Atalǵan sharada qonaqtar túrli ádistermen ázirlengen chak-chak ónimderinen dám aýyz tıdi. Sondaı-aq bul keshte tatar halqynyń salt-dástúrleri men ulttyq kıimderi kórsetilip, odan keıin ánder men bılerden turǵan konserttik baǵdarlama usynyldy.
«Chak-Chak Baıram» merekesin uıymdastyrýshylar men qonaqtardy Qaraǵandy oblysy ákimi apparatynyń «Qoǵamdyq kelisim» KMM dırektory Erlan Qusaıyn quttyqtap, mundaı merekelerdiń túrli etnostar men dinı senimdegi adamdar arasyndaǵy qarym-qatynastyń nyǵaıýyna septigin tıgizetinin atap ótti.
– Bizdiń maqsatymyz – elimizdiń ıgiligi men órkendeýi úshin yntymaǵy jarasqan bir otbasy aıasynda bárimiz birigip jańa Qazaqstandy qurý isine ózindik úlesimizdi qosý, – dedi ol.
Mereke sońynda Qazaqstan halqy Assambleıasynyń múshesi Shamıl Osın keshtiń belsendi qonaqtaryna alǵys hattar men estelik syılyqtar tabys etti.
