Sport • 26 Qarasha, 2019

Almatyda paýerlıftıngten Qazaqstan chempıonaty ótti

25 retkórsetildi

Almatydaǵy «Atakent» QIYO-da ótken paýerlıftıng boıynsha jarysta 250-den astam sportshy arqaǵa shtanga salyp otyryp-turý, shtangany kóldeneń oryndyqta jatyp kóterý men shtanga tartý tárizdi úsh jattyǵý boıynsha baq synady.

– Bıylǵy chempıonatymyz 4-8 jeltoqsanda Máskeýde bolatyn Álem chempıonaty qarsańynda ótti. Eki kúndik Respýblıkalyq birinshilikte  qatysýshylar óte jaqsy nátıjege jetti. Bizdiń komanda álemdik týrnırde joǵary deńgeıde óner kórsetýge daıyn ekenine senimim mol, – deıdi WRPF Kazakhstan federasııasynyń prezıdenti Valıhan Ten.

Eki kúndik jarysta erler arasynda 75 alqa jıyntyǵy jáne áıelder arasynda 32 alqa jıyntyǵy oınatyldy. Erler arasynda 110,0 kg deıingi salmaq dárejesinde óner kórsetken Qaraǵandy qalasynan kelgen Vıktor Býıko 837,5 kg jalpy salmaq kóterip (320 kg otyryp-turý, 217,5 kg jatyp kóterý, 300 kg shtanga tartý) jeńipaz atandy.

Áıelder arasynda 82,5 kg deıingi salmaq dárejesinde óner kórsetken Almaty qalasynan Darıa Nesterova eń aýyr jıyntyq salmaqtaǵy 500 kg (205 kg otyryp-turý, 105 kg jatyp kóterý, 190 kg shtanga tartý) eńserdi.

Barlyq nátıjelerdi http://wrpf.kz/ saıtynan kórýge bolady.

Jarysqa qatysýshylar arasynan tek sportshylar men olardyń jattyqtyrýshylaryn ǵana emes, sonymen birge sporttyq klýbtardy, tipten olardyń otbasy múshelerin de kezdestirýge bolady. Osylaısha, Valentına Tarasova birneshe jyl boıy jarystarǵa anasy jáne joldasymen birge qatysyp júr.

– Men paýerlıftıngpen aınalysqanyma 3 jyl boldy. Aldymen tek qana shtangany jatyp kóterý boıynsha óner kórsettim. 2016 jyly shtangany kóldeneń oryndyqta jatyp kóterý boıynsha absolıýtti álem chempıony atandym. Birte-birte men birden úsh qımylǵa qyzyǵýshylyq tanyta bastadym. Bul óte ádemi qozǵalystar, bul jattyǵýlar bizdi saý jáne kúshti ǵana emes, sonymen qatar ádemi etedi. Men 2017 jyly paýerlıftıngten Álem chempıony atandym. Osy sport túrinde aldaǵy ýaqytta da óner kórsetýdi josparlap otyrmyn.

Bizdiń otbasymyzda meniń anam da sportpen shuǵyldanady. Ol 70 jastan asqan sportshylar arasynda shtangany kóldeneń oryndyqta jatyp kóterýden óner kórsedi. Qazir anam 72 jasta. Ol sporttyn bul túrimen shamamen 5 jyl aınalysady, – deıdi paýerlıftıngten áıgili chempıony Valentına Tarasova. Aıta kelgende, Valentına Tarasovanyń jubaıy shtangany jatyp kóterýden, kúshtik qossaıystan álem vıse-chempıony.

 

 

ALMATY

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar