Onyń málimdemesine qaraǵanda, jylytý maýsymynyń basynan, ıaǵnı 2019 jylǵy 1 qyrkúıekten bastap turǵyn úı sektorynda 1612 órt bolyp, sonyń saldarynan 42 adam kóz jumǵan. Al 6 adam gazdan ýlanyp qaıtys bolǵan. Jalpy 2019-2020 jyldary jylytý kezeńi bastalǵannan beri órt saldarynan 49 adam jaraqat alsa, órt shyqpaı gazdan ýlanyp 45 adam jaraqattanǵan.
Atqarylyp jatqan jumystar týraly V.Bekker: «Aldyn ala, 2019-2020 jyldardaǵy jylytý kezeńi qarsańynda turǵyn úı sektorynda profılaktıkalyq jumystar júrgizilýde. Halyqtyń áleýmettik osal toptarynyń (qarttar, múgedekter), kóp balaly otbasylardyń turǵyn úılerinde órttiń aldyn alý jumystaryn júrgizý jónindegi sharalar keshenin iske asyrýǵa múddeli qyzmetter men úkimettik emes sektor tartyldy.
Nátıjesinde, aýmaqtyq bólimsheler jergilikti atqarýshy organdardyń aqparaty boıynsha halyqtyń áleýmettik osal toptarynyń 169 010 turǵyn úıin esepke aldy. Onyń ishinde 7 qarashadaǵy jaǵdaı boıynsha 163 622 úı (91860 úıge JAO ókilderimen aralaý jumystary júrgizildi) profılaktıkalyq jumyspen qamtyldy, onyń barysynda 409 myń azamatqa nusqaý berildi. 132 527 órt qaýipsizdigi talaptarynyń buzýshylyǵy anyqtaldy, onyń 23 478-i ornynda joıyldy», dedi.
Zań buzýshylyqtardyń 90%-y elektr tehnıkalyq jeliler men elektr jabdyqtaryn jáne avtonomdy jylý júıelerin paıdalanýmen baılanysty eken. Al halyqtyń áleýmettik osal toptarynyń turǵyn úılerin aralaý barysynda olardy 4 463 úı ıeleri kirgizbegen, 3 391 úıde adam bolmaǵan. Halyqtyń áleýmettik osal toptarynyń turǵyn úıinen basqa, ótken jylytý maýsymdarynyń tájirıbesi negizinde profılaktıkalyq jumyspen derbes jylytý júıelerimen baılanysty tótenshe jaǵdaılardyń týyndaýyna neǵurlym beıim turǵyn úıler qamtylǵan. Máselen, 542 131 úı (20 090-y úıge kirgizbegen, 22 824-i úıde adam bolmaǵan), olardyń barysynda 1 mln-nan astam azamatqa nusqaý berilip, 244 576 buzýshylyq anyqtalyp, onyń 77 338-i ornynda joıylǵan.
Ań aýlaý jáne balyq aýlaý maýsymynda (2019 j. 1 qyrkúıekten 11 qarashaǵa deıingi aralyqta) elimizdiń sý aıdyndarynda (muzda) balyq aýlaý kezinde qaýipsizdik erejelerin buzý saldarynan 23 adam kóz jumdy. Adamdardyń qaza bolýyna jol bermeý jáne qysqy kezeńde sý aıdyndarynda (muzda) tótenshe jaǵdaılarǵa tıimdi áreket etý maqsatynda profılaktıkalyq is-sharalar kesheni ótkiziledi. Qazirgi ýaqytta TJD muz ótkelderin jáne jaıaý ótkelderdi, muz astyndaǵy balyq aýlaý oryndaryn túgendeý boıynsha jumystar júrgizýde. Jergilikti atqarýshy organdarmen jáne múddeli uıymdarmen birlesip ótkelder men asýlarda qaýipsizdikti qamtamasyz etý jóninde sharalar qabyldanýda. 36 muzdy avtomobıl ótkeli, 109 jaıaý júrginshi asýy jáne 968 muz astynan balyq aýlaý orny anyqtaldy. 4681 eskertý belgisi men kórneki mańdaısha ornatyldy. О́tkelder men muz ótkelderin ustaýǵa jaýapty qyzmetkerlermen nusqaýlyq uıymdastyryldy, dep atap ótti baıandamashy.
«Aýa temperatýrasynyń tómendeýi, sondaı-aq jaýyn-shashyn kezinde joldy muz jaba bastaıdy. Sonyń saldarynan jazǵy shınalardyń jolǵa iliný kúshi tómendeıdi jáne bul jol-kólik oqıǵasyna sebep bolýy múmkin. О́z basyn ǵana emes, sondaı-aq basqalardyń da ómirin qaýipke tigedi. Qys mezgilinde tótenshe jaǵdaılardy boldyrmaý úshin IIM Tótenshe jaǵdaılar komıteti aýa raıynyń ózgerýin, meteorologııalyq málimetterdi, aýa raıynyń nasharlaýy, joldardyń jabylýy týraly arnaıy habarlamalardy únemi qadaǵalap otyrýǵa keńes beredi. Daýyldy aldyn ala eskertý habarlamasy berilgen kezde alys saparlarǵa shyqpaý qajet», dedi V.Bekker.
