Qazaqstan • 25 Qarasha, 2019

Almatyda Qyzdar ýnıversıtetiniń 75 jyldyǵy atap ótiledi

107 retkórsetildi

Bıyl Qazaq ulttyq qyzdar pedagogıkalyq ýnıversıtetiniń qurylǵanyna 75 jyl tolyp otyr. Osyǵan oraı 27 qarasha kúni megapolıste dara oqý ornynyń mereıtoıy keńinen atalyp ótpek. Bul týraly oqý ornynyń baspasóz qyzmeti habarlady.

«75 jyl: daralyq pen danalyq joly» atty sharaǵa memleket jáne qoǵam qaıratkerleri, ǵalymdar, ýnıversıtettiń tanymal túlekteri men estrada juldyzdary qatysady dep kútilýde.

Qyzdar ýnıversıteti osy jyldary irgetasyn nyqtaǵan, óziniń dara dástúrin qalyptastyrǵan oqý orny elimizdiń ustazdar daıarlaıtyn birden-bir ortalyǵyna aınaldy. Uly Otan soǵysynyń qıyn-qystaý kezinde – 1944 jyly ashylǵan bul biregeı bilim uıasynyń elimizde pedagog kadrlar daıyndaýdaǵy alatyn orny ólsheýsiz úlken. О́ıtkeni, ony osy merzim ishinde keń-baıtaq respýblıkamyzdyń túkpir-túkpirinen, ásirese aýyldyq jerlerden bilimge shólirkep kelgen myńdaǵan qazaq qyzdary bitirip shyqty.

Eń bastysy – Qyzdar ýnıversıteti qurylǵan kúninen bastap-aq otandyq bilim berý men ǵylymnyń jarqyn úlgisi, kásibı bilikti ǵylymı jáne pedagogıkalyq mektepterdiń bastaý kózi boldy.

Búginde ýnıversıtet álemniń 70-ke jýyq joǵary oqý ornymen yntymaqtastyq baılanys ornatqan. Onyń ishinde Túrkııanyń Nııde О́mer Halısdemır ýnıversıteti, AQSh-tyń Mıssısıpı  alqaby  memlekettik  ýnıversıteti, Ulybrıtanııanyń Western  international  sollege oqý ornymen jáne  Polshanyń Katovısahtaǵy  Sılez  ýnıversıtetimen qosdıplomdy bilim berý baǵdarlamasy sátti júzege asyp keledi.

Bıik beleske bet alǵan bilim ordasyna Qazaqstannyń Tuńǵysh Prezıdenti Nursultan Nazarbaevtyń 2018 jylǵy 25 jeltoqsandaǵy Jarlyǵymen «Ulttyq» mártebesi berildi. Bul – elimizdiń órisin keńeıtýge súbeli úles qosyp kele jatqan ustazdar qaýymyna degen qurmettiń aıqyn úlgisi dep topshylaýǵa bolady.

Ýnıversıtet 75 jylǵa jýyq ýaqyt aralyǵynda óziniń qalyptasýy men damýy jolynan ótti. Ult zııalylary qyzmet atqarǵan ulaǵat uıasynda osy ýaqyt aralyǵynda 60 myńnan astam bilikti maman daıarlandy.

Qyzdar ýnıversıteti – tek pedagog daıarlap qana qoımaıdy, ol urpaq tárbıeshisi retinde sanalatyn bolashaq mamandardyń boıyna halqymyzdyń urpaqtan urpaqqa mıras bolyp kele jatqan taǵylymdy tárbıesin, ulttyq qundylyqtaryn, salt-dástúrin sińiredi. Bul – arýlardyń parasat mektebine aınalǵan bilim ordasynyń ózindik ereksheligi.

Oqý ornynda búginde jeti myńǵa jýyq bilimger sapaly bilim, sanaly tárbıe alýda. Bıyl olardyń qataryn myńnan astam stýdent, 115 magıstrant pen 10 doktorant tolyqtyrdy. Ýnıversıtet túlekteriniń jumysqa ornalastyrý kórsetkishi 2019 jyly 93 paıyzdy quraǵan.

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar