27 Qarasha, 2019

Memleket-jekemenshik áriptestik isinde kedergi bolmaýy kerek

7 retkórsetildi

Keshe Aqordada Memlekettik hatshy Qyrymbek Kósherbaevtyń tóraǵalyǵymen Prezıdent janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti.

Jıynda Memlekettik hatshy Qyrymbek Kósherbaev Prezıdent Qasym-Jomart Toqaevtyń óz Jol­daýyn­da sybaılas jemqorlyqqa qarsy kúresti kúsheıtýdi tapsyrǵanyn atap ótti.

– Sybaılas jemqorlyq – mem­le­kettiń damýyna kedergi keltire­tin úlken áleýmettik kesel. Osyǵan oraı Memleket basshysy Qasym-Jomart Toqaev qoǵamdaǵy bul kúrdeli máselemen kúres júrgizýdiń negizgi baǵyttaryn belgilep berdi. Biz, komıssııa músheleri Prezıdenttiń tapsyrmalaryn oryndaý boıynsha naqty is-sharalar qabyldaýymyz qajet. Búgingi otyrystyń kún tártibinde mem­leket-jekemenshik áriptestik sheń­berinde sharttar jasasý kezindegi zań­dylyqtardyń jaı-kúıi máselelerin talqylaımyz, – dedi Q.Kósherbaev.

Otyrysta Bas prokýratýranyń, Res­pýblıkalyq bıýdjettiń atqary­lýyn baqylaý jónindegi Esep komı­tetiniń, Sybaılas jemqorlyqqa qar­sy is-qımyl agenttiginiń, «Ata­meken» Ulttyq kásipkerler palata­sy­nyń, Ulttyq ekonomıka jáne Qarjy mınıstrlikteriniń birinshi basshy­larynyń baıandamalary tyńdaldy.

Zańǵa sáıkes MJÁ-niń negizgi mindetterine memleket pen jekeshe áriptestiń tıimdi ózara is-qımyly úshin jaǵdaı jasaý, memleket ekonomıkasyna ınvestısııalar tartý, halyqtyń múddeleri men qajettilikterin eskere otyryp, taýarlardyń, jumystar men kórsetiletin qyzmetterdiń qolje­tim­diligi men sapasynyń deńgeıin arttyrý, eldegi jalpy ınnovasııalyq belsendilikti arttyrý, onyń ishinde joǵary tehnologııalyq jáne ǵylymdy qajetsinetin óndiristerdi damytýǵa járdemdesý jatady.

Ulttyq ekonomıka mınıstrliginiń aqparaty boıynsha, 2005 jyldan bas­tap bıylǵy qarashaǵa deıin elimiz­de barlyǵy 671 MJÁ kelisimsharty jasalǵan. Qazirgi ýaqytta 606 obekti paıdalanylyp jatsa, 65 MJÁ obek­tisi iske asyrylyp jatyr.

Bas prokýratýra júrgizgen taldaý MJÁ ınstıtýtyn qoldaný boıynsha ýákiletti organdar jumysynyń tıim­diliginiń jetkiliksizdigin anyq­tady. Memlekettik organdar tarapynan MJÁ obektileriniń qunyn negizsiz arttyrýǵa, kórsetkishterdi ulǵaıtý maqsatynda MJÁ sýbektileri bolyp sanalmaıtyn tulǵalarmen nemese biliktilik talaptaryna sáıkes kel­meıtin jeke seriktestermen for­maldy sharttar jasasýǵa jol beriledi. Sharttar sheńberinde qabyldanǵan mindettemelerdi jeke jáne memle­kettik áriptester tarapynan oryndamaý jaǵdaılary oryn alǵan.

MJÁ-niń shyǵyndyq sharttary­nyń basym bóligi jeke áriptester­men tikeleı kelissózder jolymen jasal­ǵan. Bul irikteý satysynda naqty báse­ke­lestik ortany qamtamasyz et­peı­di. Qarjy mınıstrliginiń aýdı­tor­lyq is-sharalarynyń nátıjesinde rásimdik jáne qarjylyq sıpattaǵy buzýshy­lyqtar anyqtaldy. «Ata­meken» Ulttyq kásipkerler palatasynda MJÁ jobalary boıynsha tolyq jáne qoljetimdi aqparat bolmaı, kásipkerlerdiń qatysýyna shekteýler qoıylǵan.

Qazirgi ýakytta sý jáne energııamen jabdyqtaý, kólik, jol qurylysy, baılanys, avarııalyq-qutqarý qyzmeti men týrızm salalary MJÁ jobalarymen naqty qamtylmaǵan. Sonymen qatar arnaıy ekonomıkalyq aımaqtardyń ınfraqurylymyn salý kezinde MJÁ jobalary iske asyrylmaǵan. Al zańda bul úshin quqyqtyq mehanızm qalyp­tastyrylǵan.

Atalǵan problemalardy talqy­laý barysynda komıssııa músheleri negizinen MJÁ-ni ilgeriletý isiniń júıesizdigin, basqa da salalardaǵy ýákiletti jáne jergilikti atqarý­shy organdardyń jumys tıimdiligin úılestirý men taldaýdyń jetkilik­sizdigin sóz etti.

Otyrys qorytyndysy boıynsha komıssııa memleket-jekemenshik áriptestik salasynda anyqtalǵan kedergilerdi joıý boıynsha keshen­di sharalar qabyldaýdy tapsyrdy. Atqarylǵan sharalarǵa qatań baqylaý ornatý maqsatynda esep berý júıesin bekitti.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar