Qoǵam • 22 Qarasha, 2019

300 adam chek almaǵanyn habarlaǵany úshin syıǵa ıe boldy

26 retkórsetildi

Chek bermeý faktileri týraly habarlaǵan qazaqstandyqtar 30 qarashaǵa deıin uıaly telefon teńgerimine 1000 teńge kóleminde syıaqy ala alady. Bul Memlekettik kirister komıteti uıymdastyrǵan arnaıy naýqan 30 qyrkúıekten bastalǵan. Bul týraly komıtettiń baspasóz qyzmeti habarlady. 

Memlekettik kirister komıteti qazirgi ýaqytta elimizde baqylaý-kassalyq mashınalardyń fıskaldyq chekterin bermeý faktilerin anyqtaý boıynsha «Azamattyq baqylaý» jalpyrespýblıkalyq jobasyn qarqyndy júrgizip jatyr. Memlekettik kirister komıteti ótkizetin osy jobada chekti bermeý faktisi týraly aqparatty habarlaǵan tulǵalarǵa bir myń teńge mólsherinde syıaqy tólenedi.

Taýarǵa nemese kórsetilgen qyzmetke tólegen somaǵa BKM túbirtegin nemese taýar túbirtegin bermegen jaǵdaıda, ne BKM túbirtegi men taýar túbirtegin bergen somadan artyq nemese kem bolǵan kezde ákimshilik jaýapkershilikke ákep soqtyratynyn bilý mańyzdy.

Kelip túsken 300-ge jýyq ótinishter rastalyp, PÁ týraly hattamalar jasaldy. 238 habarlama qarastyrylýda.

 

Syıaqy tek qana vıdeoǵa satýshynyń BKM chegin berýden bas tartýy jaıynda anyq túsirilgeni, meken-jaıy jáne dúkenniń ataýy, saýda úıi men bazardyń (saýda úıindegi býtıktiń nómiri, bazardaǵy orynnyń nómiri) aty, jáne fıskaldyq chek bermegen tulǵany sáıkestendirýge múmkindik beretin ózge de málimetter bar kezde beriledi. 

Memlekettik kirister komıteti Qazaqstannyń barlyq azamattaryn óziniń azamattyq ustanymyn bildirýge, BKM chegin bermeı óziniń tabystaryn jasyrýshy salyq tóleýshilerge nóldik tózimdilik tanytýǵa jáne qanatqaqty jobada belsendi qatysýǵa shaqyrady. Barlyq jiberilgen ótinishter memlekettik kirister organdarymen óńdeletin bolady.

Vıdeomaterıaldardy Apple App Store jáne Google Play market qosymshalarynan tegin júkteýge bolatyn «Wipon» uıaly qosymshasy arqyly joldaýǵa bolady.

Shaǵym joldaǵan jaǵdaıda jiberýshi tegin, atyn, ákesiniń atyn (bolǵan jaǵdaıda), JSN jáne baılanys telefonyn kórsetýi kerek. Bul derekter buzýshylyq faktisi rastalǵan jáne fıskaldyq chek bermegen tulǵany jaýapkershilikke tartqan jaǵdaıda syıaqy tóleý úshin qajetti.

Fıskaldy chekterdi consumer.oofd.kz saıtynda tekserýge bolady.

Osy rette, tehnıkalyq talaptarǵa sáıkes berilgen fıskaldyq chek málimetteri 72 saǵat ishinde joldanýy múmkin. Sondyqtan, berilgen chekti fıskaldyq derekter operatory bazasynda taba almaǵan jaǵdaıda 3 kúnge deıin kútý qajet jáne sodan keıin qaıta tekserý qajet. 72 saǵat ótkennen keıin aqparat bolmaǵan jaǵdaıda memlekettik kirister organdaryna júginýge bolady.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar