Qoǵam • 26 Qarasha, 2019

«Jan Shýaq» syılyǵynyń jeńimpazdary marapattaldy

12 retkórsetildi

Elordada Nur Otan partııasynyń qoldaýymen Qazaqstan múgedekter konfederasııasy uıymdastyrǵan dástúrli «Jan Shýaq» qoǵamdyq syılyǵynyń jeńimpazdary marapattaldy. Atalǵan syılyq eldiń mádenı, sport jáne qoǵamdyq ómirine belsene aralasqan múmkindigi shekteýli jandarǵa, sondaı-aq erekshe qajettiligi bar azamattardyń turmysyn jaqsartýǵa úles qosqandarǵa beriledi.

Jeńimpazdardyń birin marapat­ta­ǵan Nur Otan partııasy Tóraǵasynyń birinshi orynbasary Baýyrjan Baıbek Elbasy tapsyrmasyna sáıkes qolǵa alynǵan «Kedergisiz keleshek» jobasy aıasynda sońǵy úsh jylda 20 myńnan astam áleýmettik mańyzy bar nysannyń múmkindigi shekteýli jan­dardyń qajettilikterine qaraı jab­dyqtalǵany, zańdarǵa 78 túzetý engizilip, qurylys talaptary men erejeleri qaıta qaralǵany týraly aıtty.

– Búgin osy zalǵa kúsh-jigeri muqal­ma­ǵan, ómirge qushtar jandar jınalyp otyr. Nur Otan erekshe qajettiligi bar azamattarǵa qashan da qoldaý bildirip keledi. Osy jyldyń ózinde partııamyzdyń qoǵamdyq qabyldaý bólmelerine 2 myńnan astam aıryqsha qajettiligi bar azamat ótinishpen keldi. Ár tórtinshi másele sol jerde birden sheshimin tapty. Qazaqstan múgedekter konfederasııasynyń prezıdenti Janat Omarbekova bizdiń Májilistegi fraksııamyzdyń ókili. Búginde osyndaı adamdardyń depýtattyq qyzmet atqarýy, osy sanattaǵy azamattardyń quqyqtaryn qorǵaıtyn tıisti zańdar­dyń qabyldanatyndyǵyn jáne olar­dyń máseleleriniń sheshimin tabatynyn kórsetedi. Nur Otan partııasy muny jan-jaqty qoldaıdy. Onyń ús­tine, partııanyń 13 myń múshesi erek­she qajettiligi bar adam ekenin biz únemi qaperimizde ustaımyz, – dep atap ótti Baýyrjan Baıbek.

Qazaqstan múgedekter konfedera­sııa­synyń prezıdenti Janat Omarbe­ko­vanyń aıtýynsha, «Jan Shýaq» syılyǵy taǵaıyndalǵannan beri, eli­mizdiń túkpir-túkpirinen kelgen 60-tan astam qazaqstandyq jeńimpaz atandy.

– Tabysty adam – ol mol aqsha tap­qan emes, kóp ıgi ister jasaǵan adam. Bul rásimdi Halyqaralyq múgedekter kúni men osy marapattyń bastamashysy Iran Omarbekovtiń tý­ǵan kúni qarsańynda ótkizý jaq­sy dástúrge aınaldy. Nur Otan par­tııa­synyń atynan saılanǵan depý­tat retindegi zańshyǵarýshylyq qyz­metimizde elimizdiń múmkindigi shek­teýli jandar úshin eshqandaı kedergileri joq, ınklıýzıvti jáne damyǵan memleket bolýy jolynda jumys isteımiz. Osylaısha, qoǵam erekshe qajettiligi bar adamdardy teń dárejede qabyldaıtyn bolady, – dedi ol.

Saltanatty shara barysynda «Er­ek­she qajettiligi bar azamattarǵa degen qoǵamdyq sananyń oń ózgerisine qosqan úlesi úshin» júldesine Jady­ra­syn Sadýaqasov, «Eriktiler qozǵalysyn damy­tý­­da­ǵy jetistikteri úshin» atalymy boıyn­sha syılyqqa Qostanaı qa­la­synan kelgen Iýlııa Zavodchıkova laıyq dep tanyldy. «Sport salasyndaǵy jetistigi úshin» atalymy boıynsha jasós­pi­rim­der arasynda Tokıoda ótken Azııa paralımpıada oıyndarynda 4 medal jeńip alǵan Nur-Sultan qalasynyń turǵyny Sııazbek Dalıev marapattaldy. «Múmkindigi shekteýli jandardyń máse­leleri men ómirin jarııalaýǵa qosqan úlesi úshin» syılyǵyna Shý­chınsk qalasynan kelgen Qanat Baı­burov ıe boldy.

«Kásipkerlik qyzmetti damytýǵa qosqan úlesi úshin» Dına Erdildınova marapattaldy. Onyń múgedekter arbasyn jóndeıtin ortalyǵy medı­sı­na­lyq jáne áleýmettik mekemelerde tehnıkalyq qyzmet kórsetedi.

«Múmkindigi shekteýli jandardy jumysqa ornalastyrý úshin jasalǵan úzdik jumys orny úshin» syılyǵyn Erbol Nurqatov jeńip aldy. «О́ner jáne mádenıet salasyndaǵy jetis­tikteri úshin» óskemendik Ekate­rı­na Fedorenko marapattaldy. 

 

 

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar