Sport • 26 Qarasha, 2019

Basketbol: «Astana» «Kalevten» utyldy

19 retkórsetildi

Basketboldan VTB lıgasynyń kezekti týr oıynyn Nur-Sultannyń «Astanasy» Tallınde jergilikti «Kalev» klýbyna qarsy ótkizdi.

Bastapqyda jerlesterimiz sál belseńdi kórinip, birinshi kezeńniń qorytyndysy boıynsha qarsylastarynan tórt upaı artyq jıdy. Alaıda úzilisten keıin qarqynyn kúrt kúsheıtken estondyqtar oıyn tizginin myqtap qolǵa aldy. Bizdiń jigitter bilgenderinen jańylyp, qatelikke jıi boı aldyryp qazaqstyndyq jankúıerlerdi ábden mezi etti. Ekinshi kezeńde olar bizden tórt upaı ozsa, úshinshi kezeńde baqandaı 18 upaıǵa uzady.

Jaǵdaıdy túzeý úshin «Astananyń» oıynshylary sońǵy kezeńde baryn saldy. Tipten, upaı aıyrmashylyǵyn altyǵa deıin de azaıtqan sátterimiz boldy. Biraq odan árige álimiz jetpedi. Nátıjesinde bul match 84:76 (15:19, 25:17, 31:17, 13:23) esebimen «Kalevtiń» paıdasyna sheshildi.

Qazirgi kezde «Astana» jarys kestesinde 10 orynda keledi. VTB lıgasyndaǵy kelesi kezdesýin jerlesterimiz 7 jeltoqsanda Nur-Sultanda Reseıdiń Tómengi Novgorod qalasynan kelgen komandaǵa qarsy ótkizedi.

 

 

 
  

 

 

 

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar