Rýhanııat • 26 Qarasha, 2019

Qazaqstannyń Halyq ártisi Aısha Abdýllına ómirden ótti

33 retkórsetildi

Búgin 103 jasqa qaraǵan shaǵynda kórnekti teatr jáne kıno aktrısasy, sańlaq saxnager, Qazaqstannyń Halyq artısi, «Parasat», «Qurmet belgisi», «Uly Otan soǵysynyń ardageri» ordenderiniń ıegeri Aısha Abdýllına ómirden ótti. Bul týraly Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń dırektory, Qazaqstan Teatrlar assosıasııasynyń vıse-prezıdenti Ashat Maemırov habarlady.

Kórnekti sahna sheberi A.Abdýllına 1916 jyly Almaty qalasynda dúnıege kelgen. 1935 jyly Qazaq memlekettik drama teatry janyndaǵy 2 jyldyq stýdııany aıaqtap, Qazaq óneriniń qara shańyraǵy M.Áýezov atyndaǵy akademııalyq drama teatrynda shyǵarmashylyq eńbek jolyn bastaıdy. 1936 jyly Máskeýde ótken Qazaq óneri men mádenıetiniń on kúndiginde Jambyldaı jyr alyby, Kúlásh Báıseıitova, Q.Jandarbekovterdiń janynda birge óner kórsetedi. Dekada qorytyndysy boıynsha I.V.Stalınniń qolynan «Eńbek Qyzyl Tý» ordenin alady.

Qazaq teatr óneriniń tarıhynda Aısha apa tuńǵysh ret Dezdomana beınesin somdady. Keıin Shymkent qalasyna qonys aýdaryp J.Shanın atyndaǵy akademııalyq teatrynda 65 jyl boıy úzilissiz aktrısa bolyp qyzmet etti. Oryndaýshylyq dıapazony keń aktrısa ulttyq dramatýrgııa ben álemdik klassıkanyń jaýharlarynda bir-birine uqsamaıtyn  100-den asa saxnalyq beınelerdi somdap, áıelder beınesiniń tolyqqandy galereıasyn jasady. Solardyń ishindegi Aısha Abdýllına apamyzdyń ónerdegi boıtumary - Eńlik, Qyz Jibek, Dezdemona beıneleri bar.

О́ner áleminde qol jetkizgen jetistikteri men eren eńbegi, shyǵarmashylyq joly - jas býyn úshin jarqyn úlgi bola bilgen Aısha Abdýlınnanyń bir ǵasyrlyq mereıtoıy elordada, Almaty men Shymkent qalalarynda saltanatty túrde atap ótilip, Aısha apa halqyna aq batasyn berip, án men jyrdan shashý shashty.

Uzaq jylǵy óner men mádenıet salasyna sińirgen eńbegi úshin QR Tuńǵysh Prezıdenti - Elbasynyń memlekettik stıpendııasyna ıe boldy. «Ońtústik Qazaqstan oblysynyń qurmetti azamaty» ataǵyna ıe boldy.

«Qazaq teatr óneriniń tarıhynda eń uzaq jasaǵan aktrısa  Aısha apamyzdyń aq batasyn alǵan, talaı syrlas, dastarhandas bolǵan ónerdegi jaqsy kórgen balalarynyń biri bolǵanyma rızamyn. Aısha Abdýllınanyń urpaǵyna, týma-týysqandary, áriptesterine qaıǵyryp kóńil aıtamyn. Aısha apamyzdyń ónerdegi adaldyq pen tazalyqty tý etken jarqyn beınesi, adamı kelbeti - júregimizde saqtalady. Imanyń joldas bolǵaı, AIShA APA!», delingen habarlamada.

Qoshtasý rásimi 28 qarasha kúni, saǵat 09.00-de M.Áýezov teatrynda ótedi.

 

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar