Qazaqstan • 25 Qarasha, 2019

Kartop jáne kókónis ósirýshileriniń máselelerin sheshý úshin Jol kartasy ázirlenedi

78 retkórsetildi

Aýyl sharýashylyǵy mınıstri ár senbi saıyn salalyq qaýymdastyqtarmen jáne iri óńdeýshi kásiporyndarmen kezdesýdi jalǵastyrýda. Osy senbi kúni Saparhan Omarov «Qazaqstannyń kartop jáne kókónis ósirýshileri» odaǵynyń basshysy Qaırat Bısetaevpen kezdesti. Bul týraly Aýyl sharýashylyǵy mınıstrliginiń baspasóz qyzmeti habarlady.

Kezdesý barysynda kókónis sharýashylyǵyn damytý, onyń ishinde kartop óndirisin ulǵaıtý boıynsha birqatar ózekti máselelerdi, alda turǵan mindetter men josparlardy talqylady. О́z kezeginde Qazaqstannyń kartop jáne kókónis ósirýshileri odaǵynyń ókilderi mınıstrge atalmysh saladaǵy memlekettik qoldaý kórsetýdi arttyrý, ınvestısııalyq sýbsıdııalaý, tuqym baǵasyn birizdendirý jáne t.b. máseleler boıynsha óz usynystaryn jetkizdi.

Kóterilgen máselelerdiń kópshiligi Aýyl sharýashylyǵy mınıstrligi tarapynan qoldaý tapty. Atap aıtqanda, Saparhan Omarov keńes qorytyndysy boıynsha AShM-niń beıindi departamentine «Qazaqstannyń kartop jáne kókónis ósirýshileri» odaǵy jáne «Atameken» UKP birlesip bir aptalyq merzimde «kartop ósirý salasyn» damytý boıynsha Jol kartasyn ázirleýdi tapsyrdy.
 
Aıta ketsek, Aýyl sharýashylyǵy mınıstri Saparhan Omarov agroónerkásiptik keshen men tamaq ónerkásibin damytý máseleleri boıynsha kezdesýden keıin osy saladaǵy problemalyq máselelerdi anyqtap ári tolyq zerdeleý maqsatynda ár apta saıyn salalyq qaýymdastyqtarmen jáne iri óńdeýshi kásiporyndarmen kezdesýler uıymdastyrý týraly sheshim qabyldaǵan bolatyn. Keleli kezdesýler úshin ár aptanyń senbisi tańdaldy.

О́tken aıda vedomstvo basshysy Qazaqstannyń astyq óńdeýshiler men nan pisirýshiler Odaǵynyń, Respýblıkalyq qoı sharýashylyǵy palatasynyń jáne nesıelik seriktestikter qaýymdastyǵy, sondaı-aq  qant, tamaq jáne qaıta óńdeý ónerkásibi qaýymdastyǵynyń múshelerimen kezdesti.
 
Jaqyn arada kondıterlerdiń, qus jáne jumyrtqa óndirýshilerimen, baǵbandarmen, sondaı-aq Qazaqstannyń astyq, sút jáne et-sút odaqtarynyń salalyq birlestik ókilderimen senbilik kezdesýler ótkizý josparlanǵan.
Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar