Álem • 26 Qarasha, 2019

Eýropa tórinen Erjan áni tógilgende...

79 retkórsetildi

Glıvıse – Polshanyń ońtús­tik-batys bóliginde ornalasqan, jergilikti ásem tabıǵat pen ózine tán sáýletti úılestirgen qala. О́tken aptanyń ón boıynda álemdik qaýymdastyqtyń nazary osy bir shaharǵa aýdy desek, artyq aıtpaspyz. Onyń basty sebebi úsh qurlyqtyń 19 memleketinen júzden júırik, myńnan tulpar ónerpazdar qatysqan «Balalar Evrovıdenıesi-2019»  baıqaýy edi. Atalǵan baıqaýǵa elimizdiń úkili úmitin  arqalaǵan otandasymyz Erjan Maksım de qatysqany belgili. Sonymen jylyna bir ret týyn kóteretin ánshi balalardyń basty óner dodasy qalaı ótti? Biz de án óneriniń kórigin qyzdyrǵan osy aıtýly sharanyń ortasynan tabylyp, alamannyń dúbirindeı bolǵan boıdaǵy qandy qyzdyrar jarystyń aýanyn sezingen edik.

Balalar baıqaýy Glıvıse qala­syndaǵy qurylysy 2018 jy­ly aıaqtalǵan, zamanaýı sáýletti  Arena Gliwice sporttyq – kó­ńil kóterý kesheninde ótti. Ha­lyq­aralyq án baıqaýynyń fınal­dyq kúni atalǵan keshenniń mańy jarysqa qaty­sýshy memle­ket­terdiń túrli-tús­ti  boıaýdaǵy týlaryn qolyna us­ta­ǵan qaraqurym halyqqa toly boldy. Beınebir alyp ózen sy­qyldy adam lek­teriniń arasynda ásirese ata-ájelerimen, áke-sheshelerimen ere kelgen jas jet­kinshekterdiń qatary kóp edi. Aýmaqtaǵy ty­nysh­tyqty qam­ta­masyz etýshi polı­sııa qyz­met­kerleri, ondaǵan kamera­ aldynda habar taratyp jat­qan te­levızııa jýrnalısteri shara­nyń mańyzdylyǵynan habardar et­kenimen, keshenge kirer jolda uzyn-conar kezekte turǵan adam­dar­dyń júzderindegi kúlki, kóte­riń­ki kóńil kúı án baıqaýyna jal­py merekeli sıpat berip turdy.

Án dodasyna kelýshiler arasynan aspan tústes kók týlary­myz­dy kótergen, Erjandy qol­daý maqsatynda arnaıy kelgen  otan­das­tarymyzdy da kóptep keziktirdik.

Baıqaý Varshava ýaqytymen 16.00 bastaldy. Án salý reti birneshe kún buryn jerebe barysynda anyqtalǵan retpen júrgizildi.  Fınaldyq baıqaý kezeńiniń shymyldyǵyn avstrııalyq jas ánshi – Djordan Entonı óziniń «We Will Rise» ánimen ashty.

Avstralııalyqtyń  sońyn ala sahnaǵa kóterilgen Fransııa úmiti – Karla óziniń ana tilinde alǵashqy sezim týraly ánin oryndap, ánniń oınaqy ıirimderi jınalǵan qaýymǵa tyń energııa bergendeı boldy. Trıbýnalardan men mundalaǵan «fransýz úshjolaqtaryn» kótergen tyńdarmannyń qarasy kóp ekendigi baıqaldy.

«A Time For Us» ánin shyrqaǵan reseılik dýet Tatıana Mejenseva men  Denberel Oorjak  ǵalamshardyń qorǵaýdy qajet etendigin kópshilikke jetkizýge tyrysqan bolsa, Soltústik Makedonııalyq Mıla Moskov ózi oryndaǵan  týyndyda  armannyń mańyzyna mán berdi.

Barlyq qatysýshylar basym kópshiligin polıaktar quraǵan tyńdarmannan qyzý qoldaý alyp otyrdy. Sondaı qoldaýdy sezingen ánshilerdiń qataryna ıspanııalyq Melanı Garsııany qosýǵa bolady.  Jas ánshi «Marte» atalatyn ánin shyrqaý barysynda óziniń vokaldyq múmkindikterimen qalyń kópshilikti tánti etti.

Ispanııalyq qyzdan keıin: Grýzııa, Belarýs, Malta jáne Ýels elderiniń ókilderi óz ónerlerin kórsetti. 

Jarysta baǵyn synaıtyn úmitkerler sahnaǵa qarsy jaıǵasqan arnaıy orynda áriptesteriniń ónerin tamashalap otyrdy. «Polsha», «Fransııa» dep urandaǵan kópshilik daýystarynyń arasynan bizdiń jankúıerlerdiń aragidik «Qazaqstan» jáne «Erjan» degen daýystary qulaqqa alystan jetip jatty. Erjan bolsa, otandastarynyń daýsyn estip otyrǵanyn ańǵartyp, kúlimsirep, kók týymyzdy bulǵaýmen boldy.

Erjannyń óner kórsetý reti kezek boıynsha 10 – shy bolǵandyqtan Qazaqstan ókiliniń shyǵýymen baıqaý óziniń bel ortasyna da jaqyndaǵan –dy.  Kelesi ánshi Qazaqstannyń atynan shyǵatyndyǵy jarııa etilgende tóńiregimiz: «Erjan alǵa», «Qazaqstan alǵa» degen daýystarǵa tolyp ketti. Qazaqstandyq jankúıerlerdi qorshaı otyrǵan sheteldik jankúıerler de qazaqstandyq ulannyń atyn atap, qyzý qoldaý bildirisip jatty.  Osyndaı jaǵdaıda Erjannyń oryndaýyndaǵy Hamıt Shańǵalıev pen Danııar Aldabergenovtyń avtorlyǵyndaǵy «Armanyńnan qalma» ániniń názik ıirimderi qulaqqa jetti. Ánshimizdi qoldaı shýlaǵan daýystar bir sátke sap tyıyldy. Ánshi kómeıinen shyqqan: «Keı – kezde bolmaı, Synaýǵa jandy –aı, Sátsizdik erer qalmaı. Armanyń seniń jarq eter atqan tańdaı» degen sózder qulaqtan kirip, boıdy alyp jatqandaı boldy.

Erjannyń áni onyń tý syrtynda kórsetilip jatqan taqyryptyq názik anımasııamen sheber úılesimdilikte shyrqaldy. Jas ánshimizdiń tórt mınýtqa jetpes ánniń ishinde kıimin aýystyryp sahnaǵa qaıta oralýy da utymdy shyqty.

Jas darynymyz ánin aıaqtaǵannan keıingi toqtaýsyz dý qol shapalaqtaý edáýir ýaqytqa sozylyp, balalar baıqaýyn ótkizýshi eldiń ókiliniń shyǵýymen jalǵasyp ketti. Polshalyq 12 jastaǵy Vıkı Gabordyń  «Superhero»  atty áninde tutas álemniń bizdiń ortaq úıimiz ekendigine basymdyq berdi. Án aǵylshyn jáne polıak tilinde shyrqaldy.

Polsha ánshisinen keıin Irlandııa, Ýkraına, Nıderlandy, Armenııa, Portýgalııa, Italııa jáne Albanııa elderiniń ókilderi óz ónerin kópshilik aldynda pash etti. Al «Balalar evrovıdenıesi 2019» án baıqaýyn Serbııalyq jas ánshi – Darııa Vrachevıch támamdady.

Osylaısha, konkýrsanttardyń án shyrqaý kezeńi de aıaqtalyp, kezek eń tolǵanysqa toly daýys berýge de kelip jetti. Atalǵan kezeńniń qazylardyń daýys berýi men jalpylama daýys berý kezeńinen quralǵandyǵyn aıtýymyz kerek. Degenmen, úsh qurlyqtyń kil myqtylaryn jınaǵan óner baıqaýynda jeńimpaz ben júldeli oryn ıelerin anyqtaý ońaı soqpaǵandyǵyn aıtýǵa tıispiz. Osy oraıda, kim jeńiske jetedi? degen saýaldyń daýys berýdiń sońyna deıin saqtalyp, qobaljý sezimi baıqaý bitkenshe saqtaldy.

Sonymen, qazylardyń daýys berýi boıynsha á degennen elimiz úmitin arqalaǵan Erjan Maksım sýyrylyp alǵa shyqty. Kásibı mýzyka mamandarynan turatyn qazylardyń kópshiligi Erjandy qoldaǵan eken. Alaıda, jalpy daýys berýdiń qorytyndysy boıynsha otandasymyz ekinshi orynǵa ıe bolyp, óziniń jarys aldyndaǵy júldeli úshtikke ený mejesin asyra oryndady.

Daýys berý sátiniń Erjanǵa ońaı tımegendigi anyq, ony ár qatysýshynyń reaksııasyn baqylaǵan polıak operatorlarynyń kamerasy kórsetip turdy.

Baıqaý qorytyndysynda birinshi oryndy Polsha, ekinshi oryndy Qazaqstan ıemdengen bolsa, úshinshi oryn Ispanııaǵa buıyrdy.

Osylaısha, jas daryn Erjan Maksım balalardyń álemdegi eń úzdik  án baıqaýynda elimizdiń namysyn abyroımen qorǵap, Dımash aǵasy syndy týǵan jerin, qazaq halqyn álemge pash etti. Qosymsha, ánshimizdiń tutas túrki tildes elderden qatysqan birden bir úmitker bolǵandyǵyn aıtýmyz kerek.

Daýys berý nátıjeleri belgili bolǵasyn boıymyzdy qýanysh kernep, jappaı qutty bolsyn aıtyp jatyrmyz...Jas ánshimizdiń ónerine tánti bolǵan sheteldik jankúıerler de otandastarymyzǵa kelip ózderiniń ystyq lebizderin bildirisip  jatty.

Osyndaı eıforııa jaǵdaıynda sezimderin bilý maqsatynda Erjandy jáne onyń ata –anasyn izdedik. Olarmen  qatysýshylardyń press – konferensııasy aldynda sóılesý múmkin boldy. Boılaryn qýanyshty tolǵanys terbegen januıa múshelerimen qysqasha suhbattastyq:

Erjan Maksım, «Balalar Evrovıdenıesi 2019» án baıqaýynyń II oryn ıegeri: Ekinshi oryn degen jaqsy....Qýanyshtymyn! Jýyrda men Polshada, London men Máskeýde konsert beretin bolamyn. Jańalyq kútińizder.

Gúlmıra Álibek, Erjannyń anasy: Erjan úshin taqymyn qysyp, qoldaý kórsetken, daýsyn berip qoldaý bildirgen halqymyzǵa úlken júrekjardy alǵysymyzdy aıtamyz.  Árıne, otbasy músheleri,   búkil mamandar, vokalıster  kún – tún demeı jumys jasadyq. Qıynshylyqtar da boldy... Sol kezderde janymyzdan  tabylyp, elimiz atynan óner kórsetken Erjanymyzǵa jaǵdaı jasaǵan barsha kásibı mamandarǵa alǵysymyzdy bildiremiz. Erjandy úkilep qosqan tulpardaı baptaýǵa kómektesken sizderge raqmet!  Bul ortaq jeńis, bul eldiń jeńisi! Biz sizderdi jaqsy kóremiz!

Erbol Maksımuly, Erjannyń ákesi: Kóńil kúıimiz óte keremet! Tutas elimiz qýanyp jatyr! Aıtarym, ulymyzdyń el úmitin aqtaǵanyna ata – anasy retinde erekshe qýanyshtymyz! Árıne osy alamannyń dúbiri alystan estilgennen jasyrmaımyn ýaıymdadyq. Eldiń seniminiń aýyr ekendigin sezindik...Keleshekte de  ulymyzdyń óz ónerin talaı baıqaýlarda kórsetip, elimizdiń namysyn qorǵaı beredi, halqymyzdyń atyn áli talaı pash etedi dep senemiz. Erjannyń kásibı bilim arttyra túsý maqsatynda Máskeýde eńbektenip jatqanymyzdy bilesizder. Bastysy qazaq eliniń jaqsy azamaty retinde qalyptassyn dep tileımiz.

Osylaısha, Polshanyń Glıvıse qalasyndaǵy «Balalar Evrovıdenıesi 2019» halyqaralyq án baıqaýy da óz máresine jetti. Talaı jas daryndarǵa jol ashqan dodada 2020 jyly qaıta júzdeskenshe deıik!

 

Jandos Áýelbekuly,

arnaıy «Egemen Qazaqstan» úshin

Glıvıse  (Polsha)

 

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar