Aımaqtar • 26 Qarasha, 2019

«Qys - 2020»: Tótenshe jaǵdaıdy joıý jasaǵy men tehnıkalar daıyn ba?

15 retkórsetildi

О́ńirde elimizde júrgizilip jatqan «Qys – 2020» respýblıkalyq komandalyq-shtabtyq oqý-jattyǵýlary barysynda tótenshe jaǵdaıdy shuǵyl joıý jasaqtarynyń daıyndyǵy men qar jınaıtyn tehnıkalar tekserildi.

Oblystyq Tótenshe jaǵdaılar departamentiniń málimetinshe, aldaǵy qys aıyna mamandar da, qyzmet kórsetý bólimderdi de daıyn. 

Oqý-jattyǵýlarǵa departamentten 4 birlik tehnıka, oblystyq densaýlyq saqtaý basqarmasynan 1 medısınalyq jedel járdem brıgadasy, apattar medısınasy ortalyǵynan 1 birlik tehnıka, «Jylý jelileri» JShS-nen 3 birlik tehnıka, «Vodokanal» JShS sý qubyry jáne káriz jelileri boıynsha avarııalyq-tehnıkalyq komandasynan 2 birlik tehnıka qatysty.

Jergilikti iri kásiporyndar men zaýyttar ókilderi qatysqan daıyndyqqa  48 tehnıka tartyldy. Jeke quramnan 128 adam qyzmet kórsetti.

Departamenttiń avarııalyq-qutqarý jasaǵynyń jetekshisi Vladımır Vlasovtyń aıtýynsha,  oqý-jattyǵý kezinde qysqy merzimde qyzmet atqaratyn tehnıkalardyń daıyndyǵy tekserildi.

Jol men aýa raıyn talǵamaıtyn 3 «Trekol» tehnıkasy qalyń qarda  jolda qalǵan jolaýshylardy qutqarýǵa múmkindik bermek.

Bul rette jolda apatty jaǵdaıda qalǵan jolaýshylardy qutqarý, apattyń aldyn alý, qar tazalaý basty nazarda bolmaq.

Mamandar berilgen tapsyrmany az ýaqyttyń ishinde oryndap, jedeldik tanytty. Baıqaýǵa  Ishki ister mınıstrligi Tótenshe jaǵdaılar komıtetiniń oblystyq tótenshe jaǵdaılar departamenti ókilderi qatysty.

Shara barysynda qysqy kezeńdegi apattar jáne tótenshe jaǵdaılardyń nátıjesinde zardap shekkenderge óz ýaqytynda kómek kórsetýge arnalǵan tehnıka men qural-jabdyqtardyń jaramdylyǵyna nazar aýdaryldy.

Departament bólimshelerinde janar-jaǵarmaı, azyq-túlikti jetkizý, izdeý-qutqarý, qysqy kezeńde órtterdi joıý jumystaryn júrgizetin tehnıkalardyń jaǵdaıy tanystyryldy.

Al mamandar qys mezgilinde jekemenshik sektordaǵy úılerdiń turǵyndary ot jaqqanda barynsha saqtyq sharalaryn ustanýy kerektigin aıtady.

Bıyl oblysta 868 órt faktisi tirkelgen. Tirkelgen órtterdiń 61 paıyzy jeke sektordaǵy úılerde oryn alǵan.

Mamandar aýa raıynyń buzylýyna oraı telearnalar men radıo arqyly habarlandyrýlar jáne júgirtpe joldar beriledi. Uıaly telefonǵa SMS habarlamalar keledi. Bul ýaqytta eskertpelerdi tyńdap, alys jolǵa shyqpaǵan jón.

 

Pavlodar oblysy

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar