Qoǵam • 22 Qarasha, 2019

Birqatar áskerı qyzmetshi jemqorlyq úshin jaýapkershilikke tartylady

16 retkórsetildi

Elimizdiń birqatar óńirlerindegi áskerı qyzmetshiler sybaılas jemqorlyq qylmystaryn (turmystyq jemqorlyq) jasady degen kúdikke ilindi. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady. 

Jambyl oblysynyń Sybaılas jemqorlyq qyzmeti maıor, T.Rysqulov aýdanynyń qorǵanys isteri jónindegi bólimniń basshysyna qatysty tergeý júrgizip jatyr.  Ol áskerı esepte turý týraly anyqtama jáne shekti jasqa jetý boıynsha ásker bıletin berýde yqpal etkeni úshin azamattan 35 myń teńge kóleminde para alǵany úshin kúdikke ilindi.

Kúdikti men onyń qorǵaýshysynyń jedeldetilgen sotqa deıingi tergeý týraly usynymyna jáne kelý týraly mindettemesin berýine baılanysty oǵan qatysty prosessýaldyq ustaý qoldanylǵan joq. Kúdikti kinásiniń deńgeıin anyqtaı otyryp, oǵan qatysty sońǵy sheshimdi sot shyǵarady.

Sondaı-aq Shymkent garnızonynyń ásker sotymen alaıaqtyq jasaǵany úshin Túrkistan oblysy Otyrar aýdanynyń qorǵanys isteri jónindegi bóliminiń jasaqtaý bólimshesiniń basshysy, kapıtan B.Alıev ómir boıy memlekettik qyzmette laýazym atqarý quqyǵynan, áskerı sheninen aıyra otyryp, 800 myń teńge aıyppul tóleý jazasymen sottaldy.

Ol aldaý jáne senimdi asyra paıdalaný arqyly azamattyń ulyn QR Qarýly kúshterindegi qyzmetin keıinge shegergeni úshin 80 myń teńge kóleminde qarajat alǵany úshin kúdikti bolǵan.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar