Qoǵam • 26 Qarasha, 2019

Mektepterdegi tegin tamaqtandyrý máselesi sheshilmek

9 retkórsetildi

Memlekettiń áleýmettik saıasatyn júzege asyrý baǵytyndaǵy keshendi mindetterdi júzege asyrýda Almaty qalasynyń bilim berý mekemelerine de zor jaýapkershilik júktelip otyr. Osy oraıda salamatty urpaq tárbıeleýdegi basymdyqtarǵa sala mamandary turaqty kóńil bólip keledi.

Almaty qalasyndaǵy mektep jasyna deıingi jáne jalpy bilim beretin mekemelerdegi jaǵdaı­lar týraly brıfıng ótkiz­gen Bilim basqarmasynyń basshy­sy Gúlnar Hodjabergenova az qam­­tylǵan jáne kóp balaly otba­­­sy­­lardyń oqýshylaryn ta­maq­­­pen tegin qamtamasyz etý, bi­lim mekemelerindegi oryn ta­­p­­­­shylyǵyn sheshý, mektepter men kolledjderge kúrdeli jón­deý jumystaryn júrgizý jáne materıaldyq-tehnıkalyq jaraq­tandyrýdy kúsheıtý, mektep jasyna deıingi jáne orta bilim beretin jańa mekemelerdi iske qosý jáne taǵy da basqa keshen­di máselelerge toqtaldy. G.Hodjabergenovanyń aıtýyn­sha, qazirgi kezde qaladaǵy bar­lyq mektepterde joǵaryda atap ótken máselelerge bilim berý júıesiniń (Jappaı oqytý qory) jalpy bıýdjetiniń bir paıyz qarjysy qarastyrylǵan. Qarjy memleketten ataýly áleý­mettik kómek alý quqyǵyna ıe ári kúnkórisi tómen, sonymen qatar tótenshe jaǵdaı saldarynan jedel kómekke zárý otbasylardyń oqýshylaryna ári ata-ana qaraýynsyz qalǵan jetimderge beriledi.

Osy tusta áleýmettik jaǵynan az qamtylǵan otbasylardyń balalary júz paıyz tegin tamaqpen qamtylǵanyn atap ótý qajet.

Basqarma basshysy atap ótken­deı, aǵymdaǵy jyly jappaı oqy­tý qory qarjysynan qala boıynsha osy sanattaǵy 20,7 myń balaǵa 1,235 mlrd teńge (mektepti ustaýǵa ketetin shyǵynnyń jalpy somasynyń 2,3 paıyzyn quraıdy) qarastyrylǵan. О́tken 9 aı ishinde jalpy somasy 536 mln 725 myń teńgege 20 735 oqý­shy tegin tamaqtandy.

Bilim basqarmasynyń basshysy aǵymdaǵy jyly mektepter men kolledjderdiń materıaldyq-tehnıkalyq bazalaryn nyǵaıtý úshin tigin mashınalarynyń, ınternattar úshin mýltımedııalyq jabdyqtar men bilim mekemeleri úshin jıhazdardyń satyp alyn­ǵa­nyn aıtty. Bilim mekeme­le­rin­­degi eskirgen 450 proektor ja­ńa­dan alynǵan.

Búginde qalaǵa syrttan jıi kóship kelý jáne bala týý kór­set­ki­shiniń artýyna baılanysty mektep jasyna deıingi jáne jalpy bilim beretin mekemelerde oryn tapshylyǵy baıqalady. Qazirgi kezde oryn tapshylyǵy – 30 183. Osy olqylyqtyń ornyn toltyrý maqsatynda bıyl Alataý aýdanynda 600 oryndy №201 mektep, Bostandyq aýdanynda №105 mektep janynan 300 oryndy qosalqy nysan paıdalanýǵa berildi. Túrksib aýdanyndaǵy «Kolhozshy» eldi mekeninde 600 oryndy mekteptiń, Áýezov aýdanynyń «Mamyr» shaǵyn aýdanynda 1200 oryndy mek­teptiń, sonymen qatar jeke ınves­tısııa esebinen (E.Tátishev qory) 600 oryndyq №61, 123, 164, 172 mektepter janynan 1717 oryndy qosalqy nysandar men áleýmettik jaýapkershilik aıasynda aldaǵy jyldyń qyrkúıeginde №140 mektep janynan 300 oryndy qosalqy nysan salý josparlanyp otyr. Sondaı-aq, keler jyly memleket-jekemenshik áriptestik aıasynda 12900 oryndy 8 mekteptiń, 1640 oryndy 3 jeke mekteptiń, mektepter janynan árqaısysy 600 oryndy 2 qosal­qy nysannyń qurylysyn bastaý da josparlanýda. Al balabaqsha máselesine toqtalar bolsaq, aǵym­­daǵy jyly 560 oryndy 3 mem­­lekettik jáne 2618 oryndy 113 jekemenshik balabaqsha iske qosyldy. Budan ózge 640 oryn­dy 4 memlekettik balabaqsha jáne áleýmettik jaýapkershilik aıasyn­da Bostandyq aýdanynda 150 oryn­dy balabaqsha salynýda.

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar