Úkimet • 22 Qarasha, 2019

A. Mamın Shveısarııanyń Federaldy Prezıdentimen kelissózder ótkizdi

8 retkórsetildi

Premer-Mınıstr Asqar Mamın Qazaqstanǵa resmı saparmen kelgen Shveısarııanyń Federaldy Prezıdenti, Federaldy Qarjy departamentiniń mınıstri Ýlı Maýrermen kelissózder ótkizdi. Bul týraly primeminister.kz habarlady. 

«Shveısarııamen bizdi turaqty áriptestik qarym-qatynastar baılanystyrady. Mundaı ózara qarym-qatynastardyń negizin Qazaqstannyń Tuńǵysh Prezıdenti – Elbasy Nursultan Nazarbaev qalady. Memleket basshysy Qasym-Jomart Toqaev kópvektorly syrtqy saıasattyń sabaqtastyǵyn saqtaıdy jáne ekijaqty yntymaqtastyqty nyǵaıtýǵa erekshe mán beredi», — dedi A. Mamın.

Shveısarııa Qazaqstannyń asa iri saýda seriktesteriniń ondyǵyna jáne negizgi ınvestorlarynyń úshtigine kiredi. 2018 jyly taýar aınalymy $3,1 mlrd, al bıyl 9 aıda $1,9 mlrd qurady, osy jyldyń birinshi jartyjyldyǵynda kórsetiletin qyzmetter saýdasy ótken jyldyń osyndaı kezeńimen salystyrǵanda 40%-ǵa artty. 

2005 jyldan beri Shveısarııa Qazaqstan ekonomıkasyna $24 mlrd-tan astam qarjy ınvestısııalady. QR-da shveısarııalyq kapıtaldyń qatysýymen 324 kompanııa tirkelgen, onyń ishinde «Glencore International AG», «Philip Morris», «Nestle», «Ammann Asphalt GmbH» jáne t. b. bar. Shveısarııa bıznesi aýyl sharýashylyǵynda, kólik jáne qarjy sektorlarynda, taý-ken óndirisi jáne óńdeý ónerkásibinde, kóterme-bólshek saýdada jáne t. b. qamtylǵan.

Ekonomıkalyq seriktestikti nyǵaıtýǵa Qazaqstan – Shveısarııa Iskerlik keńesi jáne saýda-ekonomıkalyq yntymaqtastyǵy jónindegi Úkimetaralyq komıssııanyń jumysy yqpalyn tıgizedi.

«Qazaqstan – Shveısarııanyń Ortalyq Azııadaǵy mańyzdy seriktesi. Bizdiń ózara is-qımylymyz ekijaqty formatta da, Dúnıejúzilik bank pen Halyqaralyq valıýta qory aıasynda da damyp jatyr. Biz ekonomıkalyq yntymaqtastyqty keńeıtýge jáne birlesken ınvestısııalyq jobalardy iske asyrýǵa múddelimiz», — dedi Ý. Maýrer.   

Shveısarııalyq tarap Qazaqstanda qolaıly ınvestısııalyq ahýaldyń jáne bıznesti damytý úshin jaǵdaılardyń bar ekenin atap ótti, buǵan Dúnıejúzilik banktiń «Doing Business» reıtıngindegi QR-nyń pozısııalary dálel bola alady. 

Taraptar aýqymdy baǵyttar — saýda-ekonomıkalyq, ınvestısııalyq, tranzıttik-kólik, aýyl sharýashylyǵy, aqparattyq-kommýnıkasııalyq, sıfrlyq, týrıstik, zergerlik salalarda, farmasevtıkada, densaýlyq saqtaý jáne bilim berýde, jasyl ekonomıka men sý sharýashylyǵy salasynda, sondaı-aq AHQO, Dúnıejúzilik bank, HVQ, DSU boıynsha yntymaqtastyq perspektıvalaryn talqylady. 

Shveısarııanyń Federaldy Prezıdenti Ý. Maýrerdiń Qazaqstanǵa resmı saparynyń aıasynda Qazaqstannyń Tuńǵysh Prezıdenti – Elbasy N. Nazarbaevpen jáne Memleket basshysy Q. Toqaevpen kelissózder, sondaı-aq, eki eldiń iskerlik ortalarynyń ókilderiniń qatysýymen dóńgelek ústel ótkizý josparlanǵan. 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar