Shyn máninde, Siz «Rýhanı jańǵyrý» baǵdarlamasy týraly estidińiz be?» degen suraqqa jaýap zertteýdiń maqsaty boldy – bizdiń azamattarymyz baǵdarlama týraly qanshalyqty jaqsy aqparattandyrylǵan, onyń mazmunyn, baǵyttaryn, arnaıy jobalaryn bile me? Ádeıi qoıylǵan osyndaı tar sheńberli ári qasań tujyrymdalǵan suraq osy baǵdarlamanyń halyqqa qanshalyqty jetkenin jáne habardarlyqtyń jalpy deńgeıin bilýge múmkindik berdi.
Jaýaptar kórsetkendeı, suralǵandardyń 76,4%-y joǵarydaǵy suraqqa oń jaýap berdi. 21,8%-y baǵdarlama týraly estimegenderin aıtqan.
Al 1,2%-y jaýap berýge qınalǵan.
Jalpy, muny jaqsy kórsetkish deýge ábden bolady. Sarapshylardyń saýaldamasy aıasynda alynǵan nátıjeler kópshiliktiń baǵdarlamadan habardar ekenin baıqatyp otyr.
Suraqqa durys jaýap bermegenderdiń sany boıynsha kóshbasshy óńir – Qyzylorda oblysy – 97%. Oń jaýaptardyń 80%-dan astamy Aqmola, Túrkistan, Mańǵystaý, Almaty jáne Shyǵys Qazaqstan oblystaryna tıesili. Nur-Sultan qalasy, Aqtóbe, Atyraý, Batys Qazaqstan, Jambyl, Qostanaı jáne Soltústik Qazaqstan oblystary joǵarydaǵy kórsetkishten sál tómen. Olarda «Iá, bilemin» degen jaýaptar sany 74-ten 78%-ǵa deıingi aralyqta. Pavlodar oblysyndaǵy, Almaty qalasyndaǵy, Qaraǵandy oblysyndaǵy jáne Shymkent qalasyndaǵy kórsetkishter de jaman emes. (65-ten 66%-ǵa deıingi aralyqta).
Zertteýge barlyǵy 2500-den astam qazaqstandyq qatysty.
Áleýmettik zertteý nátıjeleri boıynsha saraptamalyq baıandamamen https://cisc.kz saıtynda, «Resýrstar» bóliminde tanysýǵa bolady.
«Rýhanı jańǵyrý» baǵdarlamasynyń nátıjelerin baǵalaý maqsatynda ulttyq áleýmettik zertteý Qazaqstan Respýblıkasy Aqparat jáne qoǵamdyq damý mınıstrliginiń bastamasymen «Azamattyq bastamalardy qoldaý ortalyǵy» jobasy aıasynda ótkizildi.
