Saıasat • 26 Qarasha, 2019

Máýlen Áshimbaev: Bul – qazaq pen qyrǵyzdyń dostyq qatynastaryn odan ári nyǵaıtýǵa baǵyttalǵan basqosý

34 retkórsetildi

Búgin Bishkek qalasynda Halyqaralyq Túrki akademııasynyń muryndyq bolýymen «Bekem baýyrlastyq baılanystar» atty qazaq-qyrǵyz zııalylarynyń IV forýmy ótti.

Memleket basshysy Qasym-Jomart Toqaevtyń Qyrǵystanǵa memlekettik sapary qarsańynda ótken jıynǵa QR Prezıdentiniń kómekshisi Máýlen Áshimbaev, Qyrǵyz Respýblıkasy Prezıdentiniń keńesshisi Sultan Raev, eki eldiń bilikti ǵalymdary, tanymal qoǵam qaıratkerleri, rýhanııatynyń beldi ókilderi qatysty. Alqaly jıynǵa Halyqaralyq Túrki akademııasynyń prezıdenti Darhan Qydyráli moderator boldy.

Jıynnyń betasharynda sóz alǵan Prezıdent kómekshisi Máýlen Áshimbaev:

– О́zderińizben osyndaı alqaly jıynda kezdeskenime qýanyshtymyn! Eń aldymen, barshańyzdy Qazaq-qyrǵyz zııalylarynyń IV forýmynyń ashylýymen quttyqtaımyn! Qazaq pen qyrǵyz – bir-birine baýyrlas halyqtar. Alataýdyń qos bókterin jaılaǵan eki eldiń dili men dini ortaq, tili de óte uqsas. Qyrǵyzstan – biz úshin tek kórshi ǵana emes, sonymen birge baýyrlas, tarıhy tamyrlas memleket. Uly Abaı: «Esh qazaq qyrǵyz ben qazaqtyń bir tuqymdas ekenine talaspaıdy», degen. Qyrǵyzdyń ataqty aqyny Molda Qylysh ta «Qyrǵyz-qazaq – alashtan» dep, egiz eldiń birligin jyrlaǵan. Sondyqtan taǵdyry úndes elderimiz árdaıym bir-birine qoldaý kórsetip keledi,– dep atap ótti.

Máýlen Áshimbaev Táýelsizdik alǵan kúnnen bastap ózara baılanysty tereńdetýge eki elde de basa mán berilip kele jatqanyna toqtaldy.

– Bul másele Qazaqstannyń Tuńǵysh Prezıdenti Nursultan Ábishuly Nazarbaevtyń basty nazarynda boldy. Nátıjesinde, eki memleket arasynda Máńgilik dostyq týraly shartqa qol qoıyldy. Erteń Qazaqstan Prezıdenti Qasym-Jomart Kemeluly Toqaev Qyrǵyzstanǵa memlekettik saparmen keledi. Qyrǵyzstannyń Prezıdenti Sooronbaı Sharıpuly Jeenbekovpen kezdesip, eki memleket basshylary elderimiz arasyndaǵy qarym qatynastardy ári qaraı damytý máselesin talqylaıdy. Bul – eki el arasyndaǵy yntymaqtastyqty jańa deńgeıge kóteretin mańyzdy sapar bolady dep senemiz. Sonyń barysynda ózara tıimdi kelisimderge qol jetkiziledi dep kútilýde. Osy rette eki jaqty baılanystardy nyǵaıtý isinde zııaly qaýym ókilderi de mańyzdy ról atqaratynyn atap ótken jón.  Prezıdentterimizdiń kezdesýiniń aldynda ótip otyrǵan búgingi forým – sonyń aıqyn dáleli. Bul – qazaq pen qyrǵyzdyń dostyq qatynastaryn odan ári nyǵaıtýǵa baǵyttalǵan basqosý, – dedi M.Áshimbaev.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar