyn da Ernar Baıanǵazın tegis baıandap berdi. Sonymen qatar qoǵammen qatynasty jaqsartý úshin baspasóz ortalyǵy da uıymdastyrylǵan eken.

Osy jerde A.Shpekbaev soltústiktiń qoǵam ókilderimen de kezdesti. Sonyń biri, jumys shtabynyń múshesi J.Tájın ortalyqtyń sybaılas jemqorlyqqa qarsy kúreste aqparattyq nasıhattyq jumystardy qalaı atqaratyny týraly aıtty. «Bul shtabtyń jumysyna Ardagerler uıymynyń belsendilerin tartý jumystyń tıimdiligin arttyratynyna senimdimiz», dedi ol. 

Kezdesý sońynda A.Shpekbaev qoǵam ókilderine, ardagerler uıymynyń belsendilerine shtabtyń jumysyna belsendi qatysqandary úshin alǵysyn aıtty. «Sybaılas jemqorlyqty bárimiz oǵan qarsy birikken kúres júrgizgende ǵana jeńe alamyz. Al Qazaqstanda birinshi ret ashylyp otyrǵan myna ortalyq elimizdiń Sybaılas jemqorlyqqa qarsy kúres strategııasyn iske asyrýdyń jańa, sapaly kezeńi dep sanaımyn», dedi ol.

Budan buryn A.Shpekbaev Aqqaıyń aýdanyndaǵy «Ashyq ákimdiktiń» tusaýkeser rásimine qatysqan. Sonymen birge ol qoǵam ókilderin qabyldady jáne aýmaqtyq departamenttiń qyzmetkerlerimen kezdesti. Sondaı-aq M.Qozybaev atyndaǵy Soltústik Qazaqstan ýnıversıtetinde jáne «Kırov atyndaǵy» zaýytta halyqpen kezdesti. Ýnıversıtette «Ádeptilik mektebi» ashyldy. Onda sybaılas jemqorlyqqa qarsy qozǵalystyń jańa formasııasynyń ókilderi daıyndalatyn bolady.

 

Soltústik Qazaqstan oblysy

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar