Qoǵam • 27 Qarasha, 2019

Qaıtkende jol qaýipsizdigi jaqsarady?

375 retkórsetildi

Kóshelerge «Sergek» beıne-tirkeý kameralary ilingeli beri júrgizýshiler men jaıaý júrginshilerdiń zańdy saqtaýǵa degen ser­gektikteri oıanǵany ras. О́ıtkeni árbir ereje buzý reti qaltadaǵy qarjyǵa tireledi emes pe. Biraq «Sergek» beıne-tirkeý kameralaryn jappaı qoldanysqa engizýdegi basty maq­sat aqsha ǵana jınaý emes edi.

Mundaǵy basty maqsat – jol júrisi tártibin nyǵaıtý bolatyn. Sóıtip júrgizýshiler men jaıaý júrginshilerdiń jol erejesine degen mádenıetin qalyptastyryp, qoǵamdyq qaýipsizdik deńgeıin arttyrý edi. Biraq, óki­nishke qaraı, atalǵan  júıe negizgi talap deń­geıinen shyǵar emes. Nelikten? Onyń bas­ty sebe­bin Prezıdent Qasym-Jomart Toqaev ta atap ótti. Memleket basshysy jol-kólik apattarynyń sany kóbeıgenin, qoǵamda qyzý talqylanǵan «Sergek» beıne kameralarynyń qoǵamdyq qaýipsizdik deńgeıin arttyrý úshin emes, kólik júrgizýshilerden aıyppul óndirip alý úshin ǵana qoldanylyp otyrǵanyn aıtty.

Prezıdent mundaı jaıǵa tekten-tekke alańdaýshylyq bildirmegeni belgili. О́ıtkeni jol-kólik apatynyń sany sońǵy kezde 15,5 paıyzǵa, olardan zardap shekkender 42 paıyzǵa kóbeıgen. Zamanaýı tehnıkalyq múmkindikter artyp, ekonomıkalyq ahýal jaqsaryp, jol qaýipsizdigin baqylaýdyń sońy jetistikteri qoldanylyp jatsa da jol-kólik apatynan kisi ólimi kóp. Bul beıbit kúndegi esh qısynǵa kelmeıtin óreskel jaǵdaı. Demek osy kezge deıin eldegi jol-kólik apatyn tómendetý úshin dep jasalǵan sharalardyń esh nátıjesi bolmaǵany baıqalady. О́ıtkeni o basta «Sergek» beıne-tirkeý kameralaryn ornatqanda kóshede jol-júrisi erejeleriniń saqtalýyn baqylap turatyn polıseıler sanyn azaıtý maqsat edi. Sóıtip zań buzýshylyq kezinde júrgizýshi men polısııanyń tikeleı qarym-qatynasyn joıý-tuǵyn. Álbette «Sergek» beıne-tirkeý kameralaryn ornatqannan keıin bul úrdis iske asty. Biraq el kútken qoǵamdyq qaýipsizdik deńgeıin arttyrý kóleńkede qaldy.

Onyń ústine «Sergek» beıne-tirkeý kame­­ra­laryn ornatqan soń beıne-tirkeý kame­rasynyń zań buzýshylyqty túsirgenine adam yqpaly júrmeıdi degenimizben, onyń durys, burystyǵyn báribir polısııa ınspektory tekseredi. Ol ınspektor zańdylyqtyń saq­talýyn ádil qadaǵalaıdy desek, beıne-tirkeý kameralary kólikterdiń jol júrisi erejesin buzý sátterin tolyqqandy shynaıy tirkeı qoıýy neǵaıbyl demeske shara joq. Demek, qan­sha jerden jol júrisin tek avtomatty túrde qada­ǵalaımyz jáne qaýipsizdik deńgeıin arttyramyz deýdiń qısyny keler emes. Ondaı kezeńniń aýyly áli alys sekildi. Sebebi tek aǵymdaǵy jyldyń 9 aıynda ǵana mas júrgizýshiler tarapynan 342 jol-kólik oqıǵasy tirkelip, onda 64 adam qaza taýyp jáne 493 adam jaraqat alǵan.

Bul oraıda jol qozǵalysynyń qaýipsizdi­gin turaqty qadaǵalaýdy jáne joldarda kún­delikti patrýldeýdi naqty qolǵa almaı, jıilep ketken zań buzýshylyqty joıý múm­kin emes. Muny saqshylardyń ózderi de jasyrmaı, jol qozǵalysy qaýipsizdigin turaq­ty qadaǵalaý jáne joldarda kúndelikti pa­­trýl­deý nátıjesinde ǵana jol-kólik oqı­­ǵalaryna jol berilmedi deıdi. Sóıtip jyl basynan beri polısııa qyzmetkerleri mas kúıde kólik júrgizgen 22 myńnan astam júr­gizýshini anyqtady. Olardyń 17 myńnan astamy avtokólikti basqarý quqyǵynan aıyrý tú­rindegi ákimshilik jaýapkershilikke tartylsa, al júrgizýshilik quqyǵynan aıyrylǵan, ári mas kúıde bolǵan 1 878 adam qylmystyq jaýap­kershilikke tartylǵan. «Beıbit ómirde mas kúıinde kólik basqarǵan jaýapsyz júr­gizýshiler kinásinen joldarda adamdar qaza taýyp jatyr. Olardy aqtaýǵa bolmaıdy. Sondyqtan osyndaı zań buzýshylyqtar men qylmystar úshin olardyń saldarlarynyń aýyrlyǵyna teńbe-teń jaza bolýy tıis», – deıdi Ishki ister mınıstri Erlan Turǵymbaev.

Árıne, «Sergektiń» paıdasy zor. Máselen, buryn «osy júrisim durys» dep jol erejesin buza júrýge daǵdylanyp qalǵan júrgizýshiler qazir daralana bastady. Olar bárinen bu­ryn «Sergektiń» kózine jıi túse bastady. Sóı­tip árbir júrgizýshi óziniń qanshalyqty kólik júrgizýge daıyn ekendigin naqty sezi­netin boldy. Alaıda statıstıka kórsetip otyr­ǵandaı, qoldanystaǵy ákimshilik jazalar júr­gizýshilerdiń tártibine qajetti deńgeıde áser etpeıtinin jáne jol-kólik oqıǵalar sa­ny­nyń tómendemeı otyrǵanyn baıqatady. En­di Memleket basshysynyń tapsyrmasyna sáıkes Ishki ister mınıstrligi osyndaı qu­qyq buzýshylyqtar úshin qylmystyq jáne ákim­shilik jaýapkershilikti kúsheıtýdi qolǵa al­ǵany jón. Jol júrisi erejesin buzǵandardy jáne mas kúıde kólik júrgizgenderdi dereý anyqtaý men qatań jaza qoldaný bar­lyq jol qozǵalysyna qatysýshylardyń, júr­gizýshilerdiń de, jolaýshylardyń da, sondaı-aq jaıaý júrginshilerdiń de qaýipsizdigin qamtamasyz etýge tolyqtaı múmkindik beredi

Sońǵy jańalyqtar

Uly dala eliniń eń ulyq merekesi

Qazaqstan • Búgin, 13:28

Basylym basshylary - Muhtar ÁÝEZOV (11.1921-12-1921)

Basylym basshylary • Búgin, 13:06

Qarshadaı qyzdyń qaısarlyǵy...

Rýhanııat • Búgin, 12:55

Almatylyq qarııalarǵa arnalǵan kesh ótti

Rýhanııat • Búgin, 12:47

Ábish Kekilbaevty eske alý keshi ótti

Rýhanııat • Búgin, 11:05

Ýspen aýdany dástúrli ánshilerdi shaqyrdy

Rýhanııat • Búgin, 09:10

Tulǵaǵa taǵzym jasaldy

Rýhanııat • Búgin, 08:49

«Báıterek» basyndaǵy qaýyshý

Qoǵam • Búgin, 08:45

Jalpy esepte úzdik úshtiktemiz

Sport • Búgin, 08:44

«Astana» maýsymdy aıaqtady

Fýtbol • Búgin, 08:40

Baǵyndyrǵan belester baıyptaldy

Aımaqtar • Búgin, 08:37

Taýar tasý jıiligine shekteý bolmaıdy

Ekonomıka • Búgin, 08:33

Jeltoqsan... Erkindik... Azattyq

Qoǵam • Búgin, 08:21

Azattyq jolyndaǵy tarıhı qadam

Rýhanııat • Búgin, 08:17

Qazaq elin álem tanydy

Álem • Búgin, 08:15

Qıyn sátte de birge bolǵanbyz!

Qazaqstan • Búgin, 08:12

Táýelsizdik hám túrki jurty

Qazaqstan • Búgin, 08:03

El abyroıyn asyrǵan jahandyq bastamalar

Qazaqstan • Búgin, 08:01

40 páterdiń kiltin tapsyrdy

Aımaqtar • Búgin, 07:58

Túrkııada toılandy

Qazaqstan • Búgin, 07:57

Ekonomıka qarqyndy ósýde

Ekonomıka • Búgin, 07:51

Mereke qarsańyndaǵy mereıli sát

Qoǵam • Búgin, 07:48

Memlekettik nagradalar tapsyrdy

Parlament • Búgin, 07:44

Almatyda Abaı klýby ashyldy

Rýhanııat • Keshe

Uqsas jańalyqtar