Aımaqtar • 27 Qarasha, 2019

Almatyda selden saqtandyratyn qondyrǵylar qoıyla bastady

160 ret

kórsetildi

1 mın

oqý úshin

Taý baýraıynda ornalasqan Almaty úshin sel qaýipsizdigi negizgi máseleniń biri. Megapolısti selden saqtaý boıynsha apat jóninde erte habardar etetin dabyl sıgnaly baǵdarlamasy jańa qurylǵylarmen tolyǵa túspek. Shahardaǵy tótenshe jaǵdaılardyń aldyn alý jáne sel qaýipsizdigin qamtamasyz etý, avtomatty baqylaý júıesi Aqsaı jáne Aıýsaı shatqaldarynda bógetter salý jóninde ótken brıfıngte aıtyldy.

Arman OKTIаBR

Almatyda selden saqtandyratyn qondyrǵylar qoıyla bastady

Este bolsa, birer jyl buryn Naýryzbaı aýdanynda oryn alǵan tabıǵattyń tosyn minezi talaı jurtty ábigerge salǵan edi. Sel apatynan qanshama úıler qırap, kólikter men joldar japa shekken bolatyn. Aıtyp kelmeıtin apattyń aldyn alý maqsatynda bas qosqan mamandar Japon memleketiniń tájirıbesine súıene otyryp, jańa qurylǵylardy iske qospaq.

«Bilim mınıstrliginiń bergen maqsatty baǵdarlamasy boıynsha Seısmopolıgonǵa arnalǵan jabdyqtar qoıdyq. Ol negizi úsh-úshten 9 núktege qoıylýy kerek. Ázirge altaýyn ornattyq. Júıeni «Dármen» baǵdarlamasyna engizip otyrmyz», – deıdi Almatydaǵy Seısmologııa ınstıtýty basshysynyń orynbasary Rınat Ámirjanov.

ALMATY