Prezıdent • 26 Qarasha, 2019

Prezıdent: Qazaqstan yntymaqtastyqty damytý jumystaryn jalǵastyra beredi

15 retkórsetildi

Qasym-Jomart Toqaev Qazaqstanda akkredıttelgen shet elderdiń dıplomatııalyq mıssııalarynyń basshylarymen kezdesti dep habarlaıdy Aqordanyń baspasóz qyzmeti.

 

Qazaqstan Prezıdenti dıplomatııalyq korpýs ókilderimen kezdesýdiń jaqsy dástúrge, ekijaqty jáne kópjaqty yntymaqtastyqty nyǵaıtatyn mańyzdy sharaǵa aınalǵanyn atap ótti. Qasym-Jomart Toqaev mundaı dıalog elimizdiń ishki jáne syrtqy saıasatyndaǵy basymdyqtaryn talqylaýǵa múmkindik beretinin aıtty. 

– Biz elimizde teńgerimdi saıası jańǵyrýdy birtindep júzege asyramyz. Ekonomıkalyq yntymaqtastyq jáne damý uıymyna múshe jetekshi elderdiń standarttaryna basymdyq beremiz. Úkimet osy maqsatqa jetý jolynda batyl ári nyq qadam jasaıdy. «Kúshti Prezıdent – yqpaldy Parlament – esep beretin Úkimet» – Qazaqstannyń memlekettik júıesiniń negizgi nyshandary, – dedi Memleket basshysy. 

Prezıdent dıplomatııalyq mıssııa basshylaryna «halyq únine qulaq asatyn memleket» tujyrymdamasynyń júzege asyrylýy, Ulttyq qoǵamdyq senim keńesi týraly aıtty.

– Úkimet azamattardyń turmystyq qajettilikterine ýaqytyly kóńil bólý úshin jumys istep jatyr. Memleket basshysy retinde qoǵamdaǵy plıýralızmdi qoldap, ony ilgeriletý maqsatynda saıası partııalardyń damýyna múddelimin. Sondyqtan qazirgi ýaqytta beıbit sherýlerdiń ótkizilýin retteıtin zańnamalyq normalar qaıta qaralýda. Biz barlyq memlekettik organdardyń esep berýin arttyrý úshin azamattyq ınstıtýttardyń rólin kúsheıte túsemiz, – dedi Qasym-Jomart Toqaev.

Prezıdent quqyq qorǵaý jáne sot júıesin reformalaý týraly aıta kelip, memlekettiń ál-aýqatyn arttyrý isi atalǵan ınstıtýttarǵa degen halyqtyń senimine baılanysty ekenine toqtaldy.

– Memlekettik apparattyń saıası turaqtylyǵy men tıimdiligin ekonomıkalyq ósimnen bólip qaraýǵa bolmaıdy. Bul baǵytta birqatar jetistikter bar. 2019 jyldyń 10 aıynda elimizdiń jalpy ishki ónimi 4,4 paıyzǵa ósti. Doing Business-2020 reıtınginde Qazaqstan 25-orynda. Básekege qabilettiliktiń jahandyq ındeksinde elimiz 55-orynda tur. Aldaǵy bes jyl ishinde halyqaralyq reıtıngtegi pozısııamyzdy aıtarlyqtaı jaqsartýdy josparlap otyrmyz, – dedi Qazaqstan Prezıdenti.

Qasym-Jomart Toqaev Qazaqstannyń halyqaralyq yntymaqtastyq úshin burynǵydaı ashyq ekenin, strategııalyq seriktestermen jáne barlyq múddeli eldermen konstrýktıvti ári teńgerimdi yqpaldastyq ornatý saıasatyn jalǵastyra beretinin atap ótti. Syrtqy saıasatymyzda jahandyq konfessııaaralyq kelisimge, tózbeýshilik jáne radıkalızm ıdeologııasyn taratýǵa qarsy kúreske basa mán beremiz.

– Biz óńirlik jáne jahandyq turaqtylyqty qamtamasyz etýge baǵyttalǵan konstrýktıvti bastamalardy ilgeriletemiz jáne qoldaımyz. Bul, eń aldymen, azııalyq jáne eýroazııalyq qaýipsizdikti nyǵaıtý, ıadrolyq jáne terrorıstik qaýip-qaterlerdiń aldyn alý, – dedi Memleket basshysy.

Prezıdenttiń aıtýynsha, Reseı Federasııasymen, Qytaımen, AQSh-pen, Eýropalyq Odaq jáne Ortalyq Azııa elderimen ózara qarym-qatynas ornatý Qazaqstannyń syrtqy saıasatyndaǵy basym baǵyty bolyp qala beredi. Sonymen qatar Qasym-Jomart Toqaev Qazaqstannyń halyqaralyq uıymdar men qarjy ınstıtýttary aıasynda kópjaqty yntymaqtastyq pen yqpaldastyqty damytý jónindegi jumystardy jalǵastyra beretinin aıtty.

Kezdesý sońynda qalyptasqan dástúr boıynsha dıplomatııalyq korpýstyń dýaıeni – Belarýs Respýblıkasynyń Qazaqstandaǵy elshisi Anatolıı Nıchkasov sóz sóıledi.

Prezıdent Qasym-Jomart Toqaevtyń sóılegen sóziniń tolyq nusqasymen myna silteme arqyly tanysa alasyz.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar