Ken oryndaryn damytý jóninde keńes ótti

Aldymen Ahmetjan Esimov «QazMunaıGaz» UK» AQ basqar­ma tóraǵasy Alık Aıdarbaev­pen birge kólemi táýligine 17 myń tek­she metr bolatyn sý qaba­tyn óńdeýge, paıdalanýǵa jáne tu­shy­­landyrýǵa arnalǵan zaýyt­tyń irgetasyn qalaýǵa qatysty. Jańa zaýyt buǵan deıin atalǵan óńirde qordalanyp kelgen birqa­tar máselelerdiń aldyn alyp, sý máselesin tolyq sheshýge baǵyt­talyp otyr.

– Birinshiden, zaýyt quryly­sy ken orny úshin úlken mańyz­ǵa ıe. Kún saıyn Astrahannan Atyraý oblysy arqyly Mańǵys­taý­ǵa deıin sozylatyn 17 myń tekshe metr sý satyp alynady. Atalǵan zaýytty kelesi jyldyń sońyna qaraı aıaqtaý josparlanyp otyr. Onyń qurylysy tolyq aıaqtal­ǵannan keıin atalǵan ken oryndaryna qajetti sý mólsherin tuty­ný qajettiligi joıylady jáne bul kólem osy eki oblysta basqa maqsattarǵa jumsalady. Son­daı-aq zaýyt munaı óndirýdi 750 myń tonnaǵa arttyrýǵa jáne elektr energııasyna shyǵyndardy qys­qartýǵa múmkindik beredi. Bul ekonomıkalyq tıimdi joba bolmaq, – dedi qor tóraǵasy Ahmetjan Esimov.

Sonymen qatar Aqtaýǵa barar jolda Ahmetjan Esimov Qara­janbas ken orny janyn­daǵy vah­talyq kentte bolyp, jumys­shylardyń turmys-tirshiligimen tanysty. Sonymen qatar, Aqtaý qalasyndaǵy «QazMunaıGaz» UK» AQ-tyń ǵylymı nysandaryn aralady. Sodan keıin «Samuryq-Qazyna» ulttyq ál-aýqat qorynyń basqarma basshysy eski ken oryndaryn damytý jóninde keńes ótkizdi.

Keńes barysynda qatysý­shylar eski ken oryndarynan munaı alý koeffısıentin arttyrý boıynsha máselelerdi talqy­lady. Mysal retinde Mań­ǵys­taý oblysyndaǵy О́zen keni kór­setildi. Bul ken orny 1960 jyldan beri paıdalanylyp keledi. Tıisti anyqtaý sharalarynyń nátıjesinde búginde О́zen keni ornyndaǵy munaıdyń sarqylýy baıqalady. Mysaly, buǵan deıin ken ornynda jylyna 15 mln tonna munaı óndirilse, qazirgi ýaqytta bul kólem 6 mln tonna­dan kem ekeni anyqtalyp otyr. Keńes barysynda sóıle­gen sózin­de Ahmetjan Esimov ken oryn­darynyń sarqylýy sııaq­­ty jaǵ­daılarda Reseı Fede­ra­sııa­sy­nyń tájirıbesin zerttep, zerdeleýdi jalǵastyrý kerektigin atap ótti.

– Kórshi Reseıde bizdiń «О́zen­ge» uqsas ken oryndary úshin erekshe sharttar bekitilip, tıisti zań qabyldandy. Mundaı tájir­bıeni qazirgi ýaqytta egjeı-tegjeıli qarastyryp jatyrmyz, – dep atap ótti Ahmetjan Esimov.

Sonymen qatar qor tóraǵasy jumys oryndaryn jáne munaı óndirý qurylymyn saqtaý maq­satynda Reseıde qabyldanǵan osyn­daı máselelerdi sheshýge, atap aıtqanda óndiristi damytýǵa ınves­tısııa quıýǵa múmkindik berý úshin eski ken oryndaryna sa­lyqtyq preferensııalar berý­ge qol jetkizý qajettigin atap ótti.

Qor tóraǵasy buǵan deıin el Prezıdenti Qasym-Jomart Toqaev­tyń qatysýymen Aty­raýda ótken keńeste ken oryndaryna qatysty máseleniń kóteril­genin jáne oǵan qoldaý kórset­kenin málimdedi.

Sondaı-aq Ahmetjan Esimov «QazMunaıGaz» UK» AQ-qa osy máseleni túbegeıli zertteý­ge jáne sarqylatyn ken oryn­darynyń qorlary boıynsha bir­qatar tapsyrmalar júktedi. Qor tóraǵasy sonymen qatar «QazMunaıGaz» UK» AQ kompa­nııalar tobynyń óndiristiń tıim­­diligin arttyrý arqyly jáne jańa tehnologııalardy en­­gizý úshin «Tatneft» jáne Baker Hughes sııaqty sheteldik jetekshi kompanııalarmen yn­ty­­maq­tastyqty jalǵastyrý qajet­tiligin atap ótti.