Aımaqtar • 27 Qarasha, 2019

Elordanyń irgesindegi Qosshy aýylynda «Dara - bıznes akademııasy» mektep-lıseıi ashyldy

20 retkórsetildi

Ǵımarat qurylysyna ınvestor – «Kazyna-SR» JShS 450 mıllıon teńge qarjy quıǵan. Ony merdiger «Silk-Road Corporation» JShS-i 2017 jyly qolǵa alyp, bıyl aıaqtap otyr.

«Kazyna-SR» JShS dırektory Saıra Mataıbaevanyń aıtýynsha, bul jekemenshik bilim ordasy jaratylystaný-matematıkalyq baǵytta jumys isteıtin bolady. Oqýshylardy aǵylshyn tili jáne kásipkerlikke mashyqtandyrady. Jas urpaqqa sapaly bilim men sanaly tərbıe berýde muǵalimderdiń bilimdi de bilikti bolýymen birge, mekteptiń materıaldyq-tehnıkalyq jaraqtandyrylýy men ozyq oqý quraldarymen jetkilikti qamtamasyz etilýine zor mán berilip otyr. Mektep kabınetteri zamanaýı tehnologııamen jabdyqtalyp, ınteraktıvti taqta ornatylǵan. Bilim oshaǵynda 25 synyp bar.

Jańa bilim ordasynyń ashylý saltanatyna oblys ákimi Ermek Marjyqpaev qatysyp, sóz sóıledi.

– Búgin barshamyz tarıhı oqıǵanyń kýási bolyp otyrmyz. Halqynyń sany kóbeıip kele jatqan Qosshy aýylynyń turǵyndary úshin jańa mektep-lıseı Qazaqstan Respýblıkasynyń Tuńǵysh Prezıdenti kúni qarsańyndaǵy úlken syı boldy. Memleket basshysy Qasym-Jomart Toqaev óziniń Joldaýynda áleýmettik salaǵa, onyń ishinde bilim berý, medısına jáne halyqtyń ál-aýqatyn arttyrýǵa kóńil bólýdi tapsyrǵan bolatyn. Bul bilim ordasy Selınograd aýdandyq máslıhatynyń depýtaty, jeke kásipker Saıra Mataıbaevanyń Prezıdent Joldaýyndaǵy mindetterdi júzege asyrýǵa qosyp otyrǵan baǵaly bastamasy, – dedi ákim.

Bul aýdanda syrttan kóship kelýshilerdiń kóp bolýy sebepti burynǵy bilim oshaqtary tarshylyq etýde. Aǵymdaǵy jyldyń kókteminde óńirge jumys saparymen kelgen Memleket basshysy Qasym-Jomart Toqaev osy máseleni sheshý týraly tapsyrma bergen bolatyn. Bul másele oblysta birtindep sheshilip keledi. Máselen, bıylǵy oqý jylynda Býrabaı aýdanynda 700 oryndyq mektep paıdalanýǵa berilse, Kókshetaý qalasynda 4 mektepke qosymsha ǵımarat salynýda. Al, qazirgi tańda Selınograd aýdanynyń Qoıandy, Qosshy jáne Qajymuqan aýyldarynda barlyǵy 2700 oqýshyǵa arnalǵan úsh mekteptiń qurylysy júrgizilýde. Budan bólek, Semenovka (120 oryndyq) jáne Shubar (300 oryndyq) aýyldarynda eki mekteptiń jobalyq-smetalyq qujattary ázirlenýde. Al, 2020-2021 jyldary Qosshy kentinde árbireýi 1200 oqýshyǵa arnalǵan taǵy eki mektep salý josparlanǵan.

Saltanatty shara barysynda aımaq basshysy Ermek Marjyqpaev pen jeke kásipker Saıra Mataıbaeva jańa mekteptiń lentasyn qıdy. Aq túıeniń qarny jarylǵan sharaǵa óz kezeginde aýdan turǵyndary atynan sóz sólegen Selınograd aýdanyndaǵy «Rodına» Agrofırmasy» JShS-niń bas dırektory, Qazaqstannyń Eńbek Eri Ivan Saýer ıgi isti qolǵa alǵan kásipkerge rızashylyq sezimin bildirdi.

Týǵan jer perzentteri el eńsesin kóterer osyndaı ǵıbratty sharalardy qolǵa alyp, óz úlesterin qosýy jan súısintedi.

 

Selınograd aýdany

Aqmola oblysy

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar