Rýhanııat • 22 Qarasha, 2019

Túlkibasta «Ana men bala» monýmenti ashyldy

226 retkórsetildi

Túlkibas aýdany ortalyǵyndaǵy «Tuńǵysh Prezıdent» saıabaǵynyń aldynan demeýshiler esebinen boı kótergen «Ana men bala» monýmenti ashyldy.

Elbasy «Bolashaqqa baǵdar: rýhanı jańǵyrý» atty baǵdarlamalyq maqalasynda «Basqa aımaqtarǵa kóship ketse de, týǵan jerlerin umytpaı, oǵan qamqorlyq jasaǵysy kelgen kásipkerlerdi, sheneýnikterdi, zııaly qaýym ókilderi men jastardy uıymdastyryp, qoldaý kerek», – degen bolatyn. Osy maqsatta búgin aýdanymyzdyń týmasy, Uly Otan soǵysynyń ardageri Piralıev Jaılaý atamyzdyń balalary men nemereleri kindik qany tamǵan jerine tatýlyq pen beıbitshiliktiń sımvoly sanalatyn «Ana men bala» monýmentin turǵyzyp, jerlesterine úlken syı jasap otyr, – dedi ashylý saltanatynda aýdan ákiminiń orynbasary E.Kúzembaev.

Al monýmenttiń avtory Qazaqstan kórkemsýret Akademııasynyń akademıgi, Tileýberdi Bınashev osy ýaqytqa deıin qazaq dalasynyń batyrlary, qoǵam qaıratkerleri, áýlıeleri men babalaryna eskertkish jasap kelgenin, olardyń bári altyn qursaqty anadan týylǵanyn atap ótti.

«Ana men Bala» monýmentiniń avtory bolǵanyma qýanamyn. Bul ana bir áýlettiń ǵana emes, búkil qazaq dalasynyń anasy», - deıdi T.Bınashev. Monýmenttiń ornatylýyna demeýshilik jasaǵan Piralıevter áýleti toǵyz aǵaıyndy. Búginde bári Almaty qalasynda turady. «Aǵaıyndar kelise otyryp, ananyń monýmentin salyp, qurmetimizdi bildireıik dep sheshtik. Munyń qoǵamdyq – tárbıelik máni zor. Sebebi, árbir adam eskertkishke qarap, ondaǵy «Ana – uly. Ana – qymbat. Ana – qudiretti jan!» - degen jazýdy oqyp oılanady. Eń birinshi bizge keregi – tárbıe, odan keıin – bilim. Biz bilimge ketip tárbıeni umyt qaldyrdyq. Tárbıe – bar jerde bilim ózi keledi», - deıdi pedagogıka ǵylymdarynyń doktory, professor Serik Pirálıev. Atalmysh shara barysynda sóz alǵan aýdan ardagerleri «Ana men bala» eskertkishi tárbıeniń, tatýlyq pen beıbitshiliktiń jáne týǵan jerge degen qurmettiń kórinisi ekenin aıtyp, Pirálıevter áýletine alǵysyn bildirdi.

Aıta ketelik, aýdanda demeýshiler esebinen boı kótergen nysandar qatary sońǵy jyldary arta túsken. Mysaly, ótken jyly Alǵabas, Rysqul aýyldarynda Uly Otan soǵysyna attanǵan jaýyngerler men tyl eńbekkerleri, Batyr analardyń esimderi jazylǵan eskertkishter ashyldy. Aýdannyń 90 jyldyq mereıtoıyna oraı, qoǵam qaıratkeri Turar Rysqulovtyń eskertkishi boı kóterdi. Túlkibas stansııasynda tuńǵysh qazaq ınjeneri Muhamedjan Tynyshbaev pen Turar Rysqulov beınelengen eskertkish ornatyldy.

 

 

Túrkistan oblysy

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar