Aımaqtar • 25 Qarasha, 2019

Jetkinshekterdi otansúıgishtikke jeteleıdi

9 retkórsetildi

Oral qalasynda «Qosymsha bilim berý jaǵdaıynda balalar-jasóspirimder týrız­min iske asyrýdaǵy klasterlik tásil» atty halyqaralyq forým ótýde.

Batys Qazaqstan oblysynyń kásipker­lik jáne ındýstrııalyq-ınnovasııalyq damý basqarmasy men Batys Qazaqstan ob­ly­synyń bilim basqarmasy uıymdas­tyr­ǵan bul is-sharanyń maqsaty – eli­mizdegi balalar men jasóspirimder týrızmi klasteriniń qyzmetin nasıhattaý arqyly ish­ki jáne syrttan keletin týrızmdi damytý.

Forýmǵa elimizden memlekettik mekemeler men qoǵamdyq uıymdar, balalar týrıstik uıymdary, qosymsha bilim berý mekemeleriniń basshylary men ókilderi, joǵary oqý oryndarynyń basshylary, ǵalymdar, BAQ jáne balalar týrızmi prob­lemalarymen aınalysatyn qoǵamdyq uıym ókilderi qatysty. Sondaı-aq Reseı Federasııasynan qosymsha bilim berý uıymynyń ókilderi men JOO ǵalymdary arnaıy kelgen.

Forýmnyń alǵashqy kúninde plenar­lyq otyrys TEDx formatynda ótse, ekin­shi kún tanymdyq-ekskýrsııalyq baǵ­dar­lama men teorııalyq-praktıkalyq já­ne kóshpeli semınar-praktıkýmge arnaldy.

Halyqaralyq jıyn aıasynda «Týrıs­tik klaster – balalar týrızmi: máseleleri men perspektıvalary» taqyrybynda uıym­dastyrylǵan kórme kóp maǵlumat ber­di. Munda Batys Qazaqstan oblysynyń ár aýdanyndaǵy týrıstik resýrs­tar­dyń ereksheligi, balalar týrızminiń jetis­tikteri, «Hrýstaldy shoqyr» baı­qaýy, BQO ınteraktıvtik ólketaný kartasy, BQO sakraldy oryndarynyń 3D kartasy, oblystyq tarıhı-ólketaný mýzeıiniń, bala­lar týrızminiń fotokórmeleri qoıyl­sa, sahnadan «Oral óńirindegi balalar­ týrız­mi syr shertedi» atty fılm kórse­til­di. «Týrıstik-ólketaný qyzmetiniń ádis­te­mesi» kitabynyń tusaýkeser rásimi ótti.

– Sanaly urpaqty tárbıeleýde qazaq­standyqtardyń birligi men dostyǵyna, qoǵam­daǵy kelisim men turaqtylyqtyń mańyzdylyǵyna, týǵan jerge, Otanǵa súıispenshilik pen ólketanýǵa erekshe mán beriledi. Oral óńirindegi halyqaralyq forým balalar men jasóspirimder, jas­tar tárbıesinde týrızm men ólketanýdyń róli jaıynda sóz qozǵaıdy. Sonymen qatar oqýshylar men jastarǵa bilimin, patrıottyq sezimin, belsendi azamattyq pozısııasyn jáne yntymaqtastyǵyn kórsetýge múmkindik beredi. Bizdiń obly­symyzdyń balalar týrızmi res­pýb­lıka boıynsha úzdikter qatarynda bol­sa, TMD elderi arasynda alǵashqy úsh­­tikten oryn alyp otyr. Sonymen qatar Qazaqstandaǵy TOP-50 týrıstik nysandardyń ishindegi TOP-10 (ondyqqa) týrıstik klaster retinde engizildi. Oral óńiriniń balalar týrızmi – Qazaqstandaǵy týrıstik-ólketaný, ekologııalyq, sporttyq baǵdarlaý, ekskýrsııa baǵyttaryn jetik meńgergen iri keshen bolyp esepteledi. Ishki týrızmdi damytý máselesinde balalar týrızmi klasterlik tásil retinde qarastyrylady. Týrıstik-ólketaný qyz­meti ulttyq mádenıetterdi ózara baıytýǵa, TMD elderi arasyndaǵy baılanysty damytý jáne nyǵaıtýǵa jańa múmkindik bereri sózsiz, – dedi osy jıynnyń ashylýynda sóz sóılegen Batys Qazaqstan obly­sy ákiminiń orynbasary Serik Egizbaev.

Forýmnyń plenarlyq májilisinde A.Ostapes-Sveshnıkov atyndaǵy balalar-jas­óspirimder týrızmi jáne ólketaný halyq­aralyq akademııasynyń prezıdenti, pedagogıka ǵylymdarynyń doktory Dmıtrıı Smırnov, «Turan – Astana» ýnı­versıtetiniń professory, pedagogıka ǵylymdarynyń doktory Evgenıı Nı­kıtınskıı, Orynbor qalalyq keńesiniń de­pýtaty Elena Ivanova, Qazaqstan Res­pýb­lıkasy balalar-jasóspirimder tý­rızmin damytý jónindegi respýblıkalyq qaýym­dastyǵynyń tóraǵasy Qaırat Sultanov, Qyrym ınjenerlik-pedagogıkalyq ýnıver­sıtetiniń Áleýmettik-gýmanı­tar­lyq pánder kafedrasynyń dosenti, pe­dagogıka ǵylymdarynyń kandıdaty Abjemıl Abdýlhaırov, «Turan» ýnı­versıteti Týrızm ǵylymı-zertteý ıns­tıtýtynyń dırektory, pedagogıka ǵylymdarynyń doktory, professor, halyqaralyq dárejedegi sport she­beri Vladımır Výkolov, Tatarstan Res­pýb­lıkasynyń Mektepten tys jumys jó­nindegi respýblıkalyq ortalyǵynyń dı­rektory Ranıs Idrısov, L.N.Gýmılev atyn­daǵy Eýrazııa ulttyq ýnıversıtetiniń pro­fessory, geografııa ǵylymdarynyń dok­tory, «Qazaq Saq» kompanııasynyń dırektory Ordenbek Mazbaev syndy spıkerler sóz alyp, otandyq týrızmdi da­mytý, balalar men jasóspirimder týrızmi klasteriniń qyzmetin nasıhattaý baǵytynda oılaryn ortaǵa saldy. Osy forýmnyń qurmetti qonaqtarynyń qatarynda Qazaqstan Respýblıkasynyń Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Elena Tarasenko, Qazaqstan Respýblıkasy Parlamenti Senatynyń depýtaty Dınar Nóketaeva, Qazaqstan Respýblıkasy Parlamenti Májilisiniń depýtaty Shafhat О́temisov jáne Reseıden kelgen ólketanýshy-ǵalymdar boldy.

Bıylǵy 24 tamyzda «Ulytaý» ult­tyq tarıhı-mádenı jáne tabıǵı mu­rajaı qoryǵynda ótken «Ulytaý – 2019» halyqaralyq týrıstik forýmynda Pre­zıdent Qasym-Jomart Toqaev Qazaq­stan jylyna 9 mıllıon adamǵa deıin týrıst qabyldaı alatynyn málimdegen bolatyn. Iá, Qazaqstannyń álemge usynatyn bire­geı oryndary kóp. Mundaı kórkem ári tarıhı múıisterdi balalar men jasóspirimderge tanystyryp, nasıhattaý – olardy otanshyldyqqa tárbıeleýde mańyzdy ról atqaratyny sózsiz.

Halyqaralyq forýmdy uıymdas­ty­rýshylar Qazaqstanda týrızm salasyn da­mytý, bəsekege qabiletti, zamanaýı tý­rıstik keshen qalyptastyrý máselelerin tal­qylaýdy kózdegen. Ásirese ishki týrızm salasynda týrıstik klasterdiń sapaly qyzmeti qalyptasýy – balalar týrızminiń damýymen birge júrmek. Sondaı-aq qazaq­standyq týrızmdi damytýǵa arnalǵan TOP-50 týrıstik nysannyń quramyna engen Batys Qazaqstan oblysy balalar jáne jasóspirimder týrızmi klasteriniń qyzmetin nasıhattap, tájirıbesin taratý da negizgi maqsattyń biri edi.

Qazirgi tańda Batys Qazaqstan obly­syn­da balalar-jasóspirimder týrızmimen shuǵyldanatyn 14 ortalyq pen stansa jumys istep tur. Bul ortalyqtar oblys­taǵy barlyq oqýshynyń 12%-yna qyzmet kór­setedi. О́ńirde balalarǵa týrıstik-ól­ketaný qyzmeti arqyly úzdiksiz bilim men tárbıe berýdiń tolyqqandy júıesi qurylǵan. Reseı Federasııasy jáne bas­qa da sheteldik balalar uıymdarymen ha­lyq­aralyq konferensııalar men is-sha­ralar ótkizýde tájirıbe jınaqtalyp, ha­lyqaralyq baılanys qalyptasty. Batys Qazaqstan oblysyndaǵy týrızm ortalyqtarynyń is-tájirıbesi osy forýmda ekskýrsııalyq-tanymdyq baǵ­darlamalar arqyly keńinen tanystyryldy. Oral qalasynda balalar týrızminiń da­mýy mektepke deıingi uıymdarda she­berlik synyptar arqyly kórsetiledi. Sha­ra aıasynda Báıterek aýdanynda jas tý­rıster stansasyna ekskýrsııa jasalyp, forým qonaqtary aýdannyń kórikti jer­lerimen jáne týrıstik resýrstarymen tanysady.

Forým aıasynda týrızm salasyn res­pýblıkalyq deńgeıde damytý máse­le­lerin talqylaǵan sheberlik-synyptar dıs­kýssııalyq alań túrinde basqosýlar ótip, oǵan forým qonaqtary tikeleı atsalysty.

Batys Qazaqstan oblysy

 

Sońǵy jańalyqtar

Kúlki kerýeni № 20

Rýhanııat • Búgin, 12:38

Oralda jastar bastamalaryn qoldaý jaqsy

Aımaqtar • Búgin, 11:30

Táýligine 15-16 tonna sút alynady

Aımaqtar • Búgin, 09:20

Haliń qalaı, Qostanaı?

Aımaqtar • Búgin, 08:34

Sýbsıdııanyń jańa talaptary

Ekonomıka • Búgin, 08:29

Bıznesti jandandyratyn bastamalar

Parlament • Búgin, 08:22

Ekijaqty iskerlik baılanys nyǵaıady

Prezıdent • Búgin, 08:16

«Iokerıtten» jeńildi

Hokkeı • Búgin, 08:15

Qazaqstan tórtinshi topta

Fýtbol • Búgin, 08:13

Pedagogterge paıdaly shara

Rýhanııat • Búgin, 08:09

Adaldyq eshkimdi aldamaıdy

Qoǵam • Búgin, 08:06

Ǵylym men bıznestiń únqatysýy

Qoǵam • Búgin, 08:02

Mal urlyǵy – qoǵamdyq másele

Qoǵam • Búgin, 07:58

Meshitti salǵanymen, qaramaıdy

Aımaqtar • Búgin, 07:57

Qoldaý jumystary jalǵasady

Qoǵam • Búgin, 07:54

Onlaın-oqyrman

Tehnologııa • Búgin, 07:52

«Bastaý»: jańa býyn kınosy

Kıno • Búgin, 07:51

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Uqsas jańalyqtar