Aımaqtar • 26 Qarasha, 2019

Glýbokoe aýylynda kómir bazasy jumys istep tur

36 retkórsetildi

Kómir bazasynyń ashylǵanyna buǵan deıin О́skemennen kómirdi qymbat baǵaǵa alyp kelgen jergilikti halyq erekshe qýandy.

О́skemenniń irgesindegi 60 myńnan astam turǵyny bar Glýbokoe aýdanynyń ortalyǵy – Glýbokoe kentinde qyrkúıek aıynan bastap kómir satý bazasy jumys isteýde. Erekshe atap óterligi, turǵyndarǵa asa qajet kómir bazasyn jeke kásipker Vıktor Leontev óz qarajatyna salypty. 70 mıllıon teńgeden astam qarjysyn jumsap, 250 metrge jýyq jerge temirjol tarttyrypty.

kómir

«Budan bólek munda ortalyqtandyrylǵan sý júıesin tartyp, elektr jelilerin ornattyq. Oblys ákimdigi tarapynan bólingen 3 mıllıon teńgeniń grantyna sıfrlandyrylǵan elektrondy tarazy qoıdyq. Kómir bazasynyń ashylǵanyna buǵan deıin О́skemennen kómirdi qymbat baǵaǵa alyp kelgen jergilikti halyq erekshe qýandy. Árıne, kómirdi 18 myńǵa alǵan jaqsy ma, 12 myńǵa alǵan tıimdi me? Qazir kómirdiń kommersııalyq baǵasy 9800 teńge bolsa (áleýmettik baǵa – 9200), biz jetkizgenimiz úshin 2500 teńge ǵana qosamyz. Turǵyndar ózderi de kelip, tıep alyp ketedi. Múgedek jandarǵa, kóp balaly analarǵa tegin jetkizip beremiz. Tehnıkanyń barlyǵy ózimizdiki. О́zimiz tıeımiz, ózimiz túsiremiz. Kórip tursyzdar, eshqandaı da alypsatar, eshqandaı da kezek joq» degen kásipker kómir bazasyn salýǵa úsh jyldaı ýaqyt ketkenin jetkizdi.

kómir 1

Jaqynda gazetimizde osy aýdannyń Predgornoe aýylynda salynǵan fýtbol alańy jaıynda jazǵan edik. Aýylǵa barǵanymyzda alańnyń keńdigin ári óte sapaly salynǵandyǵyn kórip tańǵalǵanymyz ras. Sóıtsek, bul alańdy da Vıktor Leontev salǵan eken. «Sapaly jasamaýǵa meniń qaqym joq. О́ıtkeni, men osy jerde turam ǵoı. Mundaı alańdar aýdannyń birneshe aýylynda salyndy. Kólemi 200 sharshy metrden 600-ge deıin barady. Bizdiń aýyldaǵy alań kelisimshart boıynsha 1200 sharshy metr bolý kerek edi, 350 sharshy metrdi ózim qostym» degen ol qazir jerlesteriniń suraýy boıynsha Beloýsovka aýylynda bir ýaqytta 35 adamdy qabyldaıtyn qoǵamdyq monsha salyp jatqanyn aıtty.

Shyǵys Qazaqstan oblysy,

Glýbokoe aýdany

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar