Ekonomıka • 26 Qarasha, 2019

Atyraý gaz-hımııa kesheni – onyń qurylysy 2021 jyly aıaqtalady

22 retkórsetildi

Atyraý oblysyndaǵy biregeı joba – Kazakhstan Petrochemical Industries ıntegresııalanǵan gaz-hımııa kesheniniń qurylysy qarqyndy júrip jatyr. Jyl sońyna deıin qurylys jumystarynyń 53 paıyzy aıaqtalady.

«Samuryq-Qazyna» Ulttyq ál-aýqat qory» basqarma tór­aǵasy Ahmetjan Esimov batys óńirine jasaǵan saparynda «Ulttyq ındýstrııalyq mu­naı-hımııa tehnoparki» arnaıy eko­no­­­mı­kalyq aımaǵynyń aýma­ǵyn­da or­nalasqan keshenniń qu­ry­lys alańdaryn aralap kórdi. 

Bul joba Tuńǵysh Prezı­dent – Elbasy Nursultan Nazar­baev­tyń tapsyrmasyna oraı salynyp jatyr. Shamamen 10 jyl buryn kómirsýtek shıkizatyn tereń óńdeý jáne polıetılen shyǵarý bo­ıyn­sha munaı-hımııa óndiristerin qura­tyn ıntegrasııalanǵan gaz-hımııa keshenin salý týraly Elbasy tapsyrmasynan keıin,  «Samuryq-Qazyna» qory bas­shy­lyǵynyń sheshimimen 2018 jyldyń maýsym aıynda joba «QazMunaıGaz» senimgerlik basqarýyna berilgen bolatyn.  2019 jyldyń sońyna qaraı jobany iske asyrý qarqyny 53%-dy quramaq. Jobaǵa jańa menedjment, ıaǵnı «Samuryq-Qazyna» toby kelgenge deıin,  bul kórsetkish 6% deńgeıinde bol­ǵanyn aıta ketý kerek.

«Nysannyń qurylysy 2021 jyly aıaqtalady dep josparlanyp otyr. Joba jylyna 500 myń tonna polıpropılen ón­dirý­ge múmkindik beredi. Atal­ǵan jo­banyń qurylys alańdary 2 myń­nan astam adamdy jumys oryndarymen qamtamasyz etip otyr.  Keshen qurylysynda oń ilgerileý bar, bul joba munaı-hımııa salasyn damytýdyń bastamasy bolmaq. El úshin de mańyzy zor keshen», dedi sapar kezinde Ahmetjan Esimov.

Budan ózge, jumys sapary kezinde qor tóraǵasy propan-pro­pılen bólýge arnalǵan iri kólem­di splıtter kolonnasy qury­ly­sy­nyń aıaqtalý sal­tana­tyna ar­nal­ǵan rásimge qatys­ty. Daıyn ko­lonnanyń salmaǵy 1 100 ton­na­ny quraıdy, uzyndyǵy 105 metr, dıametri 8 metrden asady, son­daı-aq jeti bólek seksııasy bar.

Kolonna  Kazakhstan Petro­che­mical Industries ıntegre­sııalanǵan gaz-hımııa kesheni qurylys ala­ńyna deıin Atyraý-Dossor tras­sasynyń boıymen úsh táýlik ishinde arnaıy júk kóligimen ta­sy­maldanady. Marshrýttyń jalpy uzyndyǵy – 45 shaqyrym.

Sonymen qatar Ahmetjan Esimov qýaty 310 MVt gaz týrbınaly elektr stansasyn  iske qosý saltanatyna qatys­ty. Bul elektr stansalary  «Ult­tyq ın­dýstrııalyq munaı – hı­mııa tehnoparki» arnaıy ekono­mı­kalyq aımaǵyndaǵy nysan­dar­dy elektr qýatymen, sondaı-aq  joǵary qysymdy býmen qam­ta­ma­syz etýge baǵyttalǵan.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar