Aımaqtar • 24 Qarasha, 2019

«Munaıtelekomda» jemqorlyqqa qarsy semınar ótti

52 retkórsetildi

«Munaıtelekom» JShS-niń uıymdastyrýymen mekemeniń eńbek ujymyna «Sybaılas jemqorlyqqa qarsy is-qımyl – árbir azamattyń mindeti» atty semınar- keńes ótkizildi.

Semınar keńesti «Munaıtelekom» JShS-nyń bas dırektory Muqashev Erbol Myrzaǵalıuly ashyp, sybaılas jemqorlyq týraly kirispe sóz sóıledi.

Ol qazirgi kezde sybaılas jemqorlyq álemniń kez kelgen elinde onyń saıası damýyna baılanyssyz, onyń ishinde Qazaqstanda da, áleýmettik qubylys retinde ómirin jalǵastyryp keletinin jáne ol tek aýqymdylyǵymen ǵana erekshelenetinin aıtty. Sybaılas jemqorlyq áleýmettik-ekonomıkalyq damý úderisin, naryqtyq ekonomıkanyń qurylýyn, ınvestısııalardy jan-jaqtan tartý prosesin tejeıtinin baıandady.

Sharaǵa lektor retinde shaqyrylǵan Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń aldyn alý jáne parasattylyq basqarmasynyń bas mamany Muqataı Nurgúl Turlybaıqyzy Prezıdenttiń 2019 jylǵy 13 maýsymdaǵy №12 jarlyǵy negizindegi ózgerister, Agenttiktegi jańa qurylymdary, Parasattylyq departamentiniń mıssııasy týraly túsinik berdi.

Jıyn barysynda sybaılas jemqorlyqqa qarsy zańnama talaptary, jemqorlyq áreketterine jol bergen jaǵdaıdaǵy jalpy jaýapkershilik týraly baıandaldy.

Shara sońynda sybaılas jemqorlyq qylmys jasap, jasaǵan qylmysy úshin temir tordyń arǵy jaǵynda jazasyn ótep júrgen jandar týraly vıdeofılm kórsetildi. Olardyń jasaǵan is-áreketine ókinetini týraly óz aýzymen aıtqan ashyq áńgimesi kópke oı saldy.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar