Prezıdent • 22 Qarasha, 2019

Qazaqstan men Shveısarııa Prezıdentteri BAQ úshin brıfıng ótkizdi

44 retkórsetildi

Kelissózderdiń qorytyndysy boıynsha Qasym-Jomart Toqaev pen Ýlı Maýrer buqaralyq aqparat quraldary úshin «Aqorda» rezıdensııasynda birlesken brıfıng ótkizdi. Bul týraly Aqordanyń baspasóz qyzmeti habarlady. 

Memleket basshysy óz sózinde Shveısarııa Prezıdentiniń eki el arasyndaǵy qarym-qatynastardy damytýǵa qosqan úlesin joǵary baǵalap, Ýlı Maýrermen júrgizgen kelissózder ózara senim ári túsinistik rýhynda ótkenin aıtty.

Qasym-Jomart Toqaev Shveısarııany Qazaqstannyń saıası turǵydan Eýropadaǵy mańyzdy seriktesi retinde qarastyratynyn málimdedi. Onyń aıtýynsha, eki eldiń óńirlik jáne jahandyq kún tártibindegi, sonyń ishinde Sırııadaǵy qaqtyǵysty retteý máselesindegi ustanymdary ortaq.

– Qazaqstan Sırııa isi boıynsha Astana prosesin ótkizýge arnalǵan alań usynady jáne ol Jeneva prosesin tolyqtyrady, – dedi Qazaqstan Prezıdenti.

Qasym-Jomart Toqaev Qazaqstan men Shveısarııa arasyndaǵy áriptestikte ekonomıka salasy negizgi ról atqaratynyn atap ótti.

– Búginde Shveısarııa Konfederasııasy bizdiń ekonomıkamyzǵa qarjy quıý mólsheri boıynsha úshinshi ınvestor sanalady jáne Qazaqstannyń iri saýda seriktesteriniń alǵashqy ondyǵyna kiredi. Sońǵy 15 jylda shveısarııalyq ınvestısııa kólemi 24 mıllıard dollardan asty. О́tken jyldyń qorytyndysy boıynsha, ózara taýar aınalymy 3 mıllıard dollardan asty, – dedi Memleket basshysy.

Prezıdent kelissózder barysynda taraptardyń shıkizattyq emes taýarlardyń komponentin jáne ınvestısııalyq yntymaqtastyqty keńeıtý úshin taýar aınalymynyń qurylymyn ártaraptandyrý jónindegi jumystardy jandandyrý qajettigine nazar aýdarǵanyn atap ótti.

– Bizge jańa joǵary tehnologııalyq «zákirli jobalar» qajet. Atap aıtqanda, Qazaqstanda ınnovasııalyq óndirister qurýǵa, joǵary tehnologııalar, energetıka, aýyl sharýashylyǵy, medısına jáne farmasevtıka salasyndaǵy jobalardy iske asyrýǵa úlken suranys bar, – dedi Qasym-Jomart Toqaev.

Memleket basshysy mashına jasaý, hımııa, tamaq ónerkásibi, kólik jáne logıstıka, týrızm jáne qorshaǵan ortany qorǵaý salasyndaǵy birqatar birlesken jobalardyń keleshegi mol ekenin atap ótti.

Budan bólek Shveısarııanyń álemdegi mańyzdy qarjy ortalyqtarynyń biri retindegi mártebesin eskere otyryp, eki eldiń kóshbasshylary «Astana» halyqaralyq qarjy ortalyǵy men Shveısarııanyń qarjy sektory arasyndaǵy ózara is-qımyldar perspektıvasynyń bar ekenine toqtaldy.

Qasym-Jomart Toqaev irgeles naryqtarǵa ónim eksporttaý úshin Qazaqstanda birlesken óndirister ashýǵa qatysty jobalar boıynsha qyzyǵýshylyq bildirgen shveısarııalyq ınvestorlarǵa jan-jaqty kómek kórsetýge ázir ekenin aıtty. Sondaı-aq Shveısarııa Prezıdenti Nur-Sultanǵa bıznes-delegasııa ókildigimen birge kelgenin jáne onyń kóptegen baǵyttar boıynsha kooperasııalardyń perspektıvalaryn egjeı-tegjeıli talqylaýǵa jaqsy múmkindik beretinin atap ótti.

– Biz shveısarııalyq kompanııalardyń mańyzdy usynystaryn muqııat tyńdadyq. Bul usynystar boıynsha qazaqstandyq áriptesterińiz jan-jaqty taldaý jasaıdy, – dedi Qazaqstan Prezıdenti.

Shveısarııa Prezıdenti eki el arasyndaǵy qatynastardyń, onyń ishinde saıası jáne saýda-ekonomıkalyq baǵyttary qarqyndy damyp kele jatqanyn jetkizdi.

Ýlı Maýrer Qazaqstannyń mańyzdy geostrategııalyq ornalasý jaǵdaıyna nazar aýdaryp, «Bir beldeý, bir jol» bastamasyn júzege asyrýda elimizdiń róline toqtaldy. Onyń pikirinshe, Qazaqstan aldaǵy ýaqytta Azııa men Eýropany jalǵastyryp turatyn kópir bolyp qala bermek.

Shveısarııa Prezıdenti ekonomıka salasynan bólek, tehnologııa, qyzmet kórsetý, mádenı-gýmanıtarlyq yqpaldastyqtardy nyǵaıtýdy usyndy.

– Biz Nur-Sultan men Sıýrıh arasynda tikeleı áýe qatynasyn ashýymyz kerek. Bul eki el halqynyń birin-biri tanyp, jaqyndaı túsýine jol ashady. Bizdiń yntymaqtastyǵymyzdyń negizgi máni de osy, – dedi Ýlı Maýrer.

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar