Parlament • 26 Qarasha, 2019

D. Nazarbaeva Tatarstan Respýblıkasy Memlekettik Keńesiniń Tóraǵasymen kezdesti

15 retkórsetildi

Qazaqstan Parlamenti Senatynyń Tóraǵasy Darıǵa Nazarbaeva Tatarstan Respýblıkasy Memlekettik Keńesiniń Tóraǵasy Farıd Muhametshınmen kezdesti. Bul týraly Senattyń baspasóz qyzmeti habarlady.

Darıǵa Nazarbaeva Reseı Federasııasynyń jetekshi ári ekonomıkalyq damyǵan sýbektileriniń biri bolyp tabylatyn Tatarstanmen qarqyndy jáne kópjaqty yntymaqtastyqty damytýǵa Qazaqstannyń múddeli ekendigin atap ótti.

Kezdesý barysynda qazaq jáne tatar halyqtarynyń arasyndaǵy baılanystarynyń nyǵaıýy olardyń jaqyndyǵy, tarıhı-mádenı ortaq mol murasy men rýhanı qundylyqtarymen kórinis taýyp otyrǵany atalyp ótildi. Bul oraıda Qazaqstannyń Tuńǵysh Prezıdenti – Elbasy N.Á.Nazarbaev pen Tatarstan Prezıdenti M.Sh.Shaımıevtiń sińirgen eńbegi zor.

Bizdiń elimizge Qazaqstan Respýblıkasynyń Tuńǵysh Prezıdenti kúnin merekeleýge qatysýǵa kelgen Tatarstan Memlekettik Keńesiniń Tóraǵasy Elbasyna degen shynaıy qurmetin jetkizdi jáne onyń dana ári kóshbasshylyq qasıetteri men egemen Qazaqstannyń tabysty damýyna qosqan úlesin atap ótti. «N.Á.Nazarbaev qyzmetiniń máni jyl saıyn arta túsedi, onyń eńbegi – ishki jáne syrtqy saıasatty saýatty júrgizýdiń jarqyn mysaly», - dedi F.Muhametshın.

Senat Tóraǵasy parlamentaralyq yntymaqtastyqty nyǵaıtý týraly aıta kelip, Qazaqstan Parlamenti Tatarstan Memlekettik Keńesimen tyǵyz yntymaqtastyqty damytýǵa múddeli ekenin atap ótti.

Taraptar 9 jeltoqsanda Qazan qalasynda ótetin Qazaqstan Parlamenti Senaty men Reseıdiń Federasııa Keńesi arasyndaǵy Yntymaqtastyq jónindegi komıssııanyń kezekti otyrysyna daıyndyqty talqylady.

Áńgime barysynda Qazaqstan men Tatarstan arasyndaǵy saýda-ekonomıkalyq yntymaqtastyqty damytý máseleleri de saralandy. Taraptar qazirgi kórsetkishter ózara saýdanyń osy kezdegi áleýetine sáıkes kelmeıtini týraly aıtty. Qazaqstan men Tatarstan arasyndaǵy taýar aınalymy shamamen úshten birge tómendedi.

«О́zara saýdada 1 mıllıard dollar kólemindegi alǵa qoıǵan ortaq maqsatqa qol jetkizý úshin osy baǵyttaǵy jumysty jalǵastyrý qajet», - dedi Senat Tóraǵasy.

Júzdesýshiler mádenı-gýmanıtarlyq yntymaqtastyqty tereńdetýdi, jastar men áıelder uıymdary arasyndaǵy ózara is-qımyldy da talqylady.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar