Qazaqstan Respýblıkasy Úkimetiniń qaýlysy №138
Beısenbi, 27 maýsym 2013 1:05
2013 jylǵy 15 aqpan, Astana, Úkimet Úıi
«Qazaqstan Respýblıkasynda avtomobıl tasymaldarynyń ruqsat berý júıesin halyqaralyq qatynasta qoldaný qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 13 tamyzdaǵy № 923 qaýlysyna ózgerister men tolyqtyrýlar engizý týraly
Beısenbi, 27 maýsym 2013 1:05
2013 jylǵy 15 aqpan, Astana, Úkimet Úıi
«Qazaqstan Respýblıkasynda avtomobıl tasymaldarynyń ruqsat berý júıesin halyqaralyq qatynasta qoldaný qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 13 tamyzdaǵy № 923 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynda avtomobıl tasymaldarynyń ruqsat berý júıesin halyqaralyq qatynasta qoldaný qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 13 tamyzdaǵy № 923 qaýlysyna (Qazaqstan Respýblıkasynyń PÚAJ-y, 2011 j., № 51, 708-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasynda avtomobıl tasymaldarynyń ruqsat berý júıesin halyqaralyq qatynasta qoldaný qaǵıdasynda:
4-tarmaqta:
7) tarmaqsha mynadaı redaksııada jazylsyn:
«7) ruqsat berý qujaty – Qazaqstan Respýblıkasynyń aýmaǵy arqyly júrý quqyǵyn rastaıtyn qujat (otandyq nemese sheteldik ruqsat, úshinshi elderge (elderden) tasymaldy oryndaýǵa arnalǵan ruqsat, arnaıy ruqsat);»;
10) tarmaqsha alynyp tastalsyn;
mynadaı mazmundaǵy 5-1-tarmaqpen tolyqtyrylsyn:
«5-1. Jolaýshylardy, bagajdy jáne júkterdi tasymaldaýdy júzege asyratyn otandyq avtokólik quraldarynyń shet memlekettiń aýmaǵyna (aýmaǵynan) kirýi (shyǵýy), shet memlekettiń aýmaǵy arqyly tranzıti mynadaı túrlerdegi sheteldik ruqsattardyń negizinde júzege asyrylady:
1) júk tasymalyna arnalǵan sheteldik ruqsattar;
2) jolaýshylardy jáne bagajdy turaqty emes tasymaldaýǵa arnalǵan sheteldik ruqsattar;
3) kúntizbelik bir jylǵa qoldaný merzimimen jolaýshylardy jáne bagajdy turaqty tasymaldaýǵa arnalǵan sheteldik ruqsattar.»;
8-tarmaq mynadaı redaksııada jazylsyn:
«8. Jyl saıyn 10 tamyzdan bastap 30 qyrkúıekke deıingi merzimde aýmaqtyq organdar otandyq tasymaldaýshylardan jyldyq ótinimderdi qabyldaıdy.
Jyldyq ótinimde:
1) otandyq tasymaldaýshynyń ataýy;
2) qyzmettiń túri;
3) zańdy mekenjaıy;
4) usynylǵan avtokólik quraldaryna ruqsat berý kýáliginiń jáne (nemese) lısenzııalardyń, ruqsat berý kartochkasynyń nómiri;
5) tasymaldyń túri;
6) toqsan boıynsha, boljamdy jol júrý ýaqyty men jyljymaly quram boıynsha bóle otyryp, elder jáne oryndalatyn tasymaldardyń túrleri bólinisinde sheteldik ruqsattardy yqtımal paıdalanýdyń sany qamtylady.
Jyldyq ótinimniń nysany Qazaqstan Respýblıkasy Kólik jáne kommýnıkasııa mınıstrliginiń (budan ári – ýákiletti organ) ınternet-resýrsynda ornalastyrylady.»;
9-tarmaq alynyp tastalsyn;
10-tarmaq mynadaı redaksııada jazylsyn:
«10. Jyl saıyn 10 – 30 qyrkúıek merziminde ýákiletti organ otandyq tasymaldaýshylardan kúntizbelik bir jyl qoldaný merzimimen jolaýshylardy jáne bagajdy turaqty tasymaldaýǵa arnalǵan sheteldik ruqsattardyń qajetti sany týraly jyldyq ótinimderdi qabyldaıdy.»;
12-tarmaq mynadaı redaksııada jazylsyn:
«12. Jıyntyq jyldyq ótinimderdiń qorytyndylary boıynsha jalpy jıyntyq jyldyq ótinim qalyptastyrylady.
Qalyptastyrylǵan jalpy jıyntyq jyldyq ótinim ýákiletti organnyń ınternet-resýrsynda ornalastyrylady.»;
14 jáne 15-tarmaqtar mynadaı redaksııada jazylsyn:
«14. Sheteldik ruqsat blankilerimen almasý kvotasyn belgileý máselesi boıynsha tıisti memleketterdiń quzyretti organdarymen kelissózder júrgizýdi qamtamasyz etý úshin aýmaqtyq organdar aǵymdaǵy jylǵy 10 qazanǵa deıingi merzimde ýákiletti organǵa otandyq tasymaldaýshylardyń sheteldik ruqsattarǵa degen qajettiliginiń sany týraly jalpy jıyntyq jyldyq ótinimdi jiberedi.
15. Ýákiletti organ shet memleketterdiń quzyretti organdarymen ruqsat blankilerimen almasý kvotasyn kelisedi.»;
21 jáne 22-tarmaqtar mynadaı redaksııada jazylsyn:
«21. Ýákiletti organ shet memleketterdiń quzyretti organdarymen kelisilgen, belgilengen marshrýttar men osy marshrýttar boıynsha júrý kestesin eskere otyryp, kúntizbelik bir jyl qoldaný merzimimen jolaýshylardy jáne bagajdy turaqty tasymaldaýǵa arnalǵan sheteldik ruqsattardy úlestiredi.
22. Aýmaqtyq organdar bólinisinde úlestirilgen sheteldik ruqsattardyń sany týraly málimetter ýákiletti organnyń ınternet-resýrsynda ornalastyrylady.»;
mynadaı mazmundaǵy 23-1-tarmaqpen tolyqtyrylsyn:
«23-1. Otandyq tasymaldaýshylar jolaýshylardy jáne bagajdy turaqty emes tasymaldaýǵa, júk tasymalyna jáne jolaýshylardy jáne bagajdy turaqty tasymaldaýǵa arnalǵan sheteldik ruqsattardyń blankilerin alýǵa qosymsha ótinimderdi bergen jáne talap etilmegen sheteldik ruqsat blankileri bolmaǵan jaǵdaıda ýákiletti organ shet memlekettiń ýákiletti organdarymen hat almasý arqyly aǵymdaǵy jylǵa tıisti sheteldik ruqsat blankilerimen almasý kvotasyn kelisedi.»;
27 jáne 28-tarmaqtar mynadaı redaksııada jazylsyn:
«27. Aýmaqtyq organdar otandyq tasymaldaýshylarǵa sheteldik ruqsattardy:
1) júkterdiń halyqaralyq avtomobıl tasymaldaryn júzege asyrýǵa ruqsat berý kýáligi, ruqsat berý kartochkasy jáne júkterdiń tasymalyn júzege asyrý kezinde usynylǵan avtokólik quraldaryna tehnıkalyq baıqaýdyń halyqaralyq sertıfıkaty;
2) jolaýshylardy jáne bagajdy tasymaldaýdy júzege asyrý kezinde halyqaralyq qatynastarda jolaýshylardy jáne bagajdy avtobýstarmen, shaǵyn avtobýstarmen tasymaldaýǵa arnalǵan lısenzııa bar bolǵanda beredi.
28. Kóliktik baqylaý komıteti otandyq tasymaldaýshylarǵa kúntizbelik bir jyl qoldaný merzimimen jolaýshylardy jáne bagajdy turaqty tasymaldaýǵa arnalǵan sheteldik ruqsattardy halyqaralyq qatynastarda jolaýshylardy jáne bagajdy avtobýstarmen, shaǵyn avtobýstarmen tasymaldaýǵa arnalǵan lısenzııalary bar bolǵanda beredi.»;
36-tarmaq mynadaı redaksııada jazylsyn:
«36. Kóliktik baqylaý komıteti jáne aýmaqtyq organdar qaıtarylǵan sheteldik ruqsattardyń esebin elder bólinisinde júrgizedi.
Sheteldik ruqsattardyń esebi elder bólinisinde berilgen jáne qaıtarylǵan sheteldik ruqsattardyń esep jýrnalyn elektrondy túrde júrgizý arqyly júzege asyrylady.
Jýrnalda mynadaı málimetter kórsetiledi:
1) salyq tóleýshiniń tirkeý nómiri nemese bıznes sáıkestendirý nómiri, jeke sáıkestendirý nómiri;
2) otandyq tasymaldaýshynyń ataýy;
3) tasymaldaýshynyń ornalasqan (turǵylyqty) orny;
4) jóneltý eli;
5) barý eli;
6) qatynaý marshrýty;
7) ruqsat túri;
8) ruqsattyń qoldanys merzimi;
9) ruqsattyń berilgen kúni jáne nómiri (serııasy);
10) Qazaqstan Respýblıkasynyń aýmaǵy boıynsha avtokólik quraldarynyń júrip ótkeni úshin alymdy tólegenin rastaıtyn qujattyń nómiri (bolǵan kezde) jáne kúni, alym somasy (ruqsat berilgen kezde).»;
40-tarmaq mynadaı redaksııada jazylsyn:
«40. Mynadaı jaǵdaılarda otandyq tasymaldaýshylarǵa sheteldik ruqsattardy berýden bas tartylady:
1) júkterdiń halyqaralyq avtomobıl tasymaldaryn júzege asyrýǵa otandyq tasymaldaýshynyń ruqsat berý kýáliginiń, usynylǵan avtokólik quraldaryna ruqsat kartochkalarynyń bolmaýy;
2) halyqaralyq jáne qalaaralyq qatynastarda jolaýshylardy jáne bagajdy avtobýstarmen, shaǵyn avtobýstarmen tasymaldaýǵa arnalǵan lısenzııalardyń bolmaýy;
3) bir avtokólik quralyna eki jáne/nemese odan da kóp qoldanystaǵy ruqsat kartochkalarynyń anyqtalýy;
4) sheteldik ruqsattardy berý týraly nemese kúntizbelik bir jyl qoldaný merzimimen jolaýshylardy jáne bagajdy turaqty tasymaldaýǵa arnalǵan sheteldik ruqsattardy berý týraly habarlamanyń otandyq tasymaldaýshyǵa joldanǵan kúninen bastap kúntizbelik 30 kún ishinde Qazaqstan Respýblıkasynyń aýmaǵy boıynsha avtokólik quraldarynyń júrip ótkeni úshin alym somasyn tólegenin kýálandyratyn tólem qujatyn usynbaýy;
5) sheteldik ruqsattardyń aýmaqtyq organda jáne Kóliktik baqylaý komıtetiniń rezervinde bolmaýy;
6) osy Qaǵıdanyń 11-tarmaǵynda kózdelgen qujattardy usynbaýy;
7) osy Qaǵıdanyń 33-tarmaǵynda belgilengen talaptardy jyl ishinde oryndamaýy.»;
44-tarmaq mynadaı redaksııada jazylsyn:
«44. Qazaqstan Respýblıkasynyń aýmaǵy boıynsha tranzıttik reısten keri baǵytta qaıtyp bara jatqan sheteldik júk avtokólik quralyna Qazaqstan Respýblıkasynyń aýmaǵynda jolshybaı júk tıelgen kezde «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksinde (Salyq kodeksi) belgilengen stavkalar boıynsha Qazaqstan Respýblıkasynyń aýmaǵy boıynsha avtokólik quraldarynyń júrip ótkeni úshin alym somasy tólengennen keıin ýákiletti organ beretin Qazaqstan Respýblıkasynyń aýmaǵy boıynsha júrip-turýǵa qosymsha ruqsattyń bolýy qajet.»;
47-tarmaqtyń birinshi bóligi mynadaı redaksııada jazylsyn:
«47. Tirkeý jáne erekshe belgileri joq jáne basqa memleket aýmaǵynda paıdalanýǵa arnalǵan Qazaqstan Respýblıkasynyń aýmaǵy boıynsha jáne Qazaqstan Respýblıkasynyń aýmaǵynan júgi bar nemese júgi joq avtokólik quraldarynyń tranzıttik júrýi, eger osy talap Qazaqstan Respýblıkasy ratıfıkasııalaǵan halyqaralyq shartqa sáıkes keletin bolsa, kólik quraldarynyń (jańa nemese paıdalanýda bolǵan) alǵashqy bos júrisin qospaǵanda, ruqsat qujattarynyń (otandyq ruqsat, arnaıy ruqsat) negizinde júzege asyrylady.»;
48-tarmaqtyń birinshi bóligi mynadaı redaksııada jazylsyn:
«48. Qazaqstan Respýblıkasynyń aýmaǵy arqyly tranzıttik tasymaldardy júzege asyratyn sheteldik tasymaldaýshyda otandyq ruqsat bolmaǵan jaǵdaıda, sondaı-aq, eger kelisimderde Qazaqstan Respýblıkasynyń aýmaǵyna shetel avtokólik quraldarynyń kirýine (shyǵýyna) arnalǵan ruqsat blankilerin iske asyrý kózdeletin bolsa, sheteldik tasymaldaýshylar kóliktik baqylaý fýnksııalaryn júzege asyratyn quzyretti organdardan tıisti ruqsatqa suraý salady. Kórsetilgen ruqsat oǵan Keden Odaǵynyń kedendik shekarasy arqyly avtokólik quraldaryn ótkizý pýnktterinde nemese Qazaqstan Respýblıkasynyń aýmaǵyndaǵy kóliktik baqylaý postylarynda Qazaqstan Respýblıkasynyń Salyq kodeksinde belgilengen stavkalar boıynsha Qazaqstan Respýblıkasynyń aýmaǵy arqyly avtokólik quraldarynyń júrip ótkeni úshin alym somasy tólengennen keıin beriledi.»;
49-tarmaq alynyp tastalsyn;
52-tarmaqtyń ekinshi bóligi mynadaı redaksııada jazylsyn:
«Qazaqstan Respýblıkasynyń aýmaǵyna (aýmaǵynan) kirýdi (shyǵýdy), halyqaralyq qatynastaǵy jolaýshylar, bagaj jáne júk tasymalyn júzege asyratyn shetel avtokólik quraldarynyń Qazaqstan Respýblıkasynyń aýmaǵy arqyly tranzıtin, sondaı-aq úshinshi elderge (elderden) tasymaldy, otandyq ruqsat berý qujattaryn berýdi tirkeý Qazaqstan Respýblıkasynyń aýmaǵyna (aýmaǵynan) kirýdi (shyǵýdy), shetel avtokólik quraldarynyń Qazaqstan Respýblıkasynyń aýmaǵy arqyly tranzıtin, otandyq ruqsat berý qujattaryn berýdi tirkeý jýrnalynda elektrondy túrde júzege asyrylady.»;
53-tarmaq mynadaı redaksııada jazylsyn:
«53. Otandyq ruqsattar, úshinshi elderge (elderden) tasymaldaýdy oryndaýǵa arnalǵan ruqsattar blankileriniń nysandaryn Kóliktik baqylaý komıteti ázirleıdi jáne bekitedi, olar baspahanalyq tásilmen daıyndalady, rettik nómiri jáne keminde úsh qorǵaný dárejesi bolady.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń
Premer-Mınıstri S.AHMETOV.
