Úkimet • 26 Qarasha, 2019

Úkimette eńbek qatynastaryn retteý máseleleri qaraldy

42 retkórsetildi

Asqar Mamınniń tóraǵalyǵymen ótken Úkimet otyrysynda eńbek qatynastaryn retteý máseleleri qaraldy. Bul týraly primeminister.kz habarlady. 

Kásiporyndardyń jalaqy boıynsha bereshegi jáne eńbek naryǵyn retteý jumystary týraly QR eńbek jáne halyqty áleýmettik qorǵaý mınıstri B. Nurymbetov, Kásipodaqtar federasııasynyń tóraǵasy E. Toǵjanov, Atyraý oblysynyń ákimi N. Noǵaev, Aqtóbe oblysynyń ákimi O. Orazalın, Premer-Mınıstr orynbasary B. Saparbaev baıandady. 

Qazaqstan Jahandyq básekege qabilettilik ındeksinde 2019 jyly «Eńbek naryǵynyń tıimdiligi» faktory boıynsha Grýzııa (37), Reseı (62), Ýkraına (69) jáne basqa da elderdi basyp ozyp, 30-dan 25 orynǵa kóterildi.

Osy jyldyń shilde aıynda Úkimet Parlament Májilisine «QR keıbir zańnamalyq aktilerine eńbek máseleleri boıynsha ózgerister men tolyqtyrýlar engizý týraly» zań jobasyn usyndy, onda eńbek kelisimsharttaryn elektrondy formatqa aýdarý, jumysshylarǵa laıyqty eńbek jáne turmys jaǵdaılaryn jasaý úshin jumys berýshilerdiń mindetteri men jaýapkershilikterin belgileý, bir kompanııanyń toby aıasynda is-saparmen barý jaǵdaılaryn keńeıtý, kəsiporyndardaǵy kásiptik syn-tegeýrinderdi baǵalaý men basqarý negizinde eńbekti qorǵaýdy basqarý júıesin engizý boıynsha sharalardy bekitý jəne basqa da sharalar qarastyrylǵan.

Qazaqstanda 6,7 mln-nan astam jaldamaly jumysker jumys isteıdi. Osy jyldyń 1 qańtarynan bastap eń tómengi jalaqy bir jarym esege – 42,5 myń teńgege deıin ósti, al 203 myń kásiporynda 1,2 mln jalaqy az tólenetin jumysshylardyń jalaqysy 32%-ǵa ósti.

2017-2019 jyldary jalaqy boıynsha bereshek 169 mln teńgege nemese 9,8%-ǵa tómendep, 1,4 mlrd teńgege jetti. Eń kóp bereshek kásiporyndar Nur-Sultan qalasy, Aqtóbe, Almaty jáne Túrkistan oblystarynda. Ońaltý jáne bankrottyq satysyndaǵy 65 kásiporynnyń qaryzy 691 mln teńgeni quraıdy.

Sońǵy 3 jyl ishinde eńbek ınspektorlary prokýratýra organdarymen birlesip eńbek jáne kóshi-qon zańnamasyn buzýdyń 930 faktisin anyqtady, onyń ishinde 25 kásiporynda eńbekaqy tóleýdiń sáıkessizdiginiń 474 faktisi, 681 ruqsat qaıtaryp alyndy, 393 sheteldik jumysshy elden shyǵaryldy. Bıyl eńbek janjaldaryn sheshý men aldyn-alýdyń keshendi jospary bekitildi.

«QR Tuńǵysh Prezıdenti – Elbasy N. Nazarbaev jáne Memleket basshysy Q. Toqaevtyń bizdiń aldymyzǵa qoıǵan basty mindetteriniń biri – kásiporyndarda áleýmettik turaqtylyqty qamtamasyz etý, jumyskerler úshin qaýipsiz eńbek jaǵdaılaryn jasaý. Qazirgi tańda bul salada tutas zańnamalyq baza bar, úshjaqty áleýmettik áriptestik qarastyrylǵan, qaýipsizdik tehnıkasyn saqtaý jáne jaraqattanýdy azaıtý sharalary qabyldanyp jatyr – 10 aıda 2018 jyldyń sáıkes kezeńimen salystyrǵanda 13%-ǵa tómen», — dedi A. Mamın.

Úkimet basshysy bıyl qabyldanǵan О́ndiristik jaraqattanýdy azaıtý jónindegi jol kartasyn iske asyrýdy jandandyryp, óndiristegi jazataıym oqıǵalardyń aldyn alý men eskertýge nazar aýdarýdy tapsyrdy.

«О́ńirlerdiń ákimdikteri Eńbek jónindegi memlekettik ınspeksııalar quramynyń sapasyn, qajet bolsa – sanyn arttyrýy kerek», — dedi A. Mamın.

Premer-Mınıstr jalaqy boıynsha bereshekti monıtorıngteýdiń qoldanystaǵy algorıtmin qaıta qaraýdy, sondaı-aq, jalaqyny ýaqytyly tóleý jónindegi zańnama normalaryn qatańdatýdy tapsyrdy.

«Jumyskerlerine jalaqy tólemegeni jumys berýshi úshin tıimsiz bolýy kerek», — dedi A. Mamın.

Densaýlyq saqtaý mınıstrligine eńbek mınıstrligi jáne Kásipodaqtar federasııasymen birlesip, kásiptik aýrýlardy boldyrmaý maqsatynda olardy erte anyqtaý jóninde sharalardy qabyldap, sondaı-aq kásiptik patologııalyq kómek kórsetýdi kúsheıtý tapsyryldy.

Premer-Mınıstr Qazaqstannyń Halyqaralyq eńbek uıymynyń Konvensııalaryna qosylý múmkindigin qaraý jáne áleýmettik-eńbek qatynastarynyń ózekti máselelerin talqylaý jóninde vedomstvoaralyq komıssııa qurýdy tapsyrdy. 

A. Mamın Úkimet músheleriniń nazaryn eńbek máselelerinde medıasııa keńinen qoldanylmaı otyrǵanyna aýdardy.

«Ár eńbek daýyn sheshýge memlekettik organdar qatysady. Al bul máseleler eń aldymen, jumys berýshi men jumyskerdiń ortasynda kásipodaqtardyń aralasýymen sheshilýi kerek», — dep Premer-Mınıstr, jyl sońyna deıin áleýmettik áriptestik formatyn túrlendirý jóninde usynystar berýdi tapsyrdy. 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar