Úkimet • 26 Qarasha, 2019

A.Mamın ınternettegi memqyzmetterdiń qoljetimdiligin 90%-ǵa jetkizýdi mindettedi

13 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda «elektrondyq úkimetti» damytý jáne halyqtyń sıfrlyq saýattylyǵyn arttyrý máseleleri qaraldy. Bul týraly primeminister.kz habarlady. 

Atalǵan baǵyttaǵy jumys týraly QR sıfrlyq damý, ınnovasııalar jáne aeroǵarysh ónerkásibi mınıstri A. Jumaǵalıev jáne «Azamattarǵa arnalǵan úkimet» memlekettik korporasııasynyń basqarma tóraıymy Á. Baltasheva baıandady.

Memlekettik qyzmetter tizilimine 723 memlekettik qyzmet engizilgen, olardyń 580-i nemese 80% elektrondy formatta, «Azamattarǵa arnalǵan úkimet» memlekettik korporasııasy arqyly 648 qyzmet nemese qyzmetterdiń 89,6%-y usynylady. 143 qyzmet nemese 19,8%-y ázirge qaǵaz formatynda ǵana qoljetimdi. 182 memlekettik qyzmet boıynsha bıznes prosester ońtaılandyrylǵan, qujattardyń ortasha sany 30%-ǵa – 6-dan 4-ke, qyzmet kórsetýdiń ortasha merzimi 3 ese – 31-den 10 kúnge deıin qysqartylǵan. 2018 jylmen salystyrǵanda, kompozıttik memlekettik qyzmetterdiń sany 2 esege artqan.

2019 jyldyń 10 aıynyń qorytyndysy boıynsha «eGov» portalynda 10 mln astam paıdalanýshy tirkeldi, 36,5 mln qyzmet alyndy (2018 jyly – 27,5 mln qyzmet). «eGov mobile» jańa mobıldi qosymshasy ázirlendi. Qosymshada 31 qyzmet pen servıs iske asyryldy, osy jyldyń sońyna deıin qosymsha 32 qyzmetti iske asyrý josparda bar.

2018 jyldyń qorytyndysy boıynsha sıfrlyq saýattylyq deńgeıi 79,6% qurady, josparlanǵan kórsetkish – 77%. Bıyl 532 myń adam oqytyldy, jospar boıynsha – 462 846 adam.

«Azamattarǵa arnalǵan úkimet» memlekettik korporasııasy qujattardy qabyldaý jáne berý úshin Qazposhtanyń 1656 bólimshesi, 348 front ofıs, 16 mamandandyrylǵan, 17 kóshi-qon jáne 18 sıfrlyq HQKO arqyly memlekettik qyzmetterdi usynady.

«QR Tuńǵysh Prezıdenti – Elbasy Nursultan Nazarbaevtyń tapsyrmasy boıynsha memlekettik qyzmetter kórsetý salasyn jetildirý baǵytynda aýqymdy jumys júrgizilip jatyr. Memleket basshysy Qasym-Jomart Toqaev Úkimet jumysynda osy baǵyttyń mańyzdy ekenin birneshe ret atap ótti. Jyl sońyna deıin memlekettik qyzmetterdiń 80%-na halyq ınternet arqyly qol jetkize alatyn bolady. Bizdiń aldymyzda kelesi jyldyń sońyna deıin osy kórsetkishti 90%-ǵa deıin jetkizý mindeti tur», — dedi A. Mamın. 

Úkimet basshysy turǵyndar úshin mobıldi qurylǵylar arqyly qoljetimdi memlekettik qyzmetter tizbesin keńeıtý jumysyn tezdetýdi tapsyrdy.

«Búginde “e-Gov mobile” mobıldi qosymshasy arqyly 31 nemese shamamen 4% memlekettik qyzmet pen servıs qoljetimdi», — dedi A. Mamın. 

Premer-Mınıstr vedomstvolyq júıelerdiń turaqty jumys isteýin baqylaý men monıtorıngteýdi kúsheıtý maqsatynda ár ýákiletti organ deńgeıinde birinshi basshynyń osy máselege jetekshilik etetin orynbasaryn derbes jaýapty etip belgileýdi tapsyrdy.

«Aqparattyq júıelerdi ıntegrasııalaý jospary barlyq memlekettik organdarǵa qatysty jáne 2019-2020 jyldarǵa eseptelgen. Bıylǵa josparlanǵan jumystardyń jartysy ǵana oryndalǵan. Al qalǵan 50% uzaqqa sozylyp ketti nemese olarǵa bıýdjetti josparlaý sapasy tómen. Qarjy, Investısııalar jáne ınfraqurylymdyq damý, Energetıka, Ekologııa, Bilim jáne ǵylym, Ishki ister mınıstrlikteri jyl sońyna deıin Jospardyń 100% oryndalýyn qamtamasyz etýi qajet», — dedi A. Mamın.

Úkimet basshysy barlyq ortalyq memlekettik organdarǵa bıylǵy jyldyń sońyna deıin ınternet resýrstardyń Biryńǵaı platformasyna kóshýdi aıaqtaýdy tapsyrdy.

«Kez kelgen Halyqqa qyzmet kórsetý ortalyǵy aqparattyq júıelerdi ıntegrasııalaý jáne bıznes-prosesterdi avtomattandyrý arqyly qoljetimdi qyzmetterdiń búkil spektrin keshendi túrde kórsetýge baǵyttalýy kerek», — dep A. Mamın, sıfrlyq damý jáne ishki ister mınıstrlikterine sıfrlyq jáne mıgrasııalyq halyqqa qyzmet kórsetý ortalyqtarynyń jumys tájirıbesin barlyq áreket etip turǵan HQKO taratý jumysyn pysyqtaýdy tapsyrdy.

Premer-Mınıstr «Azamattarǵa arnalǵan úkimet» memlekettik korporasııasyna aýdandardaǵy, shaǵyn qalalardaǵy, aýyldardaǵy azamattardy sıfrlyq tehnologııalardy qoldaný arqyly qashyqtan oqytý quraldaryn pysyqtaý qajettigin tapsyrdy.

«Jalpy bul sharalar suranysqa ıe qyzmetterdiń qoljetimdiligi men sapasyn jáne de elektrondyq servısterdiń tıimdiligin joǵarylatýǵa múmkindik bermek», — dedi A. Mamın.

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar