Prezıdent • 22 Qarasha, 2019

Qazaqstan men Shveısarııa Prezıdentteri keńeıtilgen quramda kelissóz júrgizdi

24 retkórsetildi

Bul týraly Aqordanyń baspasóz qyzmeti habarlady. 

Keńeıtilgen quramda ótken kelissóz barysynda Memleket basshysy Qazaqstan men Shveısarııanyń ekijaqty baılanystarynyń máni zor ekenin aıtty.

– Sizdiń saparyńyz memleketterimiz arasyndaǵy yntymaqtastyqty damytýda zor mańyzǵa ıe bolatynyna senimdimin. Bul yntymaqtastyq keń qanat jaıyp, órkendep keledi, sondaı-aq, ekonomıkalyq jáne saıası salalardaǵy ózara tıimdi baılanystardyń qarqynyn arttyrý úshin barlyq kúsh-jigerimizdi jumsaımyz, – dedi Qasym-Jomart Toqaev.

Memleket basshysy eki el arasyndaǵy qatynastardy nyǵaıtýǵa Tuńǵysh Prezıdent – Elbasy Nursultan Nazarbaevtyń qosqan mańyzdy úlesine toqtalyp, seriktestiktiń dástúrli negizi jalǵasa beretinin atap ótti.

– Biz búgin halyqaralyq yqpaldastyqtyń mańyzdy máselelerin talqyladyq, halyqaralyq kún tártibindegi negizgi problemalar jónindegi memleketterimizdiń ustanymy ortaq ekenine kóz jetkizdik. Shveısarııany mańyzdy seriktes retinde qarastyramyz. Sondyqtan osy yntymaqtastyǵymyzdyń damý qarqynyn saqtaýymyz qajet, – dedi Qazaqstan Prezıdenti.  

Ýlı Maýrer óńirdegi ekonomıkalyq jáne saıası baılanystardy damytý isindegi Qazaqstannyń negizgi róline nazar aýdardy.

– Qazaqstan biz úshin saıası ári ekonomıkalyq turǵydan Azııa men Eýropa arasyn jalǵastyrýshy kópir sanalady. Sizderdiń elderińizdiń álemdegi jáne halyqaralyq qoǵamdastyqtaǵy róli artyp keledi. Biz Azııa men Eýropa arasyndaǵy qarym-qatynastardy shynaıy, ashyq jáne tikeleı talqylaı alatyn, sondaı-aq, qurlyqtar arasyndaǵy ózara yqpaldastyqty qamtamasyz etýge, ekonomıkalyq qatynastardy nyǵaıtýǵa birlese úles qosatyn Qazaqstan sııaqty seriktesimizdiń bar ekenine qýanyshtymyz, – dedi Shveısarııa Prezıdenti.

Kelissózder barysynda saýda-ekonomıkalyq jáne ınvestısııalyq yntymaqtastyqty jandandyrý, túrli salalardaǵy birlesken jobalardy júzege asyrý, qarjylyq qyzmet kórsetý sektoryndaǵy ózara yqpaldastyq máseleleri qarastyryldy.

Kezdesý sońynda Qasym-Jomart Toqaev seriktestik qatynastardy odan ári damytý jáne eki el arasyndaǵy ózara is-qımyldardyń múmkindigin arttyrý úshin Ýlı Maýrer saparynyń máni zor ekenin aıtty.

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar