Rýhanııat • 25 Qarasha, 2019

Almatylyq jas sýretshiler Jastar jylyna tartý jasady

36 retkórsetildi

Kúndelikti ómirde biz jıi kórip júrsek te, syry men symbatyna zer salyp janymyzben úńile bermeıtin ár sáttiń ádemi kórinisi  sýretshilerdiń qııalyna qanat bitirgendeı. Baıaban dalany myńboıaýǵa shomyldyrǵan ásem gúlder, jazǵy jazıra, dúnıege jan bitirgen shuǵylaly kóktem, syldyrap aqqan taý ózeni, býyrqanǵan asaý teńiz olardyń kenebinde qaz-qalpynda kóz aldyńa keledi.

Jastar jyly aıasynda el aımaqtarynda san alýan is-sharalar qanat qaǵýda. Bul rette jas sýretshiler qaýymy da óz tarapynan belsendilik tanytyp, qazaq ónerin joǵary deńgeıde damytýǵa kúsh salyp keledi. Qala ákimdigi jáne Sýretshiler odaǵynyń qoldaýymen, Almaty tórinde ótip jatqan jas sýretshiler kórmesi osyǵan dálel.

О́ner ólkesinde ózine tán órnegin qalyptastyrýǵa talaptanǵan talanttar shoǵyryn bir arnada toǵystyrǵan bul kórmeni jas sýretshiler uıymy usynyp otyr. Atalǵan odaq elimizde alǵash ret beıneleý óneri salasyndaǵy shyǵarmashyl jastardyń tájirıbe alańy retinde 2014 jyly qurylǵan edi. Sodan beri jas qylqalam sheberleriniń deni artyp, deńgeıi ósti. Búginde aıryqsha qoltańbasymen tanylǵan jastar kóptegen respýblıkalyq, halyqaralyq kórmelerge qatysyp, túrli jobalarda tóbe kórsetip júr.

«Almaty jas sýretshileri» dep atalǵan kórme avtorlardyń taqyryptary men shyǵarmashylyq qyzyǵýshylyqtaryn biriktirgen keskindeme, músin, grafıka jáne sándik-qoldanbaly óner sekildi tórt bólimdi qamtyǵan.  Munda ásirese peızaj, natıýrmort, janrynda jazylǵan taqyryptyq kompozısııalar oıyp oryn alǵan. Tabıǵat kórinisteri Madına Narbaeva, Karına Krylova, Rene Mereı, Aıan Qabyl syndy sýretshiler úshin sarqylmas shabyt kózi deýge bolatyndaı. Olardyń kenebinde kórkem kórinis tapqan taý men aspan, sý men dala adam men tabıǵat arasyndaǵy tereń baılanystyń syryna úńiltedi. Al Ábdirahman Turǵyn, Almas Jumaǵalıev, Iаroslava Tıshenkonyń natıýrmorttary kúndelikti ómirde bizdi qorshaǵan ádettegi zattardyń beınesine súısine qaraýǵa shaqyratyndaı. Almas Nurǵojaev, Gafýra Qaıyrbekova, Daýren Beknazarov, Álıhan Jahansha, Aıat О́rken, Sultan Amanjol, Perızat Taınova, Shahıza Qýanyshbekova, Igor Sokolov, Natalıa Mılıýtına, Sanjar Syrǵabaevtar zamanaýı sıýjettermen qatar, qazaqtyń qasıet-qalybyn ulttyq taqyryptar arqyly tereńnen qaýzaı otyryp, eski men jańany ózara úndestiredi. Olardyń shyǵarmalarynan ulttyq minez ańqıdy.

Ekspozısııanyń grafıka bóliminde baspa grafıkanyń tústi lınogravıýra jáne lıtografııa tásilderinde oryndalǵan Balqııa Qojabekova, Madına Erǵazına, Lada Kan jáne Shalqar Berdiqojanyń kompozısııalary usynylǵan.  Olardyń grafıkalyq paraqtary taqyryp tańdaýy men kórkemdik sheshimder arqyly daralanǵan.

«Kórmeniń sándik-qoldanbaly óner bólimi Móldir Ábiljan, Ásel Mombekova, Nurhat Dáýitov, Raıymbek Ermen, Gúlnaz Madı syndy sýretshilerdiń gobelen, keste, kıiz buıymdary men aǵashtan, metalldan jasalǵan túrli sándik pannolar, mýzykalyq aspaptarymen tolyqqan. Al, músin bóliminde Sháken Aqylbektiń, Ryskeldıev Ánýardyń jáne Azamatuly Eldostyń músindik kompozısııalary oryn aldy. Ár shyǵarmanyń ózine tán ereksheligi bar. Qazaqstannyń búgingi jastary elimizdiń qoǵamdyq jáne mádenı ómirine belsene aralasady, óıtkeni mádenıet pen óner halyq ómirinde mańyzdy ról atqarady», deıdi kórme jetekshisi Samal Mamytova.

7

8

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar